Mariko 10
10
Riborio igoro y’ogotigana
(Mat 19:1-12; Luk 16:18)
1Yeso akaimoka korwa agwo, agaika chimbebe chia Boyahudi, ng’umbu ya Yorodani. Abanto abange bakamosangererekanera naende; akaborokereria aroro, buna anarete botambe.
2Abafarisai bakamochiera, bakamobooria, “Inee! Mboronge omonto gotiga mok’aye?” Bakamoteema. 3Ere akabairaneria, “Inki Musa abachiigete?” 4#Okoir 24:1-4; Mat 5:31Bagateeba, “Musa nigo aruete ribaga koriika riruube ri’ogotigana, na komotiga.” 5Yeso akabateebia, “Ase engencho y’obokong’u bwe chinkoro chiaino nakio kiagerete abariikerete ogochika oko. 6#Omoch 1:27; 5:2Korende korwa omochakano bw’ogotongwa gw’ense Nyasae nigo atongete omosacha na omokungu. 7#Omoch 2:24Ase engencho eyio omonto natige ise na ng’ina, abwatane na mok’aye, 8na abwo babere nigo barabe omobere oyomo. Ase igo tibakoba babere naende, korende omobere oyomo. 9Naboigo ebi Nyasae abwatanirie, Mwanyabaanto tabiatanana.”
10Naende nyomba ime aborokigwa bakabooria Yeso engencho ye ring’ana erio. 11#Mat 5:32; 1 Abakr 7:10,11Akabateebia, “Kera omonto oratige mok’aye, na kunyuoma oyonde, otomanire igoro asare: 12na omokungu karatige omosacha oye, na konyuomwa nomonto onde, nere otomanire.”
Yeso ogosesenia abana abake
(Mat 19:13-15; Luk 18:15-17)
13Bakamorentera abana abake, erinde anyare kobakuna; aborokigwa baye bakabatanga. 14Korende Yeso agachia korora, akabea mono, akabateebia, “Batige abana abake bache ase ’nde, timobaisa kobatanga, ekiagera abare buna aba, oborwoti bwa Nyasae nobwabo 15#Mat 18:3Ekeene nabateebirie: Onde bwensi otanyoreti oborwoti bwa Nyasae buna omwana omoke, takobosoa nonya ng’ake.” 16Akabaimokia, akabaagata ase amaboko aye, akabasesenia, okobeeka amaboko aye igoro ase bare.
Omomura omonda
(Mat 19:16-22; Luk 18:18-23)
17Ekero Yeso achaaka orogendo rwaye kogenda enchera, omonto oyomo agacha bwango, akamotung’amera, akamobooria, “Omworokia omuya, inki ndakore inyare koba nomwando bw’obogima bwa kare na kare?” 18Yeso akamoteebia, “Inaki okondoka omuya? Onde tari omuya otatiga Nyasae bweka. 19#Okong’ 20:13; Okoir 5:17; Okong’ 20:14; Okoir 5:18; Okong’ 20:15; Okoir 5:19; Okong’ 20:16; Okoir 5:20; Okong’ 20:12; Okoir 5:16Kwamanyire amachiiko: toita, totomana, toiba, toteba oborimo, tong’aina, sika iso na nyoko.” 20Akamoteebia, “Omworokia, ayio onsi ninyabwatete korwa obwana bwane.” 21Yeso akamobeta amaiso, akamwancha, akamoteebia, “Egento ekemo ngekoremete; genda, oonie ebio ore nabio bionsi, oe abataka, na aye n’obe nenibo igoro; erio oche ontunyane.” 22Korende ere akanyiria obosio ase ring’ana riria, akagenda n’obororo, ekiagera arenge n’eniibo enyinge.
Obobe bw’obotenenku
(Mat 19:23-30; Luk 18:24-30)
23Yeso akarigereria chinsemo chionsi, agateebia aborokigwa baye, “Nabe aakong’u ase abare abanda gosoa ase oborwoti bwa Nyasae.” 24Aborokigwa bagaichana ase amang’ana aya. Yeso akairaneria naende, akabateebia, “Abana, nabe aakong’u ase abasemeretie enibo gosoa ase oborwoti bwa Nyasae! 25Naororo engamia goeta ase ekebao gi’esindani kobua omonda gosoa ase oborwoti bwa Nyasae.” 26Aborokigwa baye bagaichana mono, bakaboorania, “Ning’o rende oranyare gotooreka?” 27Yeso akabarigereria, akabora, “Ase Mwanyabaanto takonyarekana, korende ase Nyasae taibo, ekiagera onsi nigo akonyarekana ase Nyasae.” 28Petero agachaaka komoteebia, “Rora, intwe twatigire bionsi, twagotunyanire.”
29Yeso akabora, “Ekeene nabateebirie: Monto onde otigire enyomba, gose bamura bamwabo, gose basubati bamwabo, gose ng’ina, gose ise, gose abana, gose emegondo ase engencho y’ane, gose ase engencho y’enchiri, chinyomba, na bamura bamwabo, na basubati bamwabo, na abang’ina, na abana, na emegondo, ase emechando, 30ere naegwe ebinge ase chingaki echi chia bono, na ase ense egochi-gocha obogima bwa kare na kare. 31#Mat 20:16; Luk 13:30Korende abange abare ab’eritang’ani, ’nababe abamagega; na abamagega babe ab’eritang’ani.”
Yeso ogokwana eriagatato igoro y’ogokwa kwaye
(Mat 20:17-19; Luk 18:31-34)
32Bakaba inchera, bagotiira kogenda Yerusalemu. Yeso nigo arenge obatang’aine, na barabwo bagaichana, na abamotunyanete bakairoka. Naende akaira baria ikomi na babere, agachaaka kobateebia ebirage bi’amang’ana agochia komonyoora, 33akabora, “Rigereria, ngotiira tore kogenda Yerusalemu, na Omwana-o-Mwanyabaanto nabekwe ase amaboko y’abakuani abanene na aborokia b’amariiko. Abwo nabamogambie, na bamobeke ase amaboko abanto b’Ebisaku, 34na barabwo nabamochecherie, na komoaka chinkini, na komotwera amate, na komoita akwe; magega y’amatuko atato nabooke.”
Okoboria kwa Yakobo na Yohana
(Mat 20:20-23)
35Yakobo na Yohana, abana ba Zebedi, bakamochiera, bakamoteebia, “Omworokia, ntorigetie otokorere rinde rionsi toragosabe.” 36Yeso akababoria, “Inki morigetie mbakorere?” 37Bakamoiraneria, “Otwanchere intwe toikaranse, oyomo ensemo y’okoboko kwao gw’okorio, na oyonde ensemo y’okoboko kwao gw’okobee, ase obonene bwao.” 38#Luk 12:50Yeso akabateebia, “Timomanyeti eki mogosaba. Inee! Namonyare konywera egekombe nkonywera inche, na kobatiswa ebatiso inche mbatisire?” 39Bakamoiraneria, “Ntonyare.” Yeso akabateebia, “Egekombe nkonywera inche imokenywere, na ebatiso ’mbatisire inche imobatiswe, 40korende ribaga ri’ogoikaransa ensemo y’okoboko kw’ane gw’okorio na okoboko nogw’okobee tinkonyara kobaa, otatiga abwo bagacheire barariegwe.”
Obonene bw’ekeene
(Mat 20:24-28; Luk 22:24-27)
41Ekero baria ikomi bachia koigwa aya, bagachaaka kobea Yakobo na Yohana. 42#Luk 22:25,26Yeso akabarangeria, akabateebia, “Mwamanyire ng’a baria baabarirwe koba abagaambi b’ abanto b’Ebisaku nigo bakobagaambera ne chinguru, na abanene babo nigo bakobachiika. 43#Mat 23:11; Mar 9:35; Luk 22:26Korende takoba bo ase more. Omonto origetie koba omonene ase more, nabe omokoreri oino. 44Na omonto orarigie koba oyo bw’eritang’ani ase more, nabe omosomba o bonsi. 45Inaki Omwana-o-Mwanyabaanto tachete gokorerwa, korende gokorera, na korua obogima bwaye, erinde bobe embooria y’abange.”
Baritimayo oria orenge omouko okogwenigwa
(Mat 20:29-34; Luk 18:35-43)
46Bagaika Yeriko. Goika Yeso agachia koba okobwatia enchera korwa Yeriko amo naborokigwa baye na omoganda omonene, omwana o Timayo, Baritimayo, oyio orenge omouko, nigo arenge oikaransete enchera ensemo, ogosaba ebiegwa. 47Agachia koigwa ng’a Yeso Omonazareti ogoeta, agachaaka goaka eriogi, ogoteeba, “Yeso, omwana o Daudi, indorere amaabera!” 48Abanto abange bakamotogonyera, bakamoteebia ng’a anyare gokira, korende akamenta goaka eriogi kobua, ogoteeba “Omwana o Daudi, indorera amaabera!” 49Yeso agatenena, akabora, “Morangerie!” Bakarangeria omouko oria, bakamoteebia, “Remia enkoro yao, imoka, okorangeirie.” 50Ere agatuguta eanga yaye, agacharoka, agachiera Yeso. 51Yeso akamobooria, “Ninki origetie ngokorere?” Omonto oria orenge omouko akamoiraneria, “Omworokia, inyare korora.” 52Yeso akamoteebia, “Genda! Okwegena kwao gwakogwenirie.” Erio kegima akaba nkorora are, agatunyana Yeso kwagachia.
Currently Selected:
Mariko 10: EKGE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2021