Matayo 7
7
Igoro y’okogaambia abande
(Luk 6:37-38,41-42)
1“Timogaambia, nainwe timokogaambigwa. 2#Mar 4:24Inaki ekiina mokonacha, nakio morache konacherwa. Na ekerengo keria mokorengera, nakio morache korengerwa. 3Inaki okorigereria ekeogoto kere ase eriiso ri’oyomino, na omoriibo ore ase eriiso riao ime toyorochi? 4Gose ’naki orateebie oyomino: ’Ntige ’nkorusie ekeogoto kere ase eriiso riao, na rora omoriibo nore ase eriiso riao? 5Aye omonga’inereria, rusia ritang’ani omoriibo ore ase eriiso riao, nario orarore buya omanye korusia ekeogoto korwa ase eriiso ri’oyomino.
6“Timoa chisese ekere egechenu, gose timoitera chiruru chiaino ase chimbeche, tichicha gochitacha namagoro abo, naende chibaonchokere inwe, chibarie.
Saba, Rigia, Tura
(Luk 11:9-13)
7“Saba, ’namoegwe; rigia, ’namonyore; tura, ’namoigorerwe egesieri. 8Ekiagera kera oyogosaba nigo akoegwa, na ere oyokorigia nigo akonyora, na ere oyogotura nigo akoigorerwa. 9Gose monto onde n’are ase more, na omwana oye amosabe omogati, Inee, namoe rigena? 10Gose karamosabe enswe, namoe eng’iti? 11Onye inwe, abamore ababe, momanyete koa abana baino ebiegwa ebiya, Inee, Iso oino ore igoro takomenta mono kobaa amaya abwo bakomosaba?
Ogochika okore okuya mono
(Luk 6:31)
12 #
Luk 6:31
“Nabo ande onsi morigetie abanto babakorere inwe, nainwe mobakorere boigo. Ekiagera ayio naro amachiiko na amang’ana y’ababani.
Egesieri Ekegote
(Luk 13:24)
13“Soa ase egesieri kere ekegote, ekiagera egesieri gekogenda ase obosiru nekegare, na enchera ekogendao nengare, na abagosoa gochiao nabange. 14Korende egesieri gekogenda ase obogima nekegote, na enchera ekogendao nenyerere, na abakoyenyora nabake.
Omote n’amatunda aye
(Luk 6:43-44)
15“Mwerende nababani b’oborimo abwo bagocha ase more beboyetie chingobo chi’eching’ondi, na ime yabo nigo bare chisese chi’orosana chintindi mono. 16Ase amaamo abo ’namobamanye. Inee! Abanto nigo bagotwa amasabibu korwa ase emetobo, gose amako korwa ase amageri? 17Naboigo kera omote omuya nigo okwama amatunda amaya, na omote omobe nigo okwama amatunda amabe. 18Omote omuya tokonyara kwama amatunda amabe, na omote omobe tokonyara kwama amatunda amaya. 19#Mat 3:10; Luk 3:9Kera omote otameti amatunda amaya nigo okogechwa, otugutwa ase omorero. 20#Mat 12:33Naboigo, momanye ababani b’oborimo ase okwama kwabo.
Amang’ana na ogokora
(Luk 6:46; 13:25-27)
21“Tari kera omonto ogonteebia: Omonene Nyasae, orasoe ase oborwoti bwa igoro, korende n’oyogokora ogwancha gwa Tata one ore igoro. 22Ase rituko riria nabange baranteebie: Omonene Nyasae, titware kobana ase erieta riao, na ase erieta riao goseria ebirecha, na ase erieta riao togakora ebikone ebinge bie chinguru?#Isaya 2:11,17; Ezek 14:6 23#Zab 6:8Erio nainche nimbateebie maiso marore abanto baria: Timbamanyeti inwe nonya ng’ake#Mat 3:4; 23:28; 24:12; karue ase ’nde, inwe abakori amabe!
Abaagachi Enyomba babere
(Luk 6:47-49; Mar 1:22)
24“Kera oyomo oyokoigwa amang’ana aya aane, na koyakora, nagwekanigwe n’omonto orenge omong’aini, oagachete mwaye igoro ase egetare; 25embura egatwa amo nomwaga, na eooro egaacha, egatwoma enyomba eria, korende tiyagwa, ekiagera oboroso bwaye bwaagachetwe igoro ase egetare. 26Na kera oyomo oyokoigwa amang’ana aya aane, ko tayakora, nagwekanigwe n’omonto omoriri, oagachete mwaye ase amaroba; 27embura egatwa amo nomwaga, na eooro egaacha, bigatwoma enyomba eria, ekagwa; okogwa kwaye gokaba okonene.”
Okobua kwa Yeso
28Ekero Yeso akoorire amang’ana aya, emeganda egakumia ase okworokereria kwaye, 29ekiagera nigo arenge koborokereria buna oyore nokobua, na tari buna aborokia babo b’amariiko.
Currently Selected:
Matayo 7: EKGE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2021