Matayo 11
11
1Ekero Yeso akoorire gochiika aborokigwa baye ikomi na babere, akaimoka korwa aria, akagenda kworokereria na korandia ase emechie yabo.
Abatomwa korwa ase Yohana Omobatisi
(Luk 7:18-35)
2Ekero Yohana achia koigwa aaria ase echela ebitage bia Kristo, agatoma aborokigwa baye komoboria, 3“Aye naye oria ogocha, gose toganye omoao?” 4Yeso akabairaneria, akabateebia, “Genda moteebie Yohana aya mwaigwa na korora: 5#Isaya 35:5,6; Isaya 61:1Abarenge emeuko nkorora bare, abarenge amagata ngotaara bare, abarenge noborwaire bwa ukoma basibekire, abarenge emetino nkoigwa bare, abare ebitondo nkobokigwa bare, na abataka nkoranderigwa bare amang’ana amaya. 6Nasesenirie onde bwensi otagochiri nainche.”
7Na ekero bachia kogenda, Yeso agachaaka gokwana nemeganda igoro ya Yohana, Inki mwachiete korora aria ase erooro? Negetonto gekonyegerigwa nomwaga? 8Gose inki mwachiete korora isiko? Omonto bweboyetie chianga chinterere? Rigereria, abakweboyia chianga chinterere nigo bamenyete ase chinyomba chi’abarwoti. 9Nase ki rende mwasogete isiko? Korora omobani? Ee, nabateebirie, oyore omonene kobua omobani. 10#Malk 3:1Inaki oyio nere amang’ana aya ariikire igoro yaye:
Rigereria, natomire omotomwa one ase obosio bwao,
oyo oratang’ane koroisia enchera yao!
11Nekeene nabateebirie inwe ng’a ase baria baiboire nomokuungu, mobani onde taratoka ore omonene kobua Yohana Omobatisi; korende oyore omoke ase oborwoti bwa igoro nomonene komobua. 12#Luk 16:16Korwa amatuko a Yohana Omobatisi goika bono oborwoti bwa igoro nigo bogosogwa neburuburu, na abwo abanyaburuburu nigo bakobosoa ne chinguru. 13Inaki ababani bonsi mbaabanete, na amachiiko boigo, goika ekero kia Yohana. 14#Malk 4:5; Mat 17:10-13; Mar 9:11-13Na inwe onye morigetie gwancha, ere nere Elija otebetwe ore gocha. 15Oyore namato akoigwera, tiga aigwe.
16Korende inaki ndakegwekanie ekegori eke? Nigo kegwekaine abana baikaransete ase chichiiro, bakorangeria abagisangio babo, bagoteeba; 17“Twababugeirie ebiroria, na inwe timotengeti; tweumirie, na inwe timorereti”. 18Inaki Yohana nigo achete, tare koria gose tare konywa: bagateeba; Nare nekerecha. 19Omwana-o-Mwanyabaanto nigo achete okoria na konywa, na barabwo bateebire: Rora, rinyandambe na omotindu bw’edivai, omosani bw’abarusia ebango na abanyene ebibe! Na obong’aini bwa Nyasae bwamanyekanire koba oboronge ase abana baye bonsi.
Obobe bw’emechie eria etegeneti
(Luk 10:13-15)
20Erio Yeso agachaaka gotogonyera emechie eria, aase ebikone biaye ebinge bie chinguru biakorekire, ekiagera etaonchogete: 21#Isaya 23:1-18; Ezek 26:1—28:26; Yoel 3:4-8; Amos 1:9,10; Zak 9:2-4“Obobe nobwao, Korasini! Obobe nobwao, Bethisaida! Ekiagera onye ebikone bie chinguru biakoregete ase more mbiakorekanete ase Turo na Sidoni, anga abanto b’aroro mbaonchogete kare, ase okobeeka chianga chi’echigunia, na kweaka riibu. 22Korende nabateebirie inwe, n’ebe aororo ase Turo na Sidoni ase rituko ri’ekiina kobua ase more. 23#Isaya 14:13-15; Omoch 19:24-28N’aye Kapernaumu, noimokererigwe igoro? Noche goikigwa goika Eora y’Amakweri, ekiagera onye ebikone bie chinguru ebiakoregete ase ore mbiakoregete ase Sodomu, anga omochie oyio noteneine goika reero. 24#Mat 10:15; Luk 10:12Korende nabateebirie inwe ng’a n’ebe aororo ase ense ya Sodomu ase rituko ri’ekiina kobua ase ore.”
Inchwo ase inde monyore ogotimoka
(Luk 10:21)
25Ase ekero keria Yeso agakwana, “Nakobaakire aye Tata, Omonene o igoro na ense, ng’a kwababisire abare nobong’aini ne chisemi amang’ana aya, na kwayamaanoire ase abana abake. 26Ee, Tata, oko nakwo kwarenge ogwancha kwao okuya.
Obotomwa bwa Yeso omonyene
(Luk 10:22)
27 #
Yoh 3:35;
Yoh 1:18; 10:15 “Naeirwe ebinto bionsi na Tata one; monto onde tari omomanyete Omwana otatiga Tata; na onde tari omomanyete Tata otatiga Omwana, na ere oria Omwana agochora komomaanorera. 28Inchuo ase ’nde inwe mwensi aba mwarosigwe ase emeremo emerito, na abwo mwabunekire ne chigurube, na inche nimbatimokie. 29#Yer 6:16Bogoria rikorogoto riane#Yer 27—28, mwegere ase ’nde, ekiagera inche nomokanyeku na omoitongo#Mat 18:4; 23:12 ase enkoro, na inwe namonyore ogotimoka ase emioyo yaino, 30ekiagera rikorogoto riane neriororo, na egurube y’ane nengusu.”
Currently Selected:
Matayo 11: EKGE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2021