Marka 3
3
Ta munhu wa kukhwanyala voko
(Matewu 12:9-14; Luka 6:6-11)
1Yesu atlhela anghena sinagogeni; kolaho akuli ni munhu wa kukhwanyala voko. 2Kutani Vafarisi avalangutisisa Yesu kuvona kumbe atahanyisa munhu lweyi hi siku ra Savata, lesvaku vatakota kumunyika nandzu. 3Hi loko aku ka munhu wa kukhwanyala voko: “Suka, uyima laha xikarhi.” 4Kutani aku ka vona: “Lesvilulameke kuyendliwa hi Savata hi svihi xana: Kuyendla lesvinene kumbe kuyendla lesvobiha, kuhanyisa munhu kumbe kumudlaya xana?” Kambe vona vamiyela. 5Yesu avarhalarhala hi mahlo na ahlundzukile, na avavisekile hi kunonon'hwa ka timbilu ta vona, kutani aku ka wanuna lwiya: “Tshabuluta voko ra wena.” Aritshabuluta, kutani voko ra yena ritlhela riwololoka. 6Kutani Vafarisi vahuma sinagogeni, vayaluka makungu svin'we ni va ntlawa wa Heroda, kuvona hilaha vangamudlayaka hakona.
Ta xitshungu ridongeni ra tiva
(Matewu 12:15-16; Luka 6:17-19)
7Yesu asuka ayakusuhi ni tiva svin'we ni vajondzisiwa va yena, kutani xitshungu lexikulu ximulandza, na xihuma Galileya, xin'wana xihuma Yudeya, 8ni le Yerusalema ni le Idumeya ni le ka tlhelo rin'wana ra Yordani ni le matikweni ya Tiro na Sidoni. Avachololoka vaya ka yena hi kutwa lesvikulu lesvi aasviyendla. 9#Vona ni: Mar. 4:1; Luk. 5:1-3. Kutani abzela vajondzisiwa va yena lesvaku bzatsu ritshama riyimile kusuhi na yena, lesvaku xitshungu xingamukamanyeti. 10Hinkwavu lava avali ni mavabzi avakamanyetana vaya ka yena lesvaku vatamukhumba, hikuva aahanyisile lavotala. 11Ni lava avali ni mimoya ya chaka, loko vamuvona, avakhinsama mahlweni ka yena, vahuwelela, vaku: “Wena u N'wana wa Xikwembu!” 12Hi loko Yesu akhahla madimoni hi matimba lesvaku mangatshuki matwalisa lesvaku yena i mani.
Ta Yesu loko ahlawula vapostola va khume ni vambirhi
(Matewu 10:1-4; Luka 6:12-16)
13Kutani Yesu atlhantukela ntshaveni, ativitanela lava avalaveke; hi loko vata ka yena. 14Ahlawula khume ni vambirhi #3:14Van'wana vali: Ahlawula khume ni vambirhi, lava avavuleke vapostola. lesvaku vava na yena ni lesvaku atavarhuma kupaluxa Evhangeli, 15avanyika ni matimba ya kuhlongola madimoni. 16Vapostola va khume ni vambirhi lava angavahlawula hi lava: Simoni (lweyi angamuchula vito ra Petrosi), 17na Yakobe na Yohani vana va Zebedewu (lava angavachula vito ra Bowanerjesi, hi lesvaku vana vaxingwalangwandza); 18kulandza Andreya, na Filipi, na Bartolomewu, na Matewu, na Tomasi, na Yakobe n'wana Alfewu, na Tadewu, na Simoni wa Kanana, 19na Yudasi Iskariyota, lweyi axengeke Yesu.
Ta Yesu na Belzebule
(Matewu 12:22-32; Luka 11:14-23; 12:10)
20Loko Yesu atlhelele kaya, xitshungu xitlhela xihlengeletana kona, lakakuva yena ni vajondzisiwa va yena vatsandzeka ni kuja svakuja. 21Loko maxaka ya yena vatwa svosvo, mata, matela kutamukhoma, hikuva avaku: “Ahlangane nhloko.” 22#Vona ni: Mat. 9:34; 10:25. Na vona Vatsali lavangirimeleke hi le Yerusalema, avaku: “Afumiwa hi Belzebule, nasvona ahlongola madimoni hi hosana ya madimoni.” 23Kuteloko Yesu avavitanile, avulavula na vona hi svifaniso, aku: “Xana Sathana angasvikotisa kuyini kuhlongola Sathana ke? 24Nasvona, loko mfumu wuyavana hi le xikarhi, mfumu lowu awukoti kutiya. 25Ni loko njangu wuyavane hi le xikarhi, njangu wolowo awungatiyi. 26Na yena Sathana, loko atilwisa, ayavana hi le xikarhi, angakala angatiyi, kutava kuhela ka yena. 27Aku na munhu lweyi akotaka kunghena ndlwini ya nhenha ya matimba kuyaphanga rifuwo ra yona, na angarhanganga hi kuboha nhenha yoleyo; kuli kona aphangaka sva yindlo ya yona.
28“Nitiyisile nili ka n'wina: Svijoho hinkwasvu ni svisandzu hinkwasvu sva vana va vanhu svitarivaleliwa; 29#Vona ni: Luk. 12:10. kambe lweyi angatasandza Moya Lowokwetsima angakala angarivaleliwi ni siku ni rin'we; hi lesvaku a ni nandzu wa xijoho lexingaheliki.” 30Aavulisa svosvo, hikuva avaku: “A ni moya wa chaka.”
Ta mamana wa Yesu ni vamakwavu
(Matewu 12:46-50; Luka 8:19-21)
31Mamana wa Yesu ni vamakwavu vata, vayima handle, varhuma munhu ayamuvitana. 32Kambe xitshungu axitshamile, ximurhendzelile. Kutani vaku ka yena: “Vona, mamana wa wena ni vamakwenu vakona laha handle, vakulava.” 33Avahlamula aku: “Mamana wa mina ni vamakwerhu i vamani?” 34Kutani Yesu alanguta vanhu lava avamurhendzelile, aku: “Langutani, mamana wa mina ni vamakwerhu, hi volava; 35hikuva mani na mani lweyi ayendlaka kurhandza ka Xikwembu, hi yena makwerhu waxinuna ni waxisati na mamana.”
Currently Selected:
Marka 3: NTC2014
Highlight
Share
Copy
Want to have your highlights saved across all your devices? Sign up or sign in
Novo Testamento Changana © Bible Society of Mozambique, 2014.