Matewu 23
23
Ta Yesu loko asandza Vatsali ni Vafarisi
(Marka 12:38-40; Luka 11:37-52; 20:45-47)
1Hi loko Yesu abzela xitshungu ni vajondzisiwa va yena, aku: 2“Vatsali ni Vafarisi vatshamile xitshan'wini xa Moxe; 3hi kolaho, yendlani hinkwasvu lesvi vamibzelaka svona, misvihlayisa, kambe mingaringiseleni lesvi vasviyendlaka, hikuva vasvivula, kambe avasviyendli. 4Vaboha mindzhwalu leyotika, vayirhwexa makatleni ya vanhu, kasi vona avalavi ni kuyitsekatsekisa hi ritiho. 5#Vona ni: Mat. 6:1; Tinhl. 15:38; Dew. 6:8. Mintirho ya vona hinkwayu, vayitirha lesvaku vatavoniwa hi vanhu; hikuva vayanamisa atifilaktera ta vona, valehisa ni makumu ya sviyambalu ya vona; 6varhandza kutshama lomu kochaviseka aminkhubzeni, vahlawula ni svitshamu lesvinene masinagogeni; 7vatsakela kuxewetiwa hi vajondzi mintsendzeleni, ni kuvitaniwa hi vanhu vaku: ‘Mujondzisi.’
8“Loko mili n'wina, mingatshukeni mitivitanisa hi vito ra ‘Mujondzisi’, hikuva Mujondzisi wa n'wina i mun'we ntsena; n'wina hinkwenu mi vamakwavu. 9Mingatshukeni mivitana munhu wa laha misaveni, miku, i ‘Tatana wa n'wina’, hikuva Tatana wa n'wina i mun'we ntsena, lweyi anga tilweni. 10Nasvona mingasindziseni kuvitaniwa ‘Varhangeli’, hikuva Murhangeli wa n'wina i mun'we ntsena, anga yena Kriste. 11#Vona ni: Mat. 20:26-27; Mar. 9:35; 10:43-44; Luk. 22:26. Kambe lwenkulu ka n'wina atava mutirheli wa n'wina, 12#Vona ni: Luk. 14:11; 18:14. hikuva mani na mani lweyi atikulisaka, atatsongahatiwa; kutani mani na mani lweyi atitsongahataka, atakulisiwa.
Ta Yesu loko asola Vafarisi
13“Yowee n'wina Vatsali ni Vafarisi, hikuva mi vakanganyisi! Hikuva mipfalela vanhu kunghena Mfun'wini wa matilo. N'wina amingheni ka wona, nasvona lavaringetaka kunghena amivatshiki. 14[ Yowee n'wina Vatsali ni Vafarisi, hikuva mi vakanganyisi! Mihlasela vafelakazi minjangwini ya vona, na mitivhikhela hi kuyendla svikhongelo lesvoleha; hi kolaho mitayavanyisiwa hi kuyavanyisa loku kukarhataka.] #23:14 Van'wana avatsalanga ndzimana leyi.
15“Yowee, n'wina Vatsali ni Vafarisi, hikuva mi vakanganyisi! Hikuva mirhendzeleka malwandle ni le misaveni, lesvaku mitakuma mujondzisiwa mun'we ntsena; kutani loko mimukumile, mimuyendla lweyi afaneliwaka hi Tihele, kuphindha kambirhi kutlula n'wina.
16“Yowee n'wina vafambisi lavofa mahlo! Hikuva mili: ‘Loko munhu ahlambanya hi Tempele, asvi na mhaka; kambe loko ahlambanya hi golidi ya Tempele, atibohile hi kuhlambanya ka yena.’ 17N'wina svihunguki ni lavavofa mahlo! Lexikulu hi xihi xana: i golidi, kumbe i Tempele leyinga yona yikwetsimisaka golidi xana? 18Nasvona mili: ‘Loko munhu ahlambanya hi alitari, asvi na mhaka; kambe loko ahlambanya hi nyiko leyinga alitarini, atibohile hi kuhlambanya ka yena.’ 19N'wina svihunguki ni lavofa mahlo! Lexikulu hi xihi xana: i mhamba, kumbe i alitari, leyinga yona yikwetsimisaka mhamba xana? 20Loko svilitano, lweyi ahlambanyaka hi alitari, ahlambanya ha yona kupatsa ni hinkwasvu lesvinga henhla ka yona; 21lweyi ahlambanyaka hi Tempele, ahlambanya hi yona kupatsa ni Lweyi atshamaka ka yona; 22#Vona ni: Ez. 66:1; Mat. 5:34. nasvona lweyi ahlambanyaka hi tilo, ahlambanya hi xiluvelo xa Xikwembu kupatsa ni Lweyi atshameke henhla ka xona.
23 # Vona ni: Levh. 27:30. “Yowee n'wina Vatsali ni Vafarisi, hikuva mi vakanganyisi! Mihumesa sva vukhume sva ximbowambowana, ni sva aneta, ni sva kumini, kambe ami na mhaka ni lesvikulu, ni sva risima ka Nawu, kunga kululama, ni timpsalu, ni kupfumela; kasi amifanelile kurhanga hi svilo lesvi, na mingasiyanga lesvin'wana. 24N'wina vafambisi lavanga svifamahlo, miwungula nsuna, kambe miminta kamela!
25“Yowee n'wina Vatsali ni Vafarisi, hikuva mi vakanganyisi! Mihlampsa ndzheko ni nkambana hi le handle ka svona, kasi ndzeni ka svona svitele hi vuphangi ni vubihi hinkwabzu. 26Mufarisi wa kufa mahlo! Rhanga hi kuhlampsa ndzheko ni nkambana hi le ndzeni ka svona kubasa, hi kona ni le handle kungatahlampseka kubasa.
27 # Vona ni: Mint. 23:3. “Mi ni khombo n'wina Vatsali ni Vafarisi, hikuva mi vakanganyisi! Mifana ni masirha lawa mapendiweke hi muvala wobasa, lawa mavonekaka na masasekile hi le handle, kasi ndzeni ka wona kutele hi marhambu ya vafi ni hinkwasvu sva chaka. 28Hi mukhuva wolowo vanhu vamivona na mili lava valulameke handle, kasi ndzeni, mitele hi vukanganyisi ni vubihi.
29“Yowee n'wina Vatsali ni Vafarisi, hikuva mi vakanganyisi! Miyaka masirha ya vaprofeta, misasekisa hi maribze yovatsundzuka ha wona lava volulama, kutani mivula miku: 30‘Loko ongi hihanyile minkarhini ya vatatana va hina, ina hingatwanananga na vona kuhalata ngati ya vaprofeta.’ 31Hi mukhuva wolowo, mitivula ha n'wexe lesvaku mi vana valava vangadlaya vaprofeta. 32Hikolaho-ke, hetisisani mpimo wa kujoha ka vatatana va n'wina loku vakusunguleke. 33#Vona ni: Mat. 3:7; 12:34; Luk. 3:7. N'wina tinyoka, rixaka ra svipshahla, xana mitaponisa kuyini kuyavanyiseliwa Tihele ke?
34“Xilesvo, masvivo, nahamirhumela vaprofeta, tintlhari, ni Vatsali; mitadlaya van'we va vona, van'wana mitava vamba svihambanwini; mitaba van'wana va vona masinagogeni ya n'wina, mivahlongolisa vasuka doropeni rin'we, vaya ka rin'wanyana; 35#Vona ni: Gen. 4:8; II Tikr. 24:20-21. lesvaku angati ya lava volulama leyi yingahalatiwa misaveni yiva henhla ka n'wina, kusukela kudlaweni ka Abele lweyi aalulamile, kuyafika kudlaweni ka Zakariya n'wana Barakiya, lweyi mimudlayeke xikarhi ka Tempele ni alitari. 36Nitiyisile nili ka n'wina: Svilo lesvi hinkwasvu svitawela rixaka leri. #23:36 Kumbe, ka nguva leyi.
Ta Yesu loko arilela Yerusalema
(Luka 13:34-35)
37“Yerusalema, Yerusalema, wena lweyi udlayaka vaprofeta, lweyi ukhandlaka hi maribze lavarhumiweke ka wena, i kangani ninavelile kuhlengeleta vana va wena, kukotisa huku loko yihlengeleta sviciwana sva yona hansi ka timpapa ta yona, kambe awusvilavanga! 38Vonani, munti wa n'wina wutasala wuli rhumbi. 39Nasvona namitivisa lesvaku kusukela svosvi, amingahanivoni, kukondza kufika siku leri mingataku: ‘Akukhensiwe, lweyi ata ka hi vito ra Hosi.’”
Currently Selected:
Matewu 23: NTC2014
Highlight
Share
Copy
Want to have your highlights saved across all your devices? Sign up or sign in
Novo Testamento Changana © Bible Society of Mozambique, 2014.