MATHAYO 7
7
1MŨTIKANEKŨŨANĨRE, nĩ getha mũtikanekũũĩrũo. 2#Mar 4.24.Nĩ gũkorũo gwĩkũũanĩra kũrĩa mwĩkũũanagĩra nakuo, nĩkuo mũgekũũĩrũo nakuo na inyuĩ. Na ningĩ kĩgeri kĩrĩa mũgeranagĩra nakĩo, nĩkĩo mũkagererũo nakĩo na inyuĩ. 3Na atĩrĩrĩ, nĩ kĩ gĩtũmaga ũrore kĩhuti kĩrĩa kĩĩ riitho rĩa mũrũ wa thoguo, na ndũkũũria mũgogo ũrĩa wĩ riitho rĩaku mwene? 4Kana rĩrĩ, wakĩhota atĩa kwĩra mũrũ wa thoguo, Reke ngũrute kĩhuti kĩu kĩĩ riitho rĩaku, na rĩrĩ, wee mwene wĩ na mũgogo ũcio riitho rĩaku? 5Wee, hinga ĩno, amba ũrute mũgogo ũcio wĩ riitho rĩaku mwene, na hĩndĩ ĩo nĩũkuona wega ũrute kĩhuti kĩrĩa kĩĩ riitho rĩa mũrũ wa thoguo.
6Tigagai kũhe magui kĩndũ kĩrĩa kĩamũre o na mũtigaitĩre ngũrũe ruru cianyu, itikae gũcirangĩrĩria na magũrũ, icoke imũgarũrũkire imũtihangie.
7Hoyai, na nĩmũkũheo; mathai, na nĩmũkuona; ringaringai mũrango, na nĩmũkũhingũrĩrũo: 8nĩ ũndũ o mũndũ ũrĩa ũhoyaga, nĩaheagwo; na ũrĩa ũmathaga, nĩonaga; na ũrĩa ũringaringaga mũrango, nĩahingũragĩrũo. 9Na rĩrĩ, nĩ mũndũ ũrĩkũ wanyu ũngĩĩtio mũgate nĩ mũriũ, amũne ihiga? 10Kana hihi angĩĩtio kĩũngũyũ, amũne nyamũ-ya-thĩ? 11Hakĩrĩ ũguo-rĩ, mwagĩkorũo inyuĩ, na mũrĩ oru-rĩ, nĩmũũĩ kũhe ciana cianyu iheo njega, ĩ Ithe wanyu wĩ Igũrũ angĩkĩria atĩa kũhe indo njega arĩa mamũhoyaga? 12#Luk 6.31.Tondũ ũcio-rĩ, maũndũ mothe marĩa mũngĩenda andũ mamwĩkage inyuĩ, mekagei o mo o nao: nĩ ũndũ ũguo nĩguo gatũũrũ ka ũhoro wa watho o na wa anabii.
13Tonyerai mũromo ũrĩa mũceke: nĩ gũkorũo mũromo nĩ mwariĩ, na njĩra nĩ njaramu ĩrĩa ĩkinyaga kũndũ kũrĩa gwa kũũrĩra, na andũ arĩa matonyagĩra ho nĩ aingĩ. 14Nĩ gũkorũo mũromo nĩ mũceke, na njĩra nĩ ngunderu ĩrĩa ĩkinyaga kũrĩa kwĩ muoyo, na andũ arĩa mamĩonaga nĩ anyinyi.
15Wĩmenyagĩrĩrei anabii a mathara, arĩa mokaga kũrĩ inyuĩ mekĩrĩte njũa cia ng’ondu, no thĩinĩ makorokete ta njũi. 16Nĩmũrĩmamenyaga nĩ ũndũ wa maciaro mao. Kaĩ thabibu ituagwo ciigua-inĩ, kana ngũyũ igatuo mahiũ-inĩ ma nyeki? 17No taguo o mũtĩ ũrĩa mwega ũciaraga maciaro mega; naguo mũtĩ ũrĩa mũthũku ũciaraga maciaro moru. 18Mũtĩ ũrĩa mwega ndũngĩhota gũciara maciaro moru, kana mũtĩ ũrĩa mũthũku ũhote gũciara maciaro mega. 19#Mat 3.10; Luk 3.9.O mũtĩ ũrĩa ũtaciaraga maciaro mega nĩ gũtemwo ũtemagwo ũgaikio mwaki-inĩ. 20#Mat 12.33.Ũguo noguo mũrĩmamenyaga nĩ ũndũ wa maciaro mao. 21To mũndũ ũrĩa ũnjĩtaga, Mwathani ũyũ, Mwathani ũyũ, ũgatonya ũthamaki-inĩ wa Igũrũ; no ũrĩa wĩkaga ũrĩa Awa ũrĩa wĩ Igũrũ endaga. 22Mũthenya ũcio andũ aingĩ nĩmakanjũria, Mwathani ũyũ, Mwathani ũyũ, githĩ tũtiigana kũratha mohoro na rĩĩtwa rĩaku, o na tũkĩingata ndaimono na rĩĩtwa rĩaku, o na tũkĩruta mawĩra maingĩ ma hinya na rĩĩtwa rĩaku? 23#Thab 6.8.Na hĩndĩ ĩo nĩngamoimĩrĩria ndĩmere atĩrĩ, Gũtirĩ hĩndĩ ndamũũĩ; umai kũrĩ niĩ, inyuĩ mwĩkaga waganu.
24Nĩ ũndũ ũcio-rĩ, o mũndũ ũrĩa ũiguaga mohoro macio makwa, na ageka ũrĩa njugĩte, nĩ wa kũhaananio na mũndũ mũũgĩ, ũrĩa waakire nyũmba yake igũrũ rĩa rũnyanjara: 25nayo mbura ĩkiura, na rũũĩ rũkĩiyũra, o na rũhuho rũkĩhurutana, nacio ciothe ikĩgũtha nyũmba ĩo na nditi; nayo ndĩigana kũgũa, nĩ ũndũ gĩtina kĩayo gĩaakĩtwo igũrũ rĩa rũnyanjara. 26No rĩrĩ, mũndũ ũrĩa ũiguaga mohoro macio makwa, na ndeke ũrĩa njugĩte, nĩ wa kũhaananio na mũndũ mũkĩgu, ũrĩa waakire nyũmba yake igũrũ rĩa mũthanga: 27nayo mbura ĩkiura, na rũũĩ rũkĩiyũra, o na rũhuho rũkĩhurutana, nacio ciothe ikĩhũra nyũmba ĩo na nditi, nayo ĩkĩgũa; na kũgũa kwayo kwarĩ kũnene.
28 #
Mar 1.22; Luk 4.32. Gũgĩgĩtuĩka atĩrĩ, atĩ Jesu aarĩkia kwaria mohoro macio, kĩrĩndĩ gĩkĩgegera ũrutani wake; 29amu nĩaakĩrutaga ta mũndũ waathanaga, na ti ta aandĩki-marũa arĩa ao.
Currently Selected:
MATHAYO 7: OGKBIBLE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019