MATHAYO 5
5
1NAKE ona mĩrũrũngano ya andũ akĩambata kĩrĩma-inĩ; na aarĩkia gũikara thĩ, arutwo ake magĩũka kũrĩ we; 2agĩtumũra kanua akĩmaruta, akiuga atĩrĩ,
3Gũkena-rĩ, nĩ arĩa matarĩ na mwĩgatho, nĩ gũkorũo ũthamaki wa Igũrũ nĩ wao.
4 #
Isa 61.2. Gũkena-rĩ, nĩ arĩa marĩ na kĩeha, nĩ gũkorũo nĩmakaninĩrũo kĩeha.
5 #
Thab 37.11. Gũkena-rĩ, nĩ arĩa ahoreri, nĩ gũkorũo nĩmakagaya thĩ.
6 #
Isa 55.1,2. Gũkena-rĩ, nĩ arĩa mahũtagĩra maũndũ marĩa ma ũthingu, na makamanyotera, nĩ gũkorũo nĩmakahũnio.
7Gũkena-rĩ, nĩ arĩa maiguagĩra andũ tha, nĩ gũkorũo nĩmakaiguĩrũo tha.
8 #
Thab 24.3,4. Gũkena-rĩ, nĩ arĩa mateciragia ũũru ngoro, nĩ gũkorũo nĩmakona Ngai.
9Gũkena-rĩ, nĩ ateithũrani, nĩ ũndũ nĩmagetagwo ariũ a Ngai.
10 #
1 Pet 3.14. Gũkena-rĩ, nĩ arĩa manyarirĩtwo nĩ ũndũ wa maũndũ marĩa ma ũthingu, nĩ gũkorũo ũthamaki wa Igũrũ nĩ wao.
11 #
1 Pet 4.14. Gũkena-rĩ, nĩ inyuĩ hĩndĩ ĩrĩa andũ makamũruma, na mamũnyarire, na mamũigĩrĩre maũndũ moru ma mĩthemba yothe nĩ ũndũ wakwa. 12#2 Maũ 36.16; Atũm 7.52.Kenai na mũcanjamũke, tondũ igai rĩanyu nĩ rĩnene kũrĩa Igũrũ; nĩ ũndũ ũguo no taguo anabii arĩa maarĩ mbere yanyu maanyariragwo.
13 #
Mar 9.50; Luk 14.34,35. Nĩ inyuĩ cumbĩ wa thĩ: no rĩrĩ, cumbĩ ũngĩkorũo ũthirĩte mũcamo waguo-rĩ, wacoka gũcamithio ta cumbĩ na kĩ? Ndũrĩ bata o na wa kĩ, no gũteo ũteo na ũrangwo nĩ andũ.
14 #
Joh 8.12; 9.5. Nĩ inyuĩ ũtheri wa thĩ. Itũũra rĩrĩa rĩakĩtwo kĩrĩma igũrũ rĩtingĩhithĩka. 15#Mar 4.21; Luk 8.16; 11.33.Ningĩ andũ matiakagia tawa, na macoke kũũkunĩkĩria na irebe, no kũiga maũigaga igũrũ handũ haguo, naguo ũgatherera andũ othe marĩ nyũmba. 16#1 Pet 2.12.O ũguo noguo na inyuĩ rekei ũtheri wanyu ũtheragĩre andũ, nĩguo mone ciĩko cianyu njega, na magoocage Ithe wanyu ũrĩa wĩ Igũrũ.
17Tigagai kwĩgereria atĩ ndokire gũtharia watho kana mohoro ma anabii. Ndiokire kũmatharia, no kũmahingia. 18#Luk 16.17.Tondũ ũcio ngũmwĩra atĩrĩ na ma, atĩ nginya hĩndĩ ĩrĩa Igũrũ o na thĩ gũgathira, hatirĩ kairia ka i, kana gakururo ga t, gagathira watho-inĩ o na rĩ, kinya maũndũ mothe maguo makahingio. 19Hakĩrĩ ũguo-rĩ, o mũndũ ũrĩa wa kwagarara rĩathani rĩmwe rĩa maathani macio, o na rĩĩ inyinyi mũno, na arutage andũ gwĩka ũguo, mũndũ ũcio nĩagatuo mũnyinyi kũrĩ arĩa angĩ ũthamaki-inĩ wa Igũrũ. No rĩrĩ, ũrĩa ũrĩmaiguaga, na amarutanage, mũndũ ũcio nĩagatuo mũnene ũthamaki-inĩ wa Igũrũ. 20Nĩ ũndũ ũcio, ngũmwĩra atĩrĩ, ũthingu wanyu waaga gũkĩra ũrĩa wa aandĩki-marũa, o na wa Afarisai, mũtigatonya ũthamaki-inĩ wa Igũrũ, o na atĩa.
21 #
Thama 20.13; Gũcok 5.17. Nĩmũiguĩte atĩ andũ arĩa a tene nĩmerirũo ũũ: Ndũkanoragane; na mũndũ ũrĩa ũkoragana, no kinya atuĩke wa gũcirithio: 22no niĩ ngũmwĩra atĩ mũndũ o wothe ũrĩa ũkarakarĩra mũrũ wa ithe, no kinya atuĩke wa gũcirithio; ningĩ o mũndũ ũrĩa ũngĩĩra mũrũ wa ithe, Wee ndũrĩ bata, nĩagatuĩka wa gũcirithio nĩ kĩama; nake ũrĩa ũngiuga, Wee wĩ mũkĩgu, nĩagatuĩka wa gũikio mwaki-inĩ wa Jehanumu.#5.22 Jehanumu: Kĩyunani nĩ Gehenna. Nĩ ũndũ gwa kũũrĩra tene na tene. 23Tondũ ũcio-rĩ, akorũo nĩũgũtwara kĩheo gĩaku kĩgongona-inĩ kĩrutĩrũo Ngai, na hĩndĩ ĩo wĩ ho ũririkane atĩ mũrũ wa thoguo arĩ na ũndũ nawe, 24ta tiga kĩheo kĩu gĩaku o hau kĩgongona-inĩ, ũthiĩ, wambe ũkaiguane na mũrũ wa thoguo, na thutha wa ũguo ũcoke ũkarutĩre Ngai kĩheo gĩaku. 25Hiũha kũiguana na mũgwĩtia hĩndĩ ĩrĩa mũrĩ nake njĩra, nĩ getha mũgwĩtia ũcio ndagagũtware kũrĩ mũtuanĩri-cira, nake akũneane kwĩ mũnene wa athigari, ũgaikio korokoro-inĩ. 26Ngũkwĩra atĩrĩ na ma, ndũrĩ hingo ũkoima ho o na atĩa ũtarĩhĩte thirĩ ũcio, hatarĩ gathendi gatigarĩte.
27 #
Thama 20.14; Gũcok 5.18. Nĩmũiguĩte atĩ nĩkweranirũo ũũ: Ndũkanatharanie; 28no niĩ ngũmwĩra atĩ, o mũndũ o wothe ũngĩrora mũndũ-wa-nja na amwĩrirĩrie, nĩarĩkĩtie gũtharia nake ngoro-inĩ yake. 29#Mat 18.9; Mar 9.47.Na rĩrĩ, kũngĩtuĩka atĩ riitho rĩaku rĩa ũrĩo nĩ rĩa gũkũhĩngithia, rĩkũũre, ũrĩte; nĩ gũkorũo nĩ kaba kĩĩga kĩmwe kĩa mwĩrĩ waku kĩũre, kwĩ mwĩrĩ waku wothe ũikio Jehanumu-inĩ. 30#Mat 18.8; Mar 9.43.Na kũngĩtuĩka atĩ guoko gwaku kwa ũrĩo nĩ gwa gũkũhĩngithia, gũtinie, ũgũte, nĩ gũkorũo nĩ kaba kĩĩga kĩmwe gĩaku kĩũre, kwĩ mwĩrĩ waku wothe ũtwarũo Jehanumu-inĩ. 31#Gũcok 24.1-4; Mat 19.7; Mar 10.4.Ningĩ nĩkweranirũo ũũ: atĩ, O mũndũ ũrĩa ũngĩte mũtumia wake, nĩamũhe marũa ma gũtigana nake; 32#Mat 19.9; Mar 10.11,12; Luk 16.18; 1 Kor 7.10,11.no niĩ ngũmwĩra atĩrĩ, atĩ o mũndũ ũrĩa ũngĩte mũtumia wake, tiga o ũndũ wa ũtharia, nĩegũtũma atuĩke mũtharia: na ningĩ o mũndũ ũrĩa ũkamũhikia hĩndĩ ĩo ateetwo, ũcio no atuĩke nĩatharĩtie.
33 #
Alaw 19.12;
Ndar 30.2; Gũcok 23.21. Ningĩ nĩmũiguĩte atĩ andũ arĩa a tene nĩmerirũo ũũ: Ndũkanehĩte na mathara, ĩndĩ no mũhaka ũhingagĩrie Mwathani mĩĩhĩtwa ĩrĩa wĩhĩtĩte: 34#Jak 5.12; Isa 66.1; Mat 23.22.no niĩ ngũmwĩra atĩ, Mũtikanehĩte o na atĩa; mũtikanehĩte na Igũrũ, nĩ ũndũ nĩkuo gĩtĩ gĩa ũthamaki kĩa Ngai; 35#Isa 66.1; Thab 48.2.o na kana wĩhĩte na thĩ, nĩ ũndũ nĩkuo gĩturũa kĩa makinya make; o na kana na Jerusalemu, nĩ ũndũ nĩrĩo itũũra rĩa Mũthamaki ũrĩa mũnene. 36Ningĩ ndũkanehĩte na mũtwe waku, nĩ ũndũ ndũngĩhota gũtũma rũcuĩrĩ rũmwe rũerũhe kana rũire. 37No mũkĩaria-rĩ, ugagai ũũ, Ĩĩ-ni, ĩĩ-ni; Aca, aca: na ũrĩa ũkĩrĩte ciugo icio uumĩte kũrĩ ũrĩa mũũru.
38 #
Thama 21.24; Alaw 24.20; Gũcok 19.21. Nĩmũiguĩte atĩ nĩkweranirũo ũũ: Riitho riumage riitho, o na igego riumage igego; 39no niĩ ngũmwĩra atĩ, mũtikagiane na mũndũ ũrĩa mũũru; no rĩrĩ, mũndũ wa gũkũgũtha rũthĩa rũa ũrĩo, mũhũgũkĩrie rũu rũngĩ naruo. 40Na mũndũ wa kwenda gũcira nawe, agũtunye nguo yaku ya thĩinĩ, mũnengere o na ya igũrũ nayo. 41Na ũrĩa ũngĩgũtwara na hinya ũthiĩ nake itĩna rĩmwe, thiĩ nake merĩ. 42O mũndũ ũgũkũhoya kĩndũ, mũhe; o na ũrĩa ũngĩenda kuohora kĩndũ kũrĩ wee, ndũkanamũhutatĩre ũrege.
43Nĩmũiguĩte atĩ nĩkweranirũo ũũ: Endaga mũndũ wa itũũra rĩanyu, na ũthũũrage mũndũ wĩ muku nawe; 44no niĩ ngũmwĩra atĩrĩ, Endagai andũ arĩa marĩ muku na inyuĩ, na mũhoyagĩre arĩa mamũnyariraga; 45nĩ getha mũtuĩke ariũ a Ithe wanyu ũrĩa wĩ Igũrũ: tondũ nĩatũmaga riũa rĩake rĩrathĩre andũ arĩa oru, o na arĩa ega; ningĩ nĩoiragĩria mbura arĩa athingu, o na arĩa aaganu. 46Nĩ ũndũ akorũo mwendaga o arĩa mamwendaga inyuĩ-rĩ, nĩ ngatho ĩrĩkũ muonaga? Githĩ etia mbia cia igoti matiĩkaga ũguo o nao? 47Na ningĩ akorũo mũgeithagia o andũ anyu, mũkĩrĩte andũ arĩa angĩ na kĩ? Githĩ andũ a Ndũrĩrĩ matiĩkaga ũguo o nao? 48#Alaw 19.2; Gũcok 18.13.Tondũ ũcio na inyuĩ no mwagĩrĩre kũna ta ũrĩa Ithe wanyu wĩ Igũrũ agĩrĩire kũna.
Currently Selected:
MATHAYO 5: OGKBIBLE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019