Mukanda mutuma wa Yirmeya 1
1
Yirmeya udi udimuja bantu bua kabatendeledi mpingu
(Yesh 40.18-20; 41.21-29; 44.9-20; Mis 135.15-18; Mj 13—15; Bele 1.1-22)
1Nuenu bena Yuda, nuvua batombokele Mvidi Mukulu. Ke padibu baye nenu ku Babilone mu bupika kudi Nebukadnesare, mukalenga wa bena Babilone. 2Panudi nufika mu ditunga edi, nenushalemu bidimu bivule too ne ku ndelanganyi yenu muanda mutekete.#2 Bena Yuda badi babala bidimu makumi anayi, benza ndelanganyi ya tshikondu tshimue. Mufundi kena utela bidi mu mukanda wa Yirmeya, uvua wela meji ku bupika bua bidimu makumi muanda mutekete (tangila Yirm 29.10; 27.7). “Kadi pashishe, meme Mvidi Mukulu nennupatule mu ditunga adi katakata, bua nupingane kuenu amu bimpe.”
3Mu Babilone mudi nwidie ya mitshi milamika mpawungi nansha tshiamu tshitoke tshia mushinga mukole. Badi bayambula pa makaya matuku adibu batendelela. Mvidie ayi, idi ikuatshisha bantu benyi bowa.#3 Fuanyikija ne Yirm 10.3-4. 4Nenku dimukayi, bua kanuvu kufuanangana ne bantu benyi aba. Nudimuke, kanuanyishi dilongesha diabu. 5Panudi numona bantu bavule bayinyungulukila, bayinemekela, nuenu nuamba amu ne: “Maweja-Nangila amu wewe nkayebe ke utudi mua kukukuila.” 6“Bualu wewe Maweja-Nangila udi muambe ne: mutumibue wanyi udi unulombola ne udi unulama.”
Dimukayi, etshi mpingu
7Bualu muntu udi usonga mpingu ke udi muenze ludimi lua nwidie eyi. Yeye ke udi muyilamike mpawungi ne tshiamu tshitoke tshia mushinga mukole, nwidie eyi idi amu bimfuanyi patupu, kayena ne bukole budi mua kuakula nabu to. 8Bantu aba badi balengeja nwidie yabu ne tshikata tshia mpawungi, 9amu bu mudibu benzela bansongakaji badi banange kudilengeja. Batuangaji babu, imue misangu badi biba mpawungi ne tshiamu tshitoke tshia mushinga mukole bia nwidie eyi, baya nabi bua yabu midimu. 10Bamue badi baya nabi bua konda bakaji bena tshiendenda.#10 Bena buendenda mu nzubu wa nwidie, nansha mu lutanda lua nzubu wa nwidie, mu mikanda mikuabu mbafunde ne: mu miaba mibi. Mvidie ya mitshi eyi, mbayilamike tshiamu tshitoke tshia mushinga mukole nansha mpawungi, badi bayivuadika bilamba bu mudibu bavuadika bantu. 11Kadi nwidie kayena ne bukole bua kumusha dimoma nansha misanda.#11 nansha misanda: kabena bajadika miaku eyi bimpe, mu buena ngreke mbafunde ne: biakudia (fuanyikija ne Mal 3.11; Yob 13.28). Padibu bamane kuyivuadika kabidi bilamba bia mushinga mukole, 12muntu udi ne bua kukupula lupuishi lua mu nzubu wa kutendelela, ludi lulamata mu mpala yayi. 13Nenku nwidie eyi idi ne dikombu dia bumfumu mu bianza, bu mudi muntu udi uludika tshitupa tshia buloba, kadi kayena mua kushipesha muntu udi uyipenda. 14Imue idi ne muele wa nwita mu tshianza ne tshisola. Kadi kayena ne bukole bua kuluangana nwita ne baluishi, nansha bivi. Ebi ke bidi mua kunujadikila ne: bintu ebi ki mmvidie ya bushuwa to. Nenku kanuena mua kubinemekela nansha.
15Bu mudi dilongu dimana kunyanguka kabayi mua kukuata nadi mudimu, 16ke mudi nwidie yabu ayi, padibu bayiteka mu nzubu ya kutendelela nwidie, mpuishi ya ku makasa a bantu badi babuelamu, idi iyikuata ku mesu. 17Padi muntu utombokela mukalenga, badi bamuinjidila mu nzubu, bamufundila tshibawu tshia lufu. Ke mudi batuangaji kabidi benza, badi bapangisha bivi bualu badi benza biibi bia nzubu wa nwidie bikole, bakanga bikuvu, bapayika milonda. 18Batuangaji badi batemeshila nwidie miendu, idibu kabayi batemesha mu nzubu yabu bobu bine. Kadi nwidie kayena mua kumona butoke bua muendu nansha umue. 19Mvidie idi ifuanangane ne dimue dia ku makunji adi mu nzubu wa nwidie. Tshilejilu: musuasua mumana kudiila mundamunda, amu bu mudiwu udia kabidi bilamba biabu, kadi nwidie eyi kayena mua kumvua tshintu. 20Mpala ya nwidie eyi mmifike fitutuu ne muinshi udi ufuima mu nzubu wa nwidie. 21Tupulukusu, tundindi ne nyunyi mikuabu, bidi bikila pa nwidie eyi, nansha pa mitu yayi, kabidi too ne tumbishi. 22Ku bionsu ebi nujadike ne: bintu ebi ki mmvidie to. Nuenu kanubitendeledi to.
23Kadi mbalamike nwidie eyi mpawungi bua kuyilengeja, kayena mua kubalakana nkayayi nansha. Bobu bayela muiku bua kuyengulula, kayena mua kumvua to. 24Bavua bayisumba ku mushinga mukole mupite, kadi kayena ne muoyi to. 25Badi bayambula pa makaya kayena ne bukole budi mua kuenda nabu. Ke tshidi tshijadikila bantu bonsu ne: kayena ne bua nsongu to. Bia nanku ke bidi bifitisha badi bayinemeka bundu. 26Padi nwidie umue wa ku mvidie eyi udishinda panshi, bantu badi ne bua kumujula. Padibu bamuimanyika, kena ne bukole bua kudinyungisha to. Yeye muimane, kena mua kubanduluka to. Mudi bantu balambula bafue bintu ke mudibi momumue ne bua nwidie eyi.#26 Fuanyikija ne Yesh 46.7. 27Nyama idibu balambula nwidie ayi, batuangaji badi bayipanununa bua bapete makuta. Bakaji babu badi bateka imue ya ku minyinyi ya nyama ayi mu lubandi, pamutu pa kuyipesha bapela ne balema. 28Nansha bakaji badi ne mikiya, patshidibu ku tshijila tshia bakaji, patshidibu batshilelelaku, badi balenga nyama ya milambu.#28 Fuanyikija ne Lev 12.4; 15.33; 20.18. Bilejilu bionsu ebi bidi mua kunuleja patoke ne: bintu ebi, ki mmvidie to. Nanku kanuena mua kubinemekela nansha.
Mpingu eyi kayena nansha mvidie mene to
29Mmunyi mudibu mua kuyibikila ne: “mvidie,” padi nwidie eyi milamika mpawungi ne tshiamu tshitoke tshia mushinga mukole, amu bakaji bayikuatshila mudimu wa tshijila.#29 Mu Izrayele, amu balume ke bavua benza mudimu wa batuangaji. 30Mu nzubu ya nwidie eyi, batuangaji badi basomba panshi, bilamba bipandike, badi babeya nsuki ne miedi, bakungula mu mutu.#30 Fuanyikija ne Diel 14.1 ne diumvuija; Lev 10.6; Yez 44.20. 31Badi bela mbila, bela bibingu kumpala kua nwidie yabu bu bantu badi badila mu madilu. 32Batuangaji badi bavula nwidie eyi bilamba, bua kubivuadika bana babu ne bakaji babu. 33Nansha bantu benzela nwidie eyi bimpe, nansha bayenzela bibi, nwidie eyi kayena mua kubambuluisha payi to.#33 Mvidi Mukulu ke udi mua kuteka mukalenga mu nkuasa nansha kumumushamu; tangila 1 Sam 10.1; 16.3, 12; 2 Sam 7.8,15; 12.7; Yesh 45.1. 34Kabidi kayena mua kupetesha muntu bubanji bua kunemaye to. Pikala muntu kayi mukumbaje dilaya divuaye muyilaye, kayena mua kumuasa tshilumbu nansha. 35Kayena mua kusungidila muntu ku lufu. Kayena mua kumbusha muntu mukengi mu bianza bia tshilobu nansha kakese. 36Kayena ne bukole budi mua kufikisha mpofu ku ditabala. Kayena mua kupatula muntu mu dikenga. 37Kayena mua kuambuluisha mukaji mukamba. Kayena mua kuambuluisha nansha muana nshiya.#37 Fuanyikija ne Mis 68.6-7. 38Bitupa bia mutshi ebi, bilamika mpawungi ne tshiamu tshitoke tshia mushinga mukole, kabiena ne mushinga mupite wa mabue avuabu balamuna mu mukuna. Bantu badi bayikuatshila mudimu, bundu bubakuate. 39Kadi mutudi mua kuyipa lumu, nansha kuyinyika ne: nwidie, mbishi?
40Batuangaji ba bena Babilone, badi bayipepeja. Padibu bamona kamama, badi batuala wabu nwidie wa Bele, bamulomba bua akuishe kamama. Badi benzela nwidie nanku, amu bu udi umvua bidibu bamba.#40 Fuanyikija ne Mar 7.32-37. 41Kadi bidi Mbakolela ebi, kabiena mua kubitabijija bua kubenga nwidie eyi, mbatatakane be.#41 Fuanyikija ne Yesh 46.1. 42Bakaji badi badisuika mionji mu tshimonu, basomba mu musesu, bosha musenga wa kamonya.#42 Kabena bamanye ne tshilele etshi tshivua pa bualu kaayi (tangila Osh 1.2 ne diumvuija; 4.13-14). 43Kadi padi muntu uvua upita wambisha umue wa ku bakaji abu, umubuelela mu nzubu, mukaji awa udi useka udibu kabayi basulule muonji kudi mulume, wamba kabidi ne: nwidie kavua mumusue to. 44Bionsu bidi bitangila nwidie eyi bidi amu bia dishima. Nenku mutudi mua kubipa lumu nansha kubinyika ne: mmvidie mmunyi?
45Basongi ba mpingu ne bansenda ba bilengejilu bia biamu, ke bavua benza nwidie eyi. Nanku idi amu mushindu uvua bayenji basue, idi amu bintu. 46Badi bayenza mene kabena mua kushala ne muoyi matuku mulongulongu kupita bakuabu nansha. 47Kadi mudi bintu bidibu benza mua kuikala nwidie mbishi? Nenku bantu aba badi bashila ndelanganyi yabu amu bintu bia dishima, bidi mua kubafuisha bundu. 48Padi nwita ne tshipupu bikuata nwidie eyi, batuangaji badi bebejangana, bakeba muaba udibu mua kusokoma ne mpingu eyi. 49Kadi bintu ebi kabiena ne bukole budi mua kupandisha muntu mu nwita, nansha mu dikenga. Mudibu kabayi mua kuamba ne: kabiena nwidie mbishi? 50Bua nanku tudi tujadika ne: bitupa bia mutshi ebi, bidibu balamika mpawungi nansha tshiamu tshitoke tshia mushinga mukole, mbia dishima. Bena matunga onsu ne bakalenga babu badi ne bua kujadika ne: bintu ebi ki mmvidie to, kadi mbintu bienza kudi bantu. Kakuena mudimu wa Mvidi Mukulu munda muabi to. 51Bua nanku, bantu kabena mua kuitaba ne: nwidie to. Muntu udi, kuanyisha ne: mmvidie nnganyi?
52Mvidie eyi kayena ne bukole bua mua kubanjija muntu mu bukalenga bua ditunga. Kayena mua kulokeshila bantu mvula.#52 Fuanyikija ne Yirm 14.22. 53Kayena ne bukole bua kukosa nsambu. Kayena mua kuambuluisha muntu udibu bapisha kapayi bualu;#53 Fuanyikija ne Mis 103.6. mbintu bia patupu. 54Idi bu nyunyi ya bikololu bidi bilembelela mulu. Padi kapia kakuata ku nzubu ya nwidie eyi, mitshi milamika mpawungi ne tshiamu tshitoke tshia mushinga mukole, batuangaji badi banyema lubilu. Kadi nwidie mene idi ipia yonsu ishila bu mitshi mu mbabula. 55Padi mukalenga ne bena nwita bende bayiluisha, nwidie eyi kayena mua kutua nkanana kumpala kuabu to. 56Kadi mutudi mua kuitaba bintu ebi ne nwidie, nansha kubipa lumu mbishi?
Mvidie ya dishima kayena ne bukole
Mvidie ya mitshi milamika tshiamu tshitoke tshia mushinga mukole ne mpawungi, kayena mua kunyema bivi ne bena mutshima to. 57Padi bantu aba bayilamuna mpawungi ne tshiamu tshitoke tshia mushinga mukole, bayumbusha, baya ne bilamba bivuabu bayibuikila, nwidie eyi kayena ne mushindu wa kutua nkanana to. 58Mukalenga udi umueneka ne bukitu mu mvita, nansha luesu ludi biambuluisha mfumu alu, nansha tshiibi tshidi tshisokoka bidi mu nzubu, nansha dikunji dia mutshi didi mu nzubu wa bukalenga… bia nanku, mbipite nwidie ya dishima eyi. 59Bualu, diba, ngondu ne mitotu bidi bikenka kulu, bidi bikuata wabi mudimu, bidi biambuluisha. 60Muele wa mvula kabidi, padiwu upenya, udi umueneka ne udi mua kuenza bualu kampanda. Bidi nanku kabidi ne bua lupepela ludi lutuuta mu buloba bujima. 61Bidi momumue kabidi padi Mvidi Mukulu utumina mavuba diyi bua afile dileji pa buloba bujima, adi akumbaja mudimu udibu baafundile awu. 62Kabidi nkuba, padi Mvidi Mukulu umutuma panshi bua kuosha, kubutula mikuna ne metu, udi wenza amu mudimu udibu bamufundila. Kadi nwidie yoyi kayena mifuanangane ne bintu ebi ku bulenga nansha ku bukole. 63Katuena mua kubipesha lumu, nansha kuamba ne: ebi bidi nwidie to, bualu kabiena ne bukole budi mua kukosa nsambu pa yoyi, nansha kuenzela bantu malu mimpe. 64Nanku kanuena mua kuyinemeka, bualu ki mmvidie to.
65Kayena ne bukole budi mua kutshipa nabu bakalenga nansha kubeela lupemba. 66Kayena ne bukole budi mua kuleja nabu matunga malu a dikema adi mu diulu. Kayena mua kukenka bu diba, nansha kuenza bu mudi ngondu wenza. 67Nyama ya muitu idi miyipite, bualu idi inyema, ikeba kaba ka kusokoma, idi idipandisha. 68Nanku katuena mua kuyitangila nansha kakese bu nwidie to. Katuena mua kuyinemeka to!
69Mvidie yabu ya mitshi milamike mpawungi ne tshiamu tshitoke tshia mushinga mukole, idi amu bu tshintu tshia kutshingisha natshi nyunyi, tshidibu bateka mu budimi bua njilu, kadi katshiyi ne buditshi mua kuenza.#69 Fuanyikija ne Yirm 10.5. 70Nansha kabidi, tufuanyikija nwidie yabu ayi ne mitshi ya meba idi mu lupangu. Nyunyi yonsu udi amu wikilaku. Idi kabidi bu tshitalu tshimansha mu miidima mu tshiina. 71Paudi utangila bilamba biayi bia mushinga mukole ne bilamba biayi bia buanda bua mitshi#71 bilamba biayi bia buanda bua mitshi: kabena bajadike miaku eyi; mu buena ngreke mbandamune ne: biabu bia mekala. binyanguke, bibola, udi ujadika ne: bintu ebi ki mmvidie to. Kumana kumana bintu ebi nebabidie kudi musuasua. Benaditunga nebafue bundu. 72Muntu udi mulamate Mvidi Mukulu, kayi utendelela nwidie eyi, udi muimpe mupite nwidie ya mafi ku mushinga. Kabena mua kumutuisha bundu to.
Currently Selected:
Mukanda mutuma wa Yirmeya 1: TSH96
Highlight
Share
Copy
Want to have your highlights saved across all your devices? Sign up or sign in
Bible avec Livres Deutérocanoniques en Tshiluba © Société Biblique de la R. D. Congo, 1996