Tshibangidilu 10
10
Ndelanganyi ya bana ba Nowa
(1 Kul 1.5-23)
1Bana ba balume ba Nowa: Sheme, Kame ne Yefete ke badi bavudija ndelanganyi, mayi a tshipupu mamane kukama.#10.1 Muaba ewu badi batuleja bisamba bia bantu bivua bena Yuda bamanye mu tshikondu atshi ne muaba uvuabi bisombe.
2Bana ba balume ba Yefete badi: Ngomere, Magoge, Madayi, Yavane, Tubale, Mesheke ne Tirase. 3Ngomere kulela bana ba balume aba: Ashekenaze, Rifate ne Togarma. 4Yavane kulela bana ba balume aba: Elisha, Tarshishe, Kitime ne Rodanime.#10.4 Tarshishe: ke dina dia tshimenga tshivuabu base ku muelelu wa mayi manene mu ditunga dia Espagne. — Kitime: ke tshidila tshia Shipre. — Rodanime: ke tshidila tshia Rodese tshia bena Ngreke (mu mikanda mikuabu mbafunde Dodanime). 5Bisamba bionsu bidi bitangalaka mu bidila nansha ku mielelu ya mayi manene mbifume ku ndelanganyi ya bana aba. Ke muvua ndelanganyi ya Yefete nanku. Muntu yonsu uvua musombe mu ditunga diabu, mu tshisamba tshiabu, wakula muakulu wa ditunga diabu.
6Bana ba balume ba Kame badi: Kushe, Misrayime, Pute ne Kenaane. 7Kushe kulela bankambua ba bena Seba, Avila, Sabta, Ragma ne Sabteka. Ragma kulela bankambua ba bena Saba ne bena Dedane. 8Kushe kulela kabidi Nimrode, tshilobu tshia kumpala tshivua tshidia bumfumu mu matunga a bende. 9Uvua kabidi tshilembi tshia bushuwa, muikale ne bukole bua kudi Maweja-Nangila. Biakashala bu makumbu ne: “Maweja-Nangila akuambuluishe bua wikale tshilembi bu Nimrode.” 10Bimenga binene bia kumpala bivua ku bumfumu buende bivua: Bahele, Ereke, Akade ne Kalne mu ditunga dia Babilone. 11Kumukaye mu ditunga adi, kuyaye mu Ashure. Kuasaye tshimenga tshia Ninive, tshia Reyobote-Ire, ne tshia Kela. 12Pankatshi pa Ninive ne tshimenga tshinene tshia Kela kuasaye kabidi Resene.
13Misrayime kulela bisamba ebi: bena Lude, bena Aneme, bena Lehabe, bena Naftu, 14bena Patrose, bena Kaslu ne bena Kaftore. Bobu ke bankambua ba bena Peleshete.#10.14 bena Kaslu: bakuabu badi bandamuna ne: bena Kaslu, bankambua ba bena Peleshete, kabidi ne bena Kaftore.
15Kenaane kulela bana ba balume babidi: Sidone muanabute, ne muakunyende Ete. 16Kulelaye kabidi bankambua ba bena Yebusa, bena Amore, bena Ngirgashi, 17bena Ivi, bena Arki, bena Sini, 18bena Arvadi, bena Semari ne bena Amati. Pashishe meku a bena Kenaane kutangalakawu. 19Mukalu wa bena Kenaane uvua mutuadije ku Sidone too ne ku Ngerare pa buipi ne Ngaza. Mmutuadije kabidi ku Sodome ne Ngomore, too ne ku Adma ne Seboyime pabuipi ne Lesha. 20Ke muvua ndelanganyi ya bana ba Kame nanku. Muntu yonsu uvua musombe mu ditunga diabu, mu tshisamba tshiabu, wakula muakulu wa ditunga diabu.
21Sheme, mukulu wa Yefete, kulela bana. Udi nkambua wa bena Ebere bonsu. 22Bana ba balume ba Sheme badi: Elame, Ashure, Arpakshade, Lude ne Arame. 23Arame kulela bana ba balume aba: Use, Ule, Ngetere ne Masha. 24Arpakshade kulela Shela, Shela kulela Ebere. 25Ebere kulela bana ba balume babidi: muanabute dina diende Pelega, bualu mu matuku ende ke muvua ditapulukangana dituadija munkatshi mua bantu. Dina dia muana muibidi divua Yoktana. 26Yoktana kulela bankambua ba bena Almodade, bena Shelefe, bena Asharmavete, Yera, 27Adorame, Uzale, Dikla, 28Obale, Abimayele, Saba, 29Ofire, Avila ne Yobabe. 30Bavua basombe ku mikalu ya Mesha too ne ku Sefera, ne ku mikuna mile ya kudi diba dipatukila. 31Ke muvua ndelanganyi ya Sheme nanku. Muntu yonsu uvua musombe mu ditunga diabu, mu tshisamba tshiabu, wakula muakulu wa ditunga diabu.
32Ebi ke bisamba bionsu bidi bitumbisha Nowa biamba ne: Udi nkambua wetu, bilondeshile ku meku abu ne ku bisamba biabu. Bisamba bionsu bivua bimuangalaka pa buloba, mayi a tshipupu mamane kukama, mbifume anu kudi Nowa.
Currently Selected:
Tshibangidilu 10: TSH96
Highlight
Share
Copy
Want to have your highlights saved across all your devices? Sign up or sign in
Bible avec Livres Deutérocanoniques en Tshiluba © Société Biblique de la R. D. Congo, 1996