2 Bamakabe 11
11
Yudase udi utshimuna Lisiyase
(1 Mak 4.26-35)
1Matuku makese apita, Lisiyase, mulombodi wa kumpala mu bukalenga, “tatuende mukuabu wa Mukalenga,#11.1 Tangila 1 Mak 3.32 ne diumvuija.” uvua mutangidi wa malu onsu a mu bukalenga, kubungamaye bikole bua malu onsu avua menzeka. 2Kusangishaye bena mvita ba ku makasa bu binunu makumi muanda mukulu, ne ba babandi ba pa tubalu bonsu. Kuyabu bua kuluisha bena Yuda. Uvua ujinga mua kuandamuna tshimenga tshia bena Yuda, tshishala tshimenga tshikale ne bibidilu bia bena Ngreke. 3Uvua ujinga bua bafute tshitadi tshia muaba wa tshijila amu mudibu bafuta bua nzubu mikuabu ya mvidie ya matunga a bende. Uvua ujinga kabidi bua bapane muanzu wa mutuangaji munene ku tshidimu ku tshidimu. 4Lisiyase kawa uvuluka bukole bua Mvidi Mukulu to. Uvua amu usanka pa kumona bungi bua bena mvita bende ba ku makasa, bavua binunu ne binunu, ne bungi bua babandi ba pa tubalu, bavua tshinunu, ne bungi bua nyama yende ya nzevu, ivua makumi muanda mukulu. 5Pakafikaye mu Yudeya, kusemenaye pabuipi ne nzubu wa bena mvita wa mu tshimenga tshia Bete-Sure,#11.5 Bete-Sure: tangila 1 Mak 4.29 ne diumvuija. tshiwa mutantshi bu wa kilometre 28 luseke lua kuinshi lua Yerushalayime. Kuluishaye bena mvita abu bikole.
6Kadi Yudase Makabe ne bena diende bumvue ne: Lisiyase mmuluishe nzubu yabu ya bena mvita, kusengelelabu Maweja-Nangila ne muadi ne binsonji ku mesu. Pamue ne bantu bonsu, bavua balomba Maweja-Nangila bua atume mutumibue#11.6 mutumibue: fuanyikija ne Tshim 23.20. wende, asungidile bena Izrayele. 7Makabe kudianza kuambula bia lufu yeye muine. Kukoleshaye bakuabu ku muoyi bua badifile mu njiwu bua kupandisha bana babu. Bonsu ne muoyi umue, kuyabu kuvua baluishi.
8Kadi patshivuabu pabuipi ne tshimenga tshia Yerushalayime, ke muena nwita mubandi wa pa tubalu muvuale bilamba bitoke kumuenekaye kumpala kua bena Yuda bua kubaludika. Usua ne bia lufu bia mpawungi mu bianza. 9Diakamue, kuanyishabu pamue Mvidi Mukulu muena luse. Kudiumvuabu ne dikanda, ki ngamu bua kushipa bantu, kadi kabidi bua kushipa nyama ya lonji, ne dia kupanda bimana bia tshiamu. 10Nanku kuyabu kumpala bela mualu wa mvita. Mutumibue wa mu diulu kuendaye nabu, kubalombola bualu Maweja-Nangila uvua mumane kubafuila luse. 11Kudielabu munkatshi mua baluishi bu mudi nyama ya ntambue. Bena mvita ba ku makasa kufua binunu dikumi ne tshimue, babandi ba pa tubalu tshinunu ne nkama isambombu. Ke baluishi bakuabu bonsu kunyema. 12Ba bungi kunyema batapika, bamane kuimansha bia lufu bisuabu nabi ku bianza. Lisiyase pende kunyema, kulejaye bukata buende patoke.
Lisiyase udi ubueja diumvuangana pankatshi pa bena Yuda ne Antiyokuse
(1 Mak 6.57-61)
13Kadi Lisiyase kavua muntu mupote nansha. Kuelaye meji pa mushindu uvuabu bamutshimuna. Kumanyaye ne: bena Yuda badi bamutshimuna bualu badi babambuluisha kudi Mvidi Mukulu wa bukole. Ke kutumaye bantu 14bua badie tshibalu, bumvuangana bimpe. Uvua ubalaya kabidi mua kuenza muende muonsu bua mukalenga ashale mulunda wa bena Yuda. 15Yudase kuanyisha bionsu bivua Lisiyase mumuambile, bualu uvua ukeba amu diakalenga dia bantu. Kabidi bionsu bisua Makabe mufundile Lisiyase mumulombe bua bena Yuda kupeta dikisha, mukalenga usua mubianyishe pende.
Lisiyase udi utumina bena Yuda mukanda
16Ke mukanda usua Lisiyase mufundile bena Yuda essu:
“Nuenu bena Yuda bonsu, muoyi wenu!
17“Bantu banutua bantumina, Yowanane ne Absalome, mbantuadile mukanda udi ulonda ewu,#11.17 Yowanane: ndina dia umue wa ku bana babu ne Yudase Makabe (tangila 1 Mak 2.2) kadi kabena bamanye udibu bafunde ewu ne nyeye. — Absalome: uvua muntu mumanyike, bana bende ba balume babidi bavua balombola bena mvita (tangila 1 Mak 11.70; 13.11). — mukanda udi ulonda ewu: mukanda wa Lisiyase uvua mulamike ku mukanda uvua bena Yuda batume. bandomba bua nshindike bidi bifundamu. 18Nanku meme kuanyisha bimvua ne bukenji bua kuanyisha. Ke meme kuleja mukalenga bisua bimutangila yeye.#11.18 Kanungu aka badi bakandamuna mishindu mushilangane. 19Kadi bu nuenu bashale balamate ku bumfumu bua ditunga, nengenze muonsu mundi mua kuenza bua nupete diakalenga. 20Kadi mvua mulombe bantu banutua bantumine ne bantu banyi bua babuele nenu mu tshipangu, bumvuangane nenu mushindu unudi mua kukumbaja bionsu ebi.
21“Nuashala bimpe! Ndi mfunda mukanda ewu mu tshidimu tshia 148, matuku 24 a ngondu wa Zeyuse-Korente.#11.21 ngondu wa Zeyuse-Korente: kabena bamanye ngondu ewu to. — mu tshidimu tshia 148: mu 164 bgbg ne Y.K.”
Mukalenga Antiyokuse udi utumina Lisiyase ne bena Yuda mukanda
22Ke mukanda usua mukalenga mufundile Lisiyase ewu:
“Meme mukalenga Antiyokuse, ndi mfundila muanetu#11.22 muanetu: tangila 1 Mak 11.30 ne diumvuija. Lisiyase mukanda. Kolaku!
23“Tatu wanyi mmumane kufua. Ndi njinga bua bena ditunga dietu bonso basombe talalaa, bakuata mudimu mudibu basue. 24Tumvu kabidi mudi bena Yuda kabayi basue kulonda bibidilu bia bena Ngreke, bu muvua tatu wanyi mujinge. Badi basue kusomba mudibu basue. Ke padibu balomba bua bamone mua kulama mikenji yabu. 25Nanku, tudi tujinga bua bantu aba kabidi basombe talalaa. Tuajadiki bua babapingajile nzubu wabu wa Mvidi Mukulu. Basombe bu bena matunga makuabu bonsu, balame bibidilu bia bankambua babu. 26Ubatumine muntu udi mua kubumvuija bionsu ebi, bamanye mundi nabu ne muoyi muimpe wa kudia nabu bulunda. Nanku balongolole mianda yabu bu mudibu basue kabayi bapampakana.”
27Mukalenga usua mutumine bena Yuda pabu mukanda ne:
“Meme mukalenga Antiyokuse, ndi mfundila Tshipangu tshia bakulu ba bena Yuda, ne bena Yuda bakuabu bonsu, mukanda, mioyi yenu ayi!
28“Ndi njinga bua nuikale bimpe. Tuetu mene tudi petu bimpe. 29Menelase#11.29 Menelase: tangila mu 4.23-25. utuambidile dijinga dienu dia kupingana kuenu, bua kutungunuka ne midimu yenu. 30Nanku bonsu badi bapingana kuabu bangabanga ne matuku makumi asatu a ngondu wa Ksantike#11.30 Ksantike: dina dia ngondu mu buena Seleyuside, udi mufuanangane ne ngondu wa Adare mu buena yuda (ngondu wa dikumi ne muibidi). bamanye ne: kabakubatatshisha to. 31Nudi mua kulama mikenji yenu ya pa buayi idi itangila biakudia ne meyi enu makuabu onsu, bu munuvua nuenza kumpala. Kabena mua kukengesha muntu wa kunudi bua tshilema tshivuaye muenze kale kayi mumanye. 32Ndi munutumine kabidi Menelase bua kunujadikila bulelela.
33“Nuashala bimpe!
“Ndi mfunda mukanda ewu mu tshidimu tshia 148,#11.33 tshidimu tshia 148: tangila kan. 21 ne diumvuija. matuku 15 a ngondu wa Ksantike.”
Bena Rome badi batumina bena Yuda mukanda
34Bena Rome ku luabu luseke, kutuminabu bena Yuda mukanda ne:
“Tuetu Kintuse Memiyuse ne Tituse Maniyuse, mienampala ya bena Rome, tudi tutumina bena Yuda mukanda ewu: Mioyi yenu ayi!
35“Malu onsu adibu banuambila kudi Lisiyase ‘muanabu ne Mukalenga,#11.35 Tangila mu 1 Mak 3.32 ne diumvuija.’ ne tuetu petu tudi tuanyisha bua ikale nanku. 36Kadi bua bionsu bidiye mushindike bua kuteka mu bianza bia mukalenga, panuamona kubijoja, nututumine muntu lukasa bua tumone mua kubifila kudi mukalenga, tumusake bua abianyishe munudi basue. Bualu tudi tuya ku Antiyokiya. 37Tutuminayi bantu lukasa bua tumanye petu mudi dijinga dienu.
38“Nuashala bimpe!
“Tudi tufunda mukanda ewu mu tshidimu tshia 148, mu matuku 15 a ngondu wa Ksantike.”
Currently Selected:
2 Bamakabe 11: TSH96
Highlight
Share
Copy
Want to have your highlights saved across all your devices? Sign up or sign in
Bible avec Livres Deutérocanoniques en Tshiluba © Société Biblique de la R. D. Congo, 1996