Matayo 2
2
Banto ba wanya la Elode
1Aki Yesu ootswaka nda Beteleme ea Yudea ndʼekekʼeki Elode roi; bala, banto ba wanya baoya nda Yelusalema lima est, 2bakela, Ende ootswaki Roi ea Ba-Yuda ale nko? Ekiʼsʼenaka ioci ikande nda est, ko toyʼomemyʼende. 3Aki Elode roi okaka ngoko, aokakaana, ende la basi Yelusalema bauma. 4Ko aotakanya nkanga ya joso iuma, la bakoci bʼenkanda, ko aolauola wiji boe Masiya ootswa. 5Ko baolokela, Nda Beteleme ea Yudea; ele joi jokotama la boteli elengʼene.
6Ko we, Beteleme ndʼese ea Yuda,
Ofolekola bakulaka ba Yuda lʼisisi;
Ele gouverneur ondesanya banto
bakami Yisalaele
Ifoya limʼele we.
7Nkako Elode aoleta banto ba wanya la lokuko, ko aolauola ekeke eki ioci enyaka o nduola mongo. 8Ko aolatoma nda Beteleme, aokela, Locwa yuolʼolotsi ndʼeloko ea bonʼoko, ko a inyʼotana, lonjele bosako wae nje emi mongo omemyʼende. 9Akiʼyʼokaka joi ja roi, baocwa mboka ekiyo; ko bala, ioci ikiʼyʼenaka nda est iocwa nda joso likiyo, elaka nko iolemala ndʼitenela iki bona. 10Akiʼyʼene ioci baosalangana lʼesaza euke mongo. 11Ko baolotswa ndʼilombe, ko baolena bona la Malia nyango ekande, baokwa mbosama, ko baolomemya, baokomola baumba bakiyo, baolekezʼende nganji ya wolo, la falankinsensa, la mula. 12Ko akiʼyʼolakemaka la Nzakomba nda liloto wete bafautʼeka Elode, baocwa ndʼese ekiyo mongo la mboka enkina.
Elotelo ndʼEgypte
13Akiʼyʼimanaka, bala, ekima ea Nkolo aolenyʼele Yosefa nda liloto, akela, Emala, kolʼinkune ko la nyango ekande, ko lota ndʼEjipeto; yalʼeko elaka nko nkosangele; ele Elode ifasʼinkune ine wae oome. 14Koko aolemala, aokola inkune ko la nyango ekande lʼotso, ko aocwa ndʼEjipeto; 15aoyalʼeko elaka nko iwa ya Elode: wete joi liki Nkolo osangaka la boteli jiele, aokela, Ndetake bona okami limʼEjipeto.
16Aki Elode enaka wae banto ba wanya bolengola, aokama la nkele, aotomʼanto, ko aooma bana bʼaende baki nda Beteleme lʼokiliʼoko bouma, banolu bakwa mbula ife lʼiyʼatafokwa mbula ife bauma, elengʼele ekeke ekiʼndʼuolaka limʼele banto ba wanya. 17Joi liki Yelemaya, boteli, osangaka joliela, aokela,
18Lofoso jolokana nda Lama,
Lilelo ja mpisali la nkimo ya lilelo,
Laele aolela bana bakande la mpisali;
Ko ende ntalanga bolombwelʼende
lokeseli, efʼiyo lenkina eko.
Baoluta nda Nazaleta
19Lolo aki Elode owaka, bala, ekima ea Yawe aolenyʼele Yosefa nda liloto ndʼEjipeto, 20akela, Emala, kola inkune ko la nyango ekande, ko uta ndʼese ea Yisalaele; ekiʼyʼaandasaki wae baome inkune ine baowa. 21Koko aolemala, aokolʼinkune la nyango ekande, ko aoya ndʼese ea Yisalaele. 22Lolo akiʼndʼokaka wae Alukelao aosulungana akʼise ekande Elode nda likulaka ja Yudea, ntacwa eko, ekiʼndʼoangaka; ko aolakema la Nzakomba nda liloto, aoleka nda Ngalilaya, 23ko aoyʼokitase ndʼonanga botangema Nazaleta; wete joi liki boteli otefelaka jiele, aokela, Ende ifotangema bosi Nazaleta.
Currently Selected:
Matayo 2: LOL87
Highlight
Share
Copy
Want to have your highlights saved across all your devices? Sign up or sign in
La Bible en Lomongo © Societe Biblique de la R.D. Congo 1987