Malaki 3
3
1Bala, ntomʼekima ekami, ko ende ifeza mboka nda joso likami: koko Nkolo ondasʼinyo, ifoya nda Tempelo ekae o sasimo; ko ekima ea bokolo ondokʼinyo esengo, bala, endʼokʼoya! Yawe ea beloi aokela ngoko.
2Lolonde osʼokuseya mbile ea eyelo ekae na? Ko andenyʼende, osʼemala na? elʼende ngole tsa ta bofetoli, ko la sabui ea bosoli owʼeto: 3ko ende ifokitase ngole bofetoli ofetola argent, ko ifosola bana ba Lewi, ko afetolʼiyo ngole wolo la argent; ko iyo bifolekya mbeka ele Yawe nda liongi. 4Limʼako mbeka ea Yuda la Yelusalema ifokanʼolotsi ele Yawe, ngoki ndʼembile beki joso la mbula iki kalakala.
5Yawe ea beloi akela, Ko emi njifotutamelʼinyo ndʼetenelo eʼakambo: ko njaleme temoin ea ikao osuka nkanga yʼakunda, la jibi, la basimba nsimbi ea ndalimbe: ko lʼiyo batuka bosali ndʼofu-toʼokande, lʼomoto oweiʼome, lʼana bawei baise, ko lʼiyʼakengola bofaya lima joi likae lindeji, ko bafombangʼemi.
6Elʼemi Yawe ncicikwanaka: la ncinʼeko inyo bana ba Yakoba ntalosila.
Bakafo ba jom-jom
7Lima bembile beki baise bakinyo, lengozaki lima bisekyelo bikami, ko ntalofongaki biko. Yawe ea beloi akela, Lutʼelʼemi, ko emi njifutʼelʼinyo. Lolonde inyo lokela, “Iso tute nko?” 8La, bonto iyaka limʼele Nzakomba nde? lolo inyo liyaka limʼelʼemi. Lolonde inyo lokela, “Okiʼsʼiyaka limʼele we na?” O baondo ba jomjom, ko la mbeka ea nsasangya. 9Inyo lolambema la wambo wa tu: elʼinyo liyaka limʼelʼemi, wete booci bone bouma. 10Yawe ea beloi akela, Loyela liondo ja jomjom liuma ndʼilombe ya liomba, wae toma ta ndala toyale ndʼilombe ikami, ko lommeke lomeko la joi liko aeyoko, nkina mpaokombwelʼinyo biiso bia loola, ko ndute-za elʼinyo bokako wa swa, wae itenela ifokoke lʼoko. 11Ko Yawe ea beloi akela, Emi njifofela bofici lofeli ndʼeloko ekinyo, ko ende atafitake bamuka ba bamoci akinyo; koko bokoliʼokinyo wa vina atatitswake bamuka nda lisala atafa ekeke loswele iela. 12Yawe ea beloi akela, beoci beuma bifotangʼinyo babosalangano, inyo lifoyalema booci wʼesengo.
13Yawe akela, Baoyiʼakinyo baki bolo elʼemi. Lolonde inyo lokela, “Iso tokotefezaki ngamo?” 14Inyo lokela, “Bosala wa Nzakomba wa nsalela bole o mpampa: isʼafongaki bosise bokae, ko tokendaki nda joso ja Yawe ea beloi la lilelo, nkito eatʼiso na? 15Koaeyoko iso totanga baeloloko bʼosalangano. Onde, iyʼakambʼelemo biʼobe baoonga: onde, iyo bayomeke Nzakomba, ko baoika.” 16Limʼako iyʼaangaki Yawe baotefelana: ko Yawe aolokoza, ko aoloka, ko bonkanda wa jofwa bokotama nda joso likae ndʼewelʼekʼiyʼaangaka Yawe, ko bafikaka lina likande. 17Ko Yawe ea beloi akela, Iyo bifoyalemʼakami nda mbile e emʼotakanya liaci likami mongo nda liomba; ko njifaikya elenge eikyʼonto bona okae mongo ondosaela. 18Limʼako luta ko losona ndatsa owa liongi la owa bobe, ndatsʼende osaela Nzakomba lʼende ofosaelʼende.
Currently Selected:
Malaki 3: LOL87
Highlight
Share
Copy
Want to have your highlights saved across all your devices? Sign up or sign in
La Bible en Lomongo © Societe Biblique de la R.D. Congo 1987