Zekaria 5
5
Kitabu M’adola M’uringo
1Alund ating’o wang’a malu kendo, man aneno, man, nen, kitabu m’adola m’uberingo. 2Man epenja kumae, Ineno ang’o? Man aloko lembe kumae, Aneno kitabu m’adola m’uringo; kaborne bot pier ario, man kalacne bot apar. 3Elund ewacu ira kumae, Maeni kwong’ ma cidho woko wi wang’ ng’om ceke: kum ku ba dhanu nzu m’ukwalu ebithumbre woko i ng’ete kucel calkude; man ku ba dhanu nzu m’ukwong’o kwong’ ebithumbre woko i ng’ete kurucel calkude. 4Abiketho ecidho woko, Yehova mir udul uwacu, man ebimondo i ot pa jakwo, man i ot pa ng’atu m’ukwong’o ku nyinga ku ndra; man ebibedo i die ot pare, man ebiwang’e ku yende man kidine de.
Dhaku M’ubedo i kind Mukero
5Malaika ma waweco wakude lund ucidho woko, man ewacu ira kumae, Ng’ai weng’i malu kawono, man inen maeni ang’o m’ucidho woko. 6Man awacu kumae, En e ang’o? Man ewacu kumae, Maeni mukero m’ucidho woko. Mange ke ewacu kumae, Maeni ayigi i ng’om ceke 7(man, nen, juting’o talanto mir umbu ma calu nying atum); man maeni en e dhaku m’ubedo i kind mukero. 8Man ewacu kumae, Maeni en e Dubo: man ebole piny i kind mukero: man ebolo pek mir umbu ma calu nying atum i dhoge. 9Alund ating’o wang’a malu, man aneno, man, nen, mon ario giwok woko, man yamu ni i bombgi; nwang’u bombgi calu bomb weli; e giting’o mukero i die polo ku ng’om. 10Alund awacu ni malaika ma waweco kude kumae, Maeni gicidho ku mukero kani? 11Man ewacu ira kumae, Nigomo ire ot i ng’om Cinar: man kan ebedo ayika, jubikethe keca i kakare ma dhe.
Currently Selected:
Zekaria 5: AB1970
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.