Zekaria 11
11
1Yab dhugola peri, E Lebanon kara mac uwang’ musonge peri. 2Goi nduru, yendsipre, kum musonge podho, kum maeno ma ber junyotho: wugoi nduru, E wu bongu mi Bacan, kum luli ma tek urungre piny. 3Dwand jukwac m’ubegoyo nduru mire! kum dwong’ migi nyothre: ba ywak mir umvor ma thindho mire! kum kuhaya mi Yordan unyothre.
Jukwac ma Jukusegu
4Yehova Mungu para wacu kumae: Wukwai udul rombe mir athuma; 5ma weggi thumogi, man ginen gigi nia gimbe ku dubo; man ju m’uloko gi giwacu kumae, Mugisa bed ni Yehova, kum a lony: e jukwac migi ma dhe kisa negogi ngo i kumgi. 6Kum kisa binega kendo ngo kum dhanu m’ubedo i ng’om, Yehova wacu; ento, nen, abiketho dhanu kubang’gi kubang’gi i cing wadi, man i cing ubimo pare; man gibigoyo ng’om, e abibodhogi ngo kud i cing’gi. 7Kum kumeno akwayu udul rombe mi thum, andha ma ng’ic i kind udul rombe. Man agamu ira uluth ario; acel alwong’o Ber, man mucelo alwong’o Giratwia; e akwayu udul rombe. 8Man athumo jukwac adek woko i dwi acel; kum ng’eyong’ec para ol kugi, man ng’eyong’ec migi daga bende.
9Alund awacu kumae, Abikwayuwu ngo; maeno m’utho wek etho; man maeni ma juthumo woko, wek juthume woko; man wek ju m’udong’ kubang’gi kubang’gi gicam ring juwagi. 10Man ating’o uluth para Ber, man athumo ie ario, kara atur lembariba para m’atimo ku kodhidhanu ceke. 11E etur i ceng’ maeca; e kumeno ju ma ng’ic mir udul rombe m’uwora ging’eyo nia en e lembe pa Yehova. 12#Mt 27:9, 10#Mt 26:15Man awacu igi kumae, Tek e ber i weng’wu, wumi ira sukulia para; tek kumeno ngo, wuweki. Ka kumeno giporo ira sente mi mola ma tar pier adek ni sukulia para. 13Man Yehova wacu ira kumae, Baye ni jacwiagulu, welpiny ma ber ma gikwana kudo. Man ating’o ng’et mola ma tar pier adek maeno, e abayugi ni jacwiagulu i ot pa Yehova. 14Alund athumo uluth para mucelo doko ario, en e Giratwia, kara atur umego ma kind Yuda kud Israel.
15Man Yehova wacu ira kumae, Gam i beng’i kendo jamtic pa jakwac ma jakasegu. 16Kum, nen, abiting’o jakwac i ng’om, m’ebiliewo ju m’uthumbri woko ngo, kadok ayenya de abiyenyo maeno ma julalugi ngo, kadi ebicangu maeno m’utur de ngo, kadi ebikwayu maeno m’ubedo bo de ngo; ento ebicamu ring rombo m’ucwe, man ebiyeco kind tiendgi tung’ tung’. 17Can wi jakwac ma kabang’e mbe m’uweko udul rombe mire! palamularu bibedo wi bote, man wi wang’e ma yor acwic: bote bital ceke, man wang’e ma yor acwic bicido vii.
Currently Selected:
Zekaria 11: AB1970
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.