Matayo 8
8
Yesu Lonyo Kum Won Joi
(Mk 1:40-45; Lk 5:12-16)
1E kan eai wi got eloro piny, udul dhanu ma dit gilubo ng’eye. 2Man nen, ng’atu ma won joi ubino i bang’e, erwo ire de, ewacu kumae, Rwoth, tek iyenyo, icopo dwoka leng’. 3Man erieyo cinge, emulo ko kume, ewacu kumae, Ayenyo; dong’ kumi dok leng’. E eni eni joi pare lony. 4#Law 14:1-32Man Yesu wacu ire kumae, Nen kud iyer ni ng’atu moko ki; ento cidhi, nyuthri ni julam, iwodh giramia de ma Musa ng’olo, ni lembatuca igi.
Yesu Keyo Kum Jatic pa Jego
(Lk 7:1-10)
5E ka Yesu mondo i Kapernaum, jego acel ubino i bang’e, ekwaye, 6ewacu kumae, Rwoth, jatic para vuto i ot ku tho ma nego kum dhanu nding’, man esende dit. 7Ewacu ire kumae, Abibino abikeyo kume de. 8Man jego loko lembe ire kumae, Rwoth, aromo ngo ya imond i ot para; ento dong’ iwac lembe kende ci, e kum jatic para bikei. 9Kum an bende an a ng’atu ma the ng’ol, man asikari de anuti kudo i tienda: e awacu ni ng’atu maeni kumae, Cidhi, e ecidho; man ni mange kumae, Bin, e ebino; man ni jamiru para kumae, Tim mae, e etimo. 10E ka Yesu winjo maeni, ie wang’ lii, ewacu de ni ju m’ulubo ng’eye kumae, Awacu iwu andha kumae, Fodi anwang’u yioyic ma rokeni ngi ngo, ungo, i Israel de ngo. 11#Lk 13:29Man awacu iwu, nia dupa biai yo nyangu ku yo reto bende, man gibibedo piny gikud Ibrahimgi, man Isak, ku Yakobo, i ker m’i polo: 12#Mt 22:13; 25:30; Lk 13:28ento wot mi ker jubibayu cen i mudho ma woko: ywak ku kayu lak de bibedo nuti. 13Man Yesu wacu ni jego kumae, Cidhi; dong’ etimbre iri, calu iyio. E kum jatic de kei i saa nica.
Yesu Keyo Kum Dhamaru Petro
(Mk 1:29-31; Lk 4:38-39)
14Man ka Yesu mondo i ot pa Petro, eneno dhamaru Petro vuto ku tho ma cego kum. 15Egam emulo cinge, e cekkum uweke; man eai malu, etimo ire de.
Yesu Keyo Kum Weg Tho Dupa
(Mk 1:32-34; Lk 4:40-41)
16E ka piny udoko uthieno, gikelo weg pajogi dupa i bang’e: man ewodho pajogi woko ku lembe acel, ekeyo kum weg tho de ceke: 17#Isa 53:4kara lembe ma yang’ Isaya ma jabila yero timbre kakare, m’ewacu kumae, Eting’o mulima mwa en, man ecoko tho mwa i kume.
Ju M’uwacu ya Gilub Yesu
(Lk 9:57-62)
18Nie ka Yesu neno udul dhanu ma dit utieke, e eng’olo nia giai gici lokaca. 19E jagorcik moko bino, ewacu ire de kumae, Japonji, abilubo ng’ei ka ma tek icidho i ie ceke. 20E Yesu wacu ire kumae, Kaki bedo ku odng’om, winyo ma kor polo de gibedo ku odgi; ento Wod dhanu bedo ku kamoko ngo m’ejeng ie wie. 21Mange ma kind julubne wacu ire kumae, Rwoth, wek alar aci yik vwa. 22Ento Yesu wacu ire kumae, Lub ng’eya; wek ju m’utho giyik ju m’utho migi gigi.
Yesu Juko Wavuvu
(Mk 4:35-41; Lk 8:22-25)
23E kan eidho i yei, julubne gilubo ng’eye. 24Man nen, wavuvu ma dit utuk i nam, m’uketho mukura umo yei: ento en ebenindo. 25Man gibino i bang’e, gicewe de, giwacu kumae, Bodhwa, Rwoth; waberwinyo. 26Man ewacu igi kumae, Lworo benegowu nedi, wun ma wunok i yioyici? Elund eai malu, man ejuko yamu ku nam; e piny ucungo ndhu ti. 27Dhanu de igi wang’ lii, giwacu kumae, Ng’atuni e dhanu manedi, ma cil yamu ku nam de giwore e?
Juwodho Pajogi kud i Jugadareni
(Mk 5:1-20; Lk 8:26-39)
28E kan ewok lokaca i ng’om mi Jugadareni, weg pajogi ario girombo gikugi, ma giai kud i odliel, gi ngoi dit, ketho ng’atu moko mbe ma copo kadhu kud i yojuno. 29Man nen, gikok akoka, giwacu kumae, Wabedo kud ang’o wakudu, in i Wod Mungu? ibino kuni nisendowa ma fodi kanindone kutundo ngo? 30Nwang’u ku bor cen kud i kumgi udul kul dupa gibecamu. 31Pajogi de gikwaye, giwacu kumae, Tek iwodhowa woko, orwa cen i udul kul. 32Ewacu igi de kumae, Wucidhi. E giai woko, gimondo de i kul: man nen, udul bo konjri piny ku ka ma lung’ i nam, man githung’ i pi. 33E ju m’ukwayugi giringo, gicidho i adhura, giyero lembe ceke de, ku gin m’uwok i kum weg pajogi de. 34Man nen, dhanu ceke ma i adhura gibino rombo ku Yesu: ka ginene de, gikwaye ya eai kud i kieu migi.
Currently Selected:
Matayo 8: AB1970
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.