Matayo 5
5
Thekri mi Ponji wi Got: Matayo 5-7
1E kan eneno udul dhanu, eidho malu wi got: kan ebedo piny de, julubne gibino i bang’e: 2ealu dhoge eponjogi de, ewacu kumae:
Ponji pi Mugisa
(Lk 6:20-23)
3Mugisa ni jucan mi tipo: kum ker m’i polo en e migi.
4 #
Isa 61:2
Mugisa ni ju ma can unegogi: kum gibijukri.
5 #
Zab 37:11
Mugisa ni ju m’ubedo mol: kum ng’om bidoko aba migi.
6 #
Isa 55:1, 2 Mugisa ni ju ma kec ku rieu de benegogi kum bedopwe: kum gibiyeng’.
7Mugisa ni ju ma kisa negogi: kum gibinwang’u kisa.
8 #
Zab 24:3, 4 Mugisa ni ju ma adundegi leng’: kum gibineno Mungu.
9Mugisa ni ju ma thego juwagi: kum jubilwong’ogi wot Mungu.
10 #
1 Pet 3:14
Mugisa ni ju ma junyayu ragedo i kumgi kum bedopwe: kum ker m’i polo en e migi. 11#1 Pet 4:14Mugisa iwu ka dhanu bicayuwu, man gibinyayu ragedo i kumwu, man gibiyero gin ma rac ma kwonde tung’ tung’ i kumwu ma en e ndra, ni kuma. 12#2 Kei 36:16; Tic 7:52Anyong’a negwu, ku mutoro ma dit de: kum sukulia mu e dit i polo: kum ginyayu ragedo kum jubila m’ular uwok iwu bende.
Kadu ku Der
(Mk 9:50; Lk 14:34, 35)
13 #
Mk 9:50; Lk 14:34, 35 Wun wu kadu m’i ng’om: ento tek kadu midone rwinyo, jubidwoko midone kud ang’o? e ber ungo kendo pi gin moko, ento pir aoya re junyone de ku tielo. 14#Yoh 8:12; 9:5Wun wu der m’i ng’om. Adhura ma juketho wi ungulu got pan dre ngo. 15#Mk 4:21; Lk 8:16; 11:33Kadok thala jucwinyo ngo, ma nia jukethe the katoko, ento wi there re; erieny de ni dhanu ceke ma ni i ot. 16#1 Pet 2:12Cil kumeno wek der mu urieny i wang’ dhanu; kara ginen tic mu ma ber, giyung Wegwu de ma ni i polo.
Ponji pa Yesu pi Cik
17Kud wuwac nia nyo abino nyotho cik anyotha kadi jubila: abino nyotho anyotha ngo, endre niketho etimbre kakare. 18#Lk 16:17Kum awacu iwu andha kumae, Cil ma polo ku ng’om ukadhu woko, nyiguta acel kadi ng’et nyiguta acel de bikadhu woko ki ngo kud i cik, ma fodi gin ceke kutimbre kakare ngo. 19Ka kumeno ng’atu ma tek bikadhu ku wi cik acel ma nyathigi maeni, ebiponjo dhanu de kumeca, jubilwong’e nyathigi i ker m’i polo: ento ng’atu ma tek bitimo man ebiponjogi de, jubilwong’e dwong’ i ker m’i polo. 20Kum awacu iwu, nia tek bedopwe mu sagu mi jugorcik ku Jufarisayo de ngo, wubimondo i ker m’i polo tak de ngo.
Ponji pa Yesu pi Ng’ecwiny
(Lk 12:57-59)
21 #
Ai 20:13; Poi 5:17 Wuwinjo nia ewacre ni ju ma con kumae, Kud ineg nek; man ng’atu ma tek binego nek ebibedo ceng’ni lembapoka: 22ento awacu iwu, nia ku ba dhanu nzu ng’atu ma tek ng’ecwiny binege kum umin ma there mbe ebibedo ceng’ni lembapoka; man ng’atu ma tek biwacu ni umin mire kumae, Raka, thelembene kumae, In ma kiti mbe e, ebibedo ceng’ni dilo; man ng’atu ma tek biwacu kumae, In i jakasegu, ebibedo ceng’ni gehena mi mac. 23Ka kumeno tek ibethiero giramia peri dhu pemblam, ipoi kakeca nia lembe moko ni i umeru i kumi, 24wek giramia peri keca wang’ pemblam, icidhi, wular wupot kindwu wukud umeru, e kan ilund ibin ithier giramia peri. 25Rip kindwu ku jamon peri tho, kinde ma wuni kude i gengi; kara jamon peri kud umii ni japoklembe, japoklembe de mii ni asikari, man juboli i odkol. 26Andha awacu iri kumae, Ibiai keca ki ngo, ma fodi k’iculo wang’ sente kubang’e pet ungo.
Ponji pa Yesu pi Giero Gier
27 #
Ai 20:14; Poi 5:18 Wuwinjo nia yang’ ewacre kumae, Kud igier gier: 28endre awacu iwu, nia ku ba dhanu nzu m’uneno dhaku kud awanya ma rac i kume nwang’u edaru giero gier kude ku yo i adunde. 29#Mt 18:9; Mk 9:47Man tek weng’i ma yor acwic uketho ikier, wodhe woko, baye cen kud i kumi: kum en e kuloka iri nia wathkumi acel urwiny, man kumi dho re ma ku jubol i gehena. 30#Mt 18:8; Mk 9:43Man tek cingi ma yor acwic uketho ikier, thume woko, baye cen de kud i kumi: kum en e kuloka iri nia wathkumi acel urwiny, kumi dho re ma ku jubol i gehena.
Ponji pa Yesu pi Pokri pa Nico ku Cege
(Mt 19:9; Mk 10:11-12; Lk 16:18)
31 #
Poi 24:1-4; Mt 19:7; Mk 10:4 E ewacre bende kumae, Ng’atu ma tek biriemo cege, wek emi ire waraga mi riem: 32#Mt 19:9; Mk 10:11, 12; Lk 16:18; 1 Kor 7:10, 11ento awacu iwu, nia ku ba dhanu nzu m’uriemo cege, ma k’erieme kum tarwang’ ungo, nwang’u edwoke ni won gier: man ng’atu ma tek bidong’ gome ma jukojurieme woko ca nwang’u egiero gier.
Ponji pa Yesu pi Kwong’o Kwong’
33 #
Law 19:12;
Wel 30:2; Poi 23:21 Kendo, wuwinjo nia yang’ ewacre ni dhanu ma con kumae, Kud ikwongri, ento itim kwong’ peri ni Rwoth: 34#Yak 5:12; Isa 66:1; Mt 23:22ento awacu iwu kumae, Kud ikwong’ kwong’ ki; kadi ku polo, kum en e komker pa Mungu; 35#Isa 66:1; Zab 48:2kadi ku ng’om, kum en e kom mi tiende; kadok Yerusalem, kum en e adhura p’Ubimo ma dwong’. 36Kadok ku wii de kud ikwong’ kwong’, kum icopo ketho yukwii acel udok tar kadi col de ngo. 37Ento wek wec mu bed kumae, Eyo, eyo; Ungo, ungo; man gin m’usagu maeni nwang’u en e pa ng’atu ma rac.
Ponji pa Yesu pi Culo Wang’ Gin ma Rac
(Lk 6:29-30)
38 #
Ai 21:24; Law 24:20; Poi 19:21 Wuwinjo nia yang’ ewacre kumae, Wang’ ndhu ku wang’, lak ke ndhu ku lak; 39ento awacu iwu kumae, Kud wudhunj ni ng’atu ma rac: ento ng’atu ma tek upadu thengi ma yor acwic, lok ire ma yo kucel bende. 40Man tek ng’atu moko yenyo eredh titi i wii, man ewodh simisi peri, wek ire jabia peri bende. 41Man ng’atu ma tek bicweli ya wucidh wukude ungolo acel, dong’ wucidh wukude ungolo ario. 42Mi ni ng’atu m’ukwayu i beng’i, man, kud ilok ng’ei ni ng’atu m’uyenyo banja i beng’i.
Maru Judegi
(Lk 6:27, 28, 32-36)
43Wuwinjo nia yang’ ewacre kumae, Mar wedu, dag jadegini: 44endre awacu iwu kumae, Wumar judegiwu, wurwo de pi ju m’unyayu ragedo i kumwu; 45kara wubed wot Wegwu ma ni i polo: kum eketho ceng’ pare dongo wi judubo ku jubero bende, man ekonjo koth wi ju ma pwe ku wi ju ma pwe ngo bende. 46Kum tek wumaru ju m’umaruwu, sukulia mu ang’o? cil weg ajok gitimo kumeno ngo? 47Man tek wumotho juwedwu kendgi, nwang’u wutimo ang’o ma sagu jumange? cil Thekdhanumange gitimo kumeno ngo? 48#Law 19:2; Poi 18:13Ka kumeno wubed ndhu cu, calu Wegwu ma ni i polo bedo ndhu cu.
Currently Selected:
Matayo 5: AB1970
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.