Matayo 13
13
Lembabola pa Jacoi Kodhi
(Mk 4:1-9; Lk 8:4-8)
1Ceng’ maeno Yesu ai woko kud i ot, ebedo de dhu nam. 2#Lk 5:1-3Udul dhanu de ma dit gicokri i bang’e, ketho eidho i yei, ebedo de; udul dhanu ceke de gicungo dhu wath. 3Man eyero igi gin dupa ku lembabola, ewacu kumae, Nen, jacoikodhi cidho nicoyo; 4e kan ecoyo, kodhi moko podho dhu yo, winyo de gibino gicamugi: 5mange ke podho i ka ma ie ju kidi, ka ma ng’om ubedo dit i ie ngo: ekawono gicobo, kum ng’om ubedo thuth ungo: 6e ka ceng’ uwok, giwang’; man kum ulaggi mbe, giner woko. 7Mange ke podho kind ukudho; ukudho de dongo man edeyogi: 8mange ke podho wi ng’om ma ber, ecego nyinge de, moko acel bang’ dak, moko acel bang’ pier abusiel, moko acel bang’ pier adek. 9Ng’atu ma ithe nuti, wek ewinji.
Gin M’uketho Eyero ku Lembabola
(Mk 4:10-12; Lk 8:9-10)
10Man julub gibino, giwacu ire kumae, Iyero igi ku lembabola nedi? 11Man eloko lembe ewacu igi kumae, Ecibre iwu ya wung’ei giramung’a mi ker m’i polo, endre ecibre ngo igi. 12#Mt 25:29; Mk 4:25; Lk 8:18; 19:26Kum ng’atu ma tek ubedo ko, jubimio mange ire, man ebibedo ku muluma: ento ng’atu ma tek ubedo ko ngo, jubikabu woko kud i bang’e cil maeno m’ebedo ko. 13Ka kumeno ayero igi ku lembabola: kum anena to gineno ere gineno ngo, awinja to giwinjo ere giwinjo ngo, kadok ang’eya de ging’eyo ngo. 14#Isa 6:9, 10E lembila ma yang’ Isaya yero timbre igi kakare, m’uwacu kumae,
Awinja re wubiwinjo, ere wubing’eyo ki ngo;
Anena de wubineno, ento wubineno ki ngo:
15Kum adunde dhanu maeni doko nwang’,
Ithgi de dhing’,
Wang’gi de gimio;
Kara ku ginen ku wang’gi,
Ku giwinj ku ithgi,
Ku ging’ei kud adundegi,
Gimaru lokri kendo,
Man amaru cangugi.
16 #
Lk 10:23, 24 Ento mugisa ni weng’wu, kum gineno; ni ithwu de, kum giwinjo. 17Kum andha awacu iwu, nia jubila man dhanu ma pwe de dupa giyenyo ginen gin ma wuneno, ere ginenogi ngo; giyenyo giwinj gin ma wuwinjo, ere giwinjogi ngo.
Yesu Tuco The Lembabola pa Jacoi Kodhi
(Mk 4:13-20; Lk 8:11-15)
18Ka kumeno wuwinj lembabola pa jacoikodhi. 19Ka ng’atu moko winjo lembe mi ker, eng’eye de ngo, ng’atu ma rac lund bino, emayu de maeno ma jucoyo i adundene. Maeni en e ma jucoyo dhu yo. 20E maeni ma jucoye ka ma ie ju kidi, maeni en e ng’atu m’uwinjo lembe, ejole de pio pio ku mutoro; 21ento ebedo kud ulage i ie gire ngo, ento ebedo nyangba; man ka masendi kadi ragedo wok kum lembe, e aruca ruca ekier. 22E maeni ma jucoyo kind ukudho, maeni en e ng’atu m’uwinjo lembe; e giki m’i ng’om, kud awondi mi lonyo, gideyo lembene, e ecego nyinge ngo. 23Man maeni ma jucoye i ng’om ma ber ke, maeni en e ng’atu m’uwinjo lembe, man eng’eye; m’ecego nyinge andha, ecego de, moko acel bang’ dak, moko acel bang’ pier abusiel, moko acel bang’ pier adek.
Ngoli i kind Nganu
24Eting’o lembabola mange de i wang’gi ewacu kumae, Ker m’i polo pore ku ng’atu m’ucoyo kodhi ma ber i podho pare: 25ento ka dhanu nindo, jadegine bino ecoyo ngoli bende kind nganu, e ecidho. 26Ento ka nganu twi ecego nyinge de, ngoli bende lund uwok. 27Man jumiru pa won ot ubino uwacu ire kumae, Rwoth, icoyo kodhi ma ber ungo i podho peri? ngoli ke lund uai kani? 28Man ewacu igi kumae, Ng’atu ma jadegi timo maeni en. E jumiru giwacu ire kumae, Ka kumeno iyenyo waci wacokgi? 29Ento ewacu kumae, Ungo; kinde ma wucoko ngoli, wumaru doyo nganu bende. 30Wek gin ario gidong karacelo cil i palacam: man i nindo mi palacam abiwacu ni jukaicam kumae, Wular wucok ngoli, wutwigi de ni wie kara juwang’gi; nganu re e ma wucok i dero para.
Lembabola pi Kodhi Atingli
(Mk 4:30-32; Lk 13:18-19)
31Eting’o lembabola mange i wang’gi, ewacu kumae, Ker m’i polo e calu kodhi atingli, ma dhanu gamu, ecoyo de i podho pare: 32ma nyathigi andha ma sagu kodhi ceke: ento kan edongo, e dit ma sagu uboko, man edoko ni yen, ketho winyo m’i polo gibino gibedo de wi jange.
Lembabola pi Thobi
(Lk 13:20-21)
33Eyero igi lembabola mange de kumae; Ker m’i polo e calu thobi, ma dhaku gamu, ekane de i mogo katoko adek, maram eyenye ko ceke.
Yesu Ponjo Ru ku Lembabola
(Mk 4:33-34)
34Gin maeni ceke Yesu yero ni udul dhanu ku lembabola; man lembe moko mbe ma k’eyero ku lembabola ngo: 35#Zab 78:2kara lembe ma yang’ jabila yero timbre kakare, m’ewacu kumae,
Abialu dhoga ku lembabola;
Abiweco pi gin m’ugamu pandre cil i thekri mi ng’om.
Yesu Tuco The Lembabola mi Ngoli i kind Nganu
36Elund eweko udul dhanu emondo de i ot: julubne de gibino i bang’e, giwacu kumae, Tuc iwa the lembabola mi ngoli mi podho. 37Man eloko lembe ewacu kumae, Ng’atu m’ucoyo kodhi ma ber en e Wod dhanu; 38podho ke en e ng’om; kodhi ma ber ke, maeni gi wot mi ker: ngoli ke gi wot ng’atu ma rac; 39jadegi ke m’ucoyogi en e wonabali: palacam ke en e kajik mi ng’om; jukaicam ke gi malaika. 40Ka kumeno calu jucoko ngoli juwang’u de ku mac; ebibedo kumeno i kajik mi ng’om. 41Wod dhanu bioro malaika pare man gibicoko kud i ker pare gin ceke m’uketho jukier, ku ju m’udubo lembe bende, 42e gibibologi i majubi: ywak ku kayu lak de bibedo nuti. 43Weg bedopwe bilund rieny pami ceng’ i ker pa Weggi. Ng’atu ma ithe nuti wek ewinji.
Piny M’akana M’upandre
44Ker m’i polo e calu piny m’akana m’upandre i podho: ma ng’atu acel unwang’u ekane de; man kum mutoro pare ecidho eloko jupiny ceke m’ebedo ko, man eng’iewo podho maeno de.
Kidi ma i Upal ma Wel Pinje Lwar
45Kendo, ker m’i polo e calu ng’atu ma jakuloka m’uyenyo kidi ma beco ma i upal: 46e kan enwang’u kidi acel ma i upal ma wel pinje lwar, ecidho eloko jupiny ceke m’ebedo ko, man eng’iewe.
Voi
47Kendo, ker m’i polo e calu voi, ma jubolo i nam, man ecoko mi kwond ceke: 48ma, kan epong’, giywayu woko dhu wath; gibedo piny de, man gicoko ma becone i alara, ento ma recone gibayu woko. 49E ebibedo kumeno i kajik mi ng’om: malaika biwok woko, man gibikoyo judubo ma kind weg bedopwe, 50e gibibologi i majubi: ywak ku kayu lak de bibedo nuti.
Piny M’akana ma Nyen ku M’uti
51Wung’eyo gin maeni ceke? Giwacu ire kumae, Eyo. 52Man ewacu igi kumae, Ka kumeno ku ba jugorcik nzu ma judwoke jalub mi ker m’i polo e calu ng’atu ma won ot, m’ewodho woko kud i kind piny pare m’akana giki ma nyen ku giki m’uti.
Yung Umbe ni Yesu i Nazareti
(Mk 6:1-6; Lk 4:16-30)
53Man etimbre, ka Yesu daru lembabola maeni, eai ku kakeca.
54Ebino i ng’om ma thugi ma dhe man eponjogi i kacokri migi, ketho igi wang’ lii, giwacu de kumae, Ng’atuni nwang’u rieko maeni, ku tic ma tek maeni kani? 55Ng’atuni wod jabodho mi bau ngo? min mire julwong’o Mariamu ngo? utumin ke, Yakobo, ku Yusuf, man Simon, ku Yuda de ngo? 56Nyimin mire de, kagi ceke wabedo wakugi ngo? Ng’atuni lund unwang’u gin maeni ceke kani? 57#Yoh 4:44E gikier ni kume. Ento Yesu wacu igi kumae, Yung ma juyungo ko jabila mbe ngo, ento umbe i ng’om ma thugi ma dhe re, man i ot pare ma dhe. 58Man etimo tic ma tek dupa ngo keca kum yioyic migi m’umbe.
Currently Selected:
Matayo 13: AB1970
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.