Matayo 11
11
Jukwenda M’uai ba Yohana ma Jabaputisi
(Lk 7:18-35)
1Etimbre de ka Yesu daru ciko julubne apar wi ario, eai kakeca kara eci ponji eyer lembanyong’a de i adhura migi. 2Nwang’u ka Yohana winjo pi tic pa Kristu kud i odkol, eciko lembe dhu julubne 3man ewacu ire kumae, In i ng’atu m’ubebino, kadi wakur ng’atu mange? 4Man Yesu loko lembe ewacu igi kumae, Wuci yer ni Yohana pi gin ma wuwinjo ku ma wuneno de: 5#Isa 35:5, 6; Isa 61:1ju ma abinga maku nenopiny, weg abala bende gibewotho, weg joi de kumgi lony, ju ma ithgi dhing’ bende giwinjo, ju m’utho ndhu de gicer, jucan bende jubeyero igi lembanyong’a ma juboth ko. 6Man ng’atu ma tek binwang’u gin moko mbe i ia m’uketho ekier, mugisa ire.
7Man ka joni gicidho migi, Yesu maku penjo udul dhanu pi Yohana kumae, Wucidho woko i yamba nineno ang’o? undodi acel m’uyengre ku yamu? 8Ento wucidho woko nineno ang’o? ng’atu m’uronjre ku kendi ma yomi? Nen, ju m’ukendo kendi ma yom gini i udi mir ubimo. 9Ento wucidho woko mir ang’o? nineno jabila pa Mungu’ Eyo, awacu iwu, man m’usagu jabila dit. 10#Mal 3:1Maeni ng’atu, ma yang’ pire gore kumae,
Nen, aoro jakwenda para i weng’i,
Ma biyiko yo peri i weng’i.
11Andha awacu iwu kumae, Kud i kind dhanu ma mon unyolo ng’atu moko mbe m’uwok ma dit ma sagu Yohana ma Jabaputisi: ento ng’atu ma en e nok i ker m’i polo e ma dit ma sage. 12#Lk 16:16Ugambre i ceng’ pa Yohana ma Jabaputisi cil ku kawono de ker m’i polo rombo ku tego, dhanu ma jukero de gigame ku kero. 13Kum jubila ceke ku cik de giewo cil kum Yohana. 14#Mal 4:5; Mt 17:10-13; Mk 9:11-13Man tek wuyio wujol maeni, maeni en e Elia, ma bibino. 15Ng’atu m’ubedo ku ithe m’ewinjo ko, wek ewinji. 16Ento abiporo dhanum’utuk maeni kud ang’o’ Epore ku nyithindho m’ubedo i katali, m’ulwong’o juwadi, 17m’uwacu kumae, Wakudho ungbalu iwu, wumiel de ngo; wawero wejawu, e can unegowu de ngo. 18Kum Yohana bino ku camu cemo ngo kadi ku madhu de ngo, man giwacu kumae, En e won pajogi. 19Wod dhanu bino ku camu ku madhu bende, e giwacu kumae, Nen, ng’atu ma jambo kud andrej pigulok, jarimb weg ajok ku judubo de! E rieko doko pwe ni kum tic pare.
Can wi Adhura ma Gilokri Ngo
(Lk 10:13-15)
20Elund emaku dhau bang’ adhura ka ma tic pare ma tek utimbre i ie dit, kum giloko cwinygi ngo. 21#Isa 23:1-18; Eze 26:1-28:26; Yoe 3:4-8; Amo 1:9, 10; Zek 9:2-4Can i wii, Korazin! can i wii, Bethsaida! kum tek wagi tic mi musana m’utimbre i iwu utimbre i Turo ku Sidon kuno di giloko cwinygi con ku kendo usuba ku vuru. 22Ento awacu iwu, nia pokolembe pa Turo ku Sidon bibedo ber ma sagu mu i ceng’ pokolembe. 23#Isa 14:13-15; Tha 19:24-28In de, Kapernaum, jubiyungi malu i polo’ ibicidho piny i Hadeya: kum tek tic ma tek m’utimbre ii utimbre i Sodom, kuno di enuti cil eni. 24#Mt 10:15; Lk 10:12Ento awacu iwu nia pokolembe mi ng’om Sodom bibedo yot ma sagu peri, i ceng’ pokolembe.
Bin i Bang’a man Iyom
(Lk 10:21-22)
25I nindo maeno Yesu loko lembe ewacu kumae, Afoi, E Vwa, Rwoth m’i polo ku ng’om, nia ipanu gin maeni ni jurieko ku jung’eilembe bende, inyuthogi de ni mukere: 26eyo, Vwa, kum kumeno enyayu mutoro i weng’i. 27#Yoh 3:35; Yoh 1:18; 10:15Vwa mio ira gin ceke: ng’atu moko mbe de m’ung’eyo Wod, ndhu Wego re; kadok Wego de ng’atu moko mbe m’ung’eyo, ndhu Wod, man ng’atu ma tek Wod uyenyo enyuthe ire. 28Wubin i bang’a, kewu ceke ma wumulu ku tic ma ter ma pek unurowu, man abimio iwu yom. 29#Yer 6:16Wuting’ mberembere para i wiwu, wumak ponji de i bang’a; kum an a ming’ a mol de i adunde: e wubinwang’u yom i ng’eyong’ec mu. 30Kum mberembere para e yot, ter para de foka foka.
Currently Selected:
Matayo 11: AB1970
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.