Malaki 4
4
Ceng’ pa Yehova ma Bibino
1Kum, nen, ceng’ ubino, eliel pamir uka; ma jukuhaya ceke, ku dhanu ceke ma timo dubo, gibibedo ni soka; e ceng’ m’ubino biwang’ugi pet, Yehova mir udul uwacu, kara kud ewek igi kadok ulage kadi jange de. 2Ento iwu wu ju ma lworo nyinga ceng’ mi bedopwe biwok ku keyokum i bombe; e wubiwok woko, man wubituko calu nyithi dhiang’ i dwol. 3Man wubinyono judubo piny; kum gibibedo ni vuru the tiendwu i ceng’ m’atimo maeni, Yehova mir udul uwacu.
4Wupoi kum cik pa Musa ma jatic para, m’ang’olo ire i Horeb pir Israel ceke, en e cik ku lembapoka. 5#Mt 11:14; 17:10-13; Mk 9:11-13; Lk 1:17; Yoh 1:21Nen, abioro iwu Elia ma jabila ma fodi ceng’ ma dit mi ndiri pa Yehova fok’uwok ungo. 6Man ebiloko adunde mi wego ba nyithindho, man adunde nyithindho ba weggi; kara kud abin agoi ng’om ku kwong’.
Currently Selected:
Malaki 4: AB1970
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.