MATIU 2
2
Da ariyaa welingu la pahunga lodu
1I Yehu dedina la paraingu Mbetulehimu la tana Yundia la rehi pareta-na i Hanganji Harondi. La rehina nuna ninja ba mapira-ha da tau manggàna mapingu kandunu welingu la pahunga lodu damai la Yeruhali. 2Nyuda da-paàrangu lai nu - lai nu, “Nggiya na Anakeda, na madedi la pa-hanganji-nya na tau Yahundi? Nyuma maita-ya hungana na kandunu-na la pahunga lodu, jia hi mamai pa-maraku-nya,” wàda.
3Nu ba narongu-ka i Hanganji Harondi na rukuna nuna, katàtaku nda ukuya, hamanai mbuu ndàbana na tau la Yeruhali. 4Ka paau-nanjaka mbuu ndàbada da ratu kapala dàngu da ngguru anggama tau Yahundi pamai pa-pauhi. Hàla paàra-nanjaka, “La nggika napa nadedi ningu na Hanganji na paràndi-na i Ala?” wànanja.
5Dahema nyuda, “La paraingu Mbetulehimu la tana Yundia. Nadu ba tuna jiadu na pa-tulihu-na na haàtu na wunangu:
6‘Nyumu ha Mbetulehimu, la tana Yahunda,
nda jia-akau nyumu ma-màrahu halawàla la hongada da paraingu mangia ngora la Yahunda.
Nadu ba welingu lai nyumudu napa natàka na haàtu na ma-pairungu
napa na mairu ngàndiya na banjaru-nggu na Ihirailu,’ wàna,” wàdanya.
7Narongu-ka pa-kalokangu tungu nu, i Harondi napaau kangunduhu-nja da tau mapingu kandunu welingu la pahunga lodu. Hàla hi na-paàra-nja jàka pirangu langatàka na kawunga hungana nuna na kandunu. 8Tunaka nu paràha-nanjaka la Mbetulehimu hi napanii hahanja, “Iluawa, himbu pahàmu-manya nuna na Anakeda. Jàkai hunggu-yaka, kai paniingga, ka kuluai duku pa-maraku-nya,” wànanja.
9-10Hàla laku-danyaka. Ka hilu ita-danyaka na kandunu na-paita-da yia nana la pahunga lodu. Hawola nda ukuha ba daita-yaka nuna na kandunu. Na kandunu na-mangilu-nja nyuda, hi na-ndàdiku la dita pangia-na na Anakeda. 11Datama daa la uma hi daita-ya na Anakeda dàngu i Maria, inana. Patika-danyaka dàngu maraku-danyaka na Anakeda, hàla bunggahu-danjaka da kanai bandada, hi damaraku-nya àmahu marara, kaminyangu dàngu muru.#kaminyangu: pa-pakorungu wàngu ba pandoi dupa mambotu wilina ma-welingu la hangia ngara pingi ai. Muru: rutuhu pambàda pamàdu dàngu nambii kati ma-welingu la hangia ngara pingi ai. (Tàngaru-ya la kalokatu hilu). 12I Ala na-panamu-nja la manggadipangu ka àmbu dabeli lai Harondi. Jia-duyaka hi dali ningu la ànda hau ba dabeli.
Hinggilu la Mehiru
13Ba dalaku-ka da tau mapingu kandunu, na papalewa-na i Miri na-paitangu wikina lai Yuhupu la manggadipangu. Na Papalewa napanii, “I Harondi na-patikingu pahimbu-ya na Anakeda ka pameti-ya,” wàna. “Jia hadangu-wa, kau karia-nya na Anakeda dàngu inana, pa-hinggilu la Mehiru. Pa-engangu lai nu ka lupa kuhilu panii dànggau”, wànanya.
14Na-hadangu i Yuhupu, la rudungu nunama ba na-karia-nya na Anakeda dàngu inana pa-hinggilu la Mehiru. 15Pa-engangu-danyaka lai nu lundu metina i Harondi.
Tuna nu pa-deningu-nanyaka na paniina i Miri la ngaru wunangu-na, “Nyungga kupaau-nya na Ananggu welingu la Mehiru,” ba wàna.
Na pameti-ha da Anakeda
16Ba napi-nyaka i Harondi da mapingu kandunu welingu la pahunga lodu ba panyonga-danya, lalu mbana mbeniya. Hàla wuangu-nanyaka pareta la papameti hàlaha da Anakeda mini da madàmbu ndauda lupa la wawana da maninja la Mbetulehimu dàngu la winggiru-na. Na-pajàngapu-nya na pa-kalokangu pangala-na la mapingu kandunu na ruku pahunga wàna na kandunu.
17Tuna nu pa-deningu-nanyaka na pambàda paniina i Wunangu Yerimia:
18“La Rama tarongu ma-padudurungu,
mahali dàngu mahii.
I Rahilu nahiinja da anana;
nda nabihu ka pamanda-nya
nadu nyuda ba nda ninjapa,” ba wàna.
Beli welingu la Mehiru
19Ba nameti-ka i Harondi, ba la Mehiru-yapa i Yuhupu na haàtu papalewa-na i Miri hilu paitangu-nanyaka wikina lai Yuhupu la manggadipangu. 20Na papalewa napanii, “Da tau da ma-patikingu pa-pameti-ya na Anakeda dameti-ka. Jiaya nu hadangu-wa, kau karianya na Anakeda dàngu inana kai beli la Ihirailu,” wànanya. 21Hadangu-nanyaka i Yuhupu, hi na-karia-nya na Anakeda dàngu i Maria hi dabeli la Ihirailu.
22Tàka la malamiri i Yuhupu narongu ba i Àrakilaü, anana i Harondi-ka na mahilu-ya na amana la pa-hanganji la Yundia. Ka mangàdatu-nanyaka i Yuhupu pabeli lai nàhu. Hàlaka ba nahilu ngalangu-ka panaungu welingu lai Miri la manggadipangu laku-nanyaka la tana Nggalilia. 23Lai nu hi na-ngiangu la paraingu Naharitu ba wàdanya. Ba tuna nu pa-deningu-nanyaka na paniida da wunangu rukuna nuna na Anakeda: “Nyuna napa Tau Naharitu,” wàdanya.
Currently Selected:
MATIU 2: KAM
Highlight
Share
Copy
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)