1 Tesalonicenses 3
3
1Qamkuna kaqman shamuyta mana puëdirmi pasaypa llakikurqü. Tsaymi Atenas#Hech. 17.15. markachö japalläkuna quëdayämunä kaptinpis 2qamkuna kaqman wawqintsik Timoteuta mandamurqä. Musyayanqaykinöpis Timoteuqa Tayta Diospa sirviqnin karmi Jesucristupa alli willakuyninta willakur puriykan. Paymi yachatsiyäshunki y parlapäyäshunki Jesucristuman criyikuyänaykipä.
3Tsaynö parlapäyäshuptikim runakuna chikiyäshuptikipis llakikuyankitsu. Musyayankim Jesucristuman criyikunqantsikpita runakuna ñakatsimänantsikpä kanqanta. 4Tsaynöllam qamkunawan kaykarpis willarqä Jesucristuman criyikunqantsikpita runakuna chikimänantsikpä kanqanta. Tsay ninqänöllam llapanpis päsaykan. 5Tsaymi qamkunapä llakikur Tayta Diosman criyikuyanqaykita musyanäpä Timoteuta mandamurqä. Pasaypam llakikurqä Satanás ima tsapatapis churapäyäshuptiki Jesucristuman manana yärakuyanqaykita yarpar. Tsaynö kaptinqa alli willakuyta willanqäkunapis manakaqllapämi kanman karqan.
Tesalónicapita Timoteo kutinqan
6Qamkuna kaqpita Timoteo kutiykamurmi willamashqa Tayta Diosman shumaq criyikuyanqaykita y kuyanakur kaykäyanqaykita. Tsaynöllam willamashqa noqakunapä llakikur kutiyämunäta munaykäyanqaykita. Tsaymi noqakunapis watukakuq kutimuyta yarpaykäyä.#Hech. 18.5. 7Shumaq criyikuyanqaykita willamaptinmi ñakarpis kushishqa kaykäyä. 8Alli kaykäyanqaykita musyaykurmi shonqükunapis atsikyaskin.
9Tayta Diosnintsik yanapayäshunqaykipita pasaypa kushikurmi llapan shonqükunawan payta agradëcikuyä. 10Tsaymi paqaspa junaqpapis llapan shonqükunawan payta mañakuykäyä qamkunaman kutiyämunäpä. Chämurnam masta yachatsiyäshayki Tayta Dios munanqannö kawayänaykipä.
11Qamkuna kaqman watukaqnikikuna kutiyämunäpä Papänintsik Tayta Dios y Señornintsik Jesucristo yanapaykayämätsun. 12Señor Jesucristo yanapaykuyälläshuy qamkunata kuyanqänölla kikikipura y wakin runakunawanpis kuyanakur kawayänaykipä. 13Tsaynölla yanapaykuyälläshuy llapan shonquykikunawan yärakur pay munanqannö kawayänaykipä. Tsaynöpam salvanqan runakunawan Señornintsik Jesucristo kutimuptin Papänintsik Tayta Diospa puntanchö jutsaynaq kayanki.
Currently Selected:
1 Tesalonicenses 3: qxo
Highlight
Share
Copy
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.