MATIUS 3
3
Kotbang Yohanes Mananahani
(Mrk. 1:1-8; Luk. 3:1-18; Yoh. 1:19-28)
1Su tempo ene riměntạe i Yohanes Mananahani su wanua l᷊inggi su Yudea kụ nanětạe naněntiro. 2#Mat. 4:17; Mrk. 1:15 ”Pěmpẹ̌tobate wọu kal᷊awọu rosanu,” angkuěnge, ”batụ u Mawu Ruata e seng tạ karěngụe sarung mẹ̌parenta kere sěngkatau Ratu!”
3 #
Yes. 40:3
I Yohanes ini e ilẹ̌habarʼu Nabi Yesaya su ral᷊ungu manga wawerane kere ini,
”Piạ tau mạmohang su wanua l᷊inggi,
’Diahiko ral᷊eng baugu Mawu e; teneko raral᷊engang baugʼi Sie.’ ”
4 #
2Rat. 1:8
I Yohanes měpẹ̌pakeangu pakeang bọu rukụ u onta. Papehẹ e wọu pisim binatang, arawe kaěnge kal᷊imbotong ringangu ghul᷊ang katiupang. 5Lawọ taumatang Yerusalem bọu patikụ banuang Yudea ringangu wọu manga wanua mạngělikụ Sal᷊ụ u Yordan nahunděnta su anung Yohanes. 6I sire mạngakun kal᷊awọu rosan sire, kụ i Yohanes něnahani si sire su Sal᷊ụ u Yordan.
7 #
Mat. 12:34, 23:33 Lawọ l᷊ai tau Farisi ringangu Saduki němpẹ̌děnta su anung Yohanes mědeạu makisahani. Kai sarạeng i sie nakasilo si sire riměnta, i sie nẹ̌berạe si sire, ”I kamene taumata ral᷊aị! I sai tangu nẹ̌bera u i kamene mal᷊iwirẹ̌ bọu hukumangu Mawu Ruata kụ sarung humombang? 8Todẹko ringangu kakanoạ i kamene u i kamene seng nẹ̌tobatẹ̌ bọu kal᷊awọu rosang kamene. 9#Yoh. 8:33 Abe pěmpangěnnau i kamene mal᷊iwirẹ̌ bọu hukumang ual᷊ingu mẹ̌beraʼu i Abraham kai i upungu. Kasingkạ, bọu manga watu tamai Mawu Ruata e makakoạ bue pal᷊ahite waugʼi Abraham! 10#Mat. 7:19 Bal᷊iung seng mạsasadia tadeạu ipanuwang kalu sarang manga hamụ e. Apang kalu ta mẹ̌bawuam buane mapapia e sarung tuwangeng, kụ iwahung su putung. 11I kamene takụ sahaniangu akẹ tadeạu kasingkatengu i kamene seng němpẹ̌tobatẹ̌ bọu rosang kamene; arawe sarung duměnta samuring iạ e, ute sarung manahani si kamene dingangu Rohkẹ̌ u Ruata ringangu putung. I Sie limembọeweng kasěllahe wọu iạ e. Kal᷊ingung mẹ̌bawa sapatune lai iạ tawe hinone. 12Su l᷊imane piạ nihung pẹ̌taẹ̌kangu kěbị ěmmene sarang mawurẹ̌si. Ěmme e sarung ikomol᷊ẹ̌ su ral᷊ungu wasung, arawe wal᷊ẹ̌kane ute tutungang su putung ta masasẹ̌bu.”
Mawu Yesus nisahani
(Mrk. 1:9-11; Luk. 3:21-22)
13Su orasẹ̌ ene i Yesus nẹ̌buạ bọu Galilea sarang Sal᷊ụ u Yordan. Su tampạ ene i Sie himaung si Yohanes kụ mědẹ̌dorong makisahani. 14Arawe i Yohanes něnal᷊ukạ nametọ dorongʼE ene. I Yohanes nẹ̌berạe, ”Kai iạ e hinon sahaniang i Tuang. Kụ orasẹ̌ ini e kawe i Tuang diměnta su anuku.”
15Kai Mawu Yesus simimbahʼu, ”Měngkateko walạe pěněntal᷊ang su orasẹ̌ ini. Batụ u kai kere ini i kitẹ mẹ̌koạ kěbị ikẹ̌kapulung Duata.” Tangu i Yohanes něnahanị e Mawu Yesus.
16Bọuten nisahani, Mawu Yesus měngkatewe siměpụ bọu akẹ u sal᷊ụ e. Arakutẹu langịe natopẹ e kụ Mawu Yesus nakasilo Rohkẹ̌ u Ruata ěnnaẹ limintụ kere manụ paluma kụ dimorọ si Sie. 17#Pěnd. 22:2; Mzm. 2:7; Yes. 42:1; Mat. 12:18, 17:5; Mrk. 1:11; Luk. 9:35 Mase nakaringihe tingihʼu Mawu Ruata něhengetang, ”Ini e kai Ahusẹ̌-Ku ikẹ̌kěndagẹ̌. I Sie makạl᷊uasẹ̌ naung-Ku.”
Currently Selected:
MATIUS 3: SXN
Highlight
Share
Copy
Want to have your highlights saved across all your devices? Sign up or sign in