MALEAKHI 1
1
1Seng ini e papaul᷊ị u Mawu si Maleakhi e waugu umatu Israel.
Kakěndagu Mawu su Israel
2 #
Rm. 9:13
#Yes. 34:5-17, 63:1-6; Yer. 49:7-22; Yeh. 25:12-14, 35:1-15; Ams. 1:11-12; Ob. 1-14 Mawu e něhengetang su umatʼE, ”Iạ kụkěndagi kamene.” Kaiso i sire simimbang, ”Kereapa Mawu e kiměndagi kami?”
Mawu e simimbang, ”Kai wal᷊inewe tuhang i Yakub tangu i Esau e? Kai kawe i Yakub ikẹ̌kěndagẹ̌-Ku e, 3arawe i Esau kawe ikẹ̌kawěnsing-Ku. Banua piạ bul᷊ude i Esau e seng nasue Takụ nịgaghagholang, dingangu ěntanane Takụ nisarakang su manga binatang dul᷊u su wanua l᷊inggi.”
4Manga andene pal᷊ahiteng Esau e kụ kawe taumatang Edom ene e mẹ̌bera, ”Manga soang kami e seng nịgagholang, kaiso i kami e sarung měmangung kapia,” tangú Mawu e sarung sumimbang, ”I sire e wotonge wue měmangung kapia, kaiso Iạ e sarung mapakahakang ene. I sire e sarung isěbạ ’Banua duruhaka’ ringangu ’Wansa kụ kinahinoěngu ral᷊angehu, Mawu sarang marěngụ-děngụ.’ ”
5Tau Israel sarung makasilo hala, ringangu mẹ̌bera, ”Mambeng masěllahẹ̌ Mawu; kawasa-Ne sarang likudu ěntanang Israel!”
Mawu e něngonggọu sasal᷊ěntihọ maněnggạ su manga imang
6 Mawu Limembong Kawasa e něhengetang su manga imang, ”Sěngkatau anạ e mạngadatẹ̌ si amange, ringangu sěngkatau mẹ̌tatangkiange mạngadatẹ̌ mawune. Iạ ini e i Amangu; unụe i kamene tawe měngadatẹ̌ si Siạ? Iạ ini e těmbonangu; unụe i kamene tawe matatakụ si Siạ? I kamene mělẹ̌hinakang si Siạ, kaiso i kamene makịbal᷊o, ’Kai kereapa kakakoạ i kami něhinakang si Kau e tangú?’ 7Něnarakangu wiahẹ̌ kụ hinon tawe wotonge i sarakang su wowom pananěmbaěng-Ku. Mase i kamene e nakiwal᷊o, ’Dingangu kereapa kakakoạ i kami e tawe mẹ̌papandung si Kau?’ Kụ kawe mapakasamedu tampạu pananěmbaěng-Ku. 8#Pang. 15:21 Mạengu i kamene kawe měngonggọu binatang buta sasěmba si Siạ arau masakị arau binatang peosẹ̌, ute kai wal᷊inewe kakanoạ nẹ̌sal᷊a ene tangú? Kěnang pěngonggọu binatang kerene su guběrnurẹ̌! Apa i sie mal᷊uasẹ̌ dingangu mẹ̌koạbe mapia si kamene ngae?”
9Kụ ini e manga imang, kěnangko pẹ̌kahiorọ su Mawu Ruata tadeạu i Sie kuměndagʼi kitẹ. I Sie sarung tawe sumimbahẹ̌ kakal᷊iomanengu, dingangu ene e sal᷊anu hala. 10Mawu Limembong Kawasa e něhengetang, ”Něngalembong kapiane tukadu Wal᷊e-Ku e hěpingang, u sia-sia wue i kamene e maparěllịu putung su wowong pananěmbaěng-Ku. Iạ e mạdiring kamene, kụ mạdiri rumaẹ sasěmbang kamene. 11Iạ e lẹ̌adatengu kal᷊awọu wansa su kasěllahu dunia. Baewe su tampạ sude buwụ e rẹ̌dikotang baugu ipěngadatẹ̌ areng-Ku ringangu gẹ̌gělikangu sasěmba mẹ̌tẹ̌tatal᷊ahino e watụ u patikụ bansa e mạngadatẹ̌ si Siạ! 12Arawe i kamene e mělẹ̌hinakang si Siạ, ual᷊ingu mạngiral᷊ingu pananěmbaěng-Ku e tawẹ arẹ̌gane, ringangu isẹ̌sěmba sene ute kai apạeweng biahẹ̌ kụ ipẹ̌tẹ̌tělling i kamene. 13Angkuěng i kamene, ’I kitẹ e seng nasaheng kěbị tamai ene’, dingangu i kamene e tawẹ pandungange si Siạ. I kamene nẹ̌bawa binatang tako, binatang kụ nipatene arau masakị baugu i sěmba si Siạ. I kamene mạngěnna u Iạ kai mapulu manarimạ u sasěmbang kamene ene? 14Kai wontogẹ̌ itahaakal᷊ẹ̌ kụ naněmbang binatang kụ tawẹ arẹ̌gane, kereu sutal᷊oarang binatange piạ binatang mapia kụ seng nikědone si Siạ! U kawe Iạ e Ratu Mawantugẹ̌, dingangu lẹ̌adatengu patikụ bansa.”
Currently Selected:
MALEAKHI 1: SXN
Highlight
Share
Copy
Want to have your highlights saved across all your devices? Sign up or sign in