Litanga 11
11
1Na lirova lyosi lya li nolulimi lulala, na livola lilala. 2Kunangwa lwa va samula kutsia ivugwe va nyola kivala kereremu mu kivala kya Shinaru; na va menya ho. 3Ma va volerana avene na avene, Gendi, ku lombe matafali, nokugasamba ligali. Navo va li na matafali ga li mbugono bwamagina, na va li nobudohi bwekivala bwa li choka yavo. 4Kandi va volerana avene na avene, Gendi, kweyombakire avene lidala, na munara, gwobutambi bwagwo bu duka ku ligulu, nokwelombera lieta; gase ku la salanywa ku lirova lyosi. 5Na Yahova yika a duke kulola lidala na munara, gwa avana va vandu vombaka. 6Na Yahova ya vola, Henza, va veye avandu valala, navo vosi va veye nolulimi lulala; navo va tangi kulomba inkuva yiyi: na kalunu si va la gaywa ku likola kindu ku vyosi vya va ganagana kukola. 7Gendi, kwike, ku vike ligoyana mu lulimi lwavo, va vule kuhuliridzana avene na avene. 8Kunangwa Yahova ya va salanya kutwula yaho va tsie ku lirova lyosi: na va leka kwombaka lidala. 9Kigira yaga lieta lyalyo lya langwa Babeli; kigira Yahova ya vika ligoyana mu lulimi lwelirova lyosi: kandi Yahova ya va salanya ku lirova lyosi.
10Yivi ni visukululwi vya Shem, Shem ya li nemihiga mia, na yivula Aripakishadi mihiga gyiviri inyima wa madzi manene: 11na Shem ya hindira inyima wokwivula Aripakishadi mihiga tsimia tsitano, na yivula avayai navakana.
12Na Aripakishadi ya hindira mihiga makumi gavaka na mihiga gyitano, na yivula Shela: 13na Aripakishadi ya hindira inyima wokwivula Shela tsimia tsine na mihiga gyivaka, na yivula avayai na vakana.
14Na Shela ya hindira mihiga makumi gavaka, na yivula Eberi: 15na Shela ya hindira inyima wokwivula Eberi mihiga tsimia tsine na mihiga gyivaka, na yivula avayai na vakana.
16Na Eberi ya hindira mihiga makumi gavaka na mihiga gyine, na yivula Pelegu: 17na Eberi ya hindira inyima wokwivula Pelega mihiga tsimia tsine na makumi gavaka, na yivula avayai na vakana. 18Na Pelegu ya hindira mihiga makumi gavaka, na yivula Reu: 19na Pelegu ya hindira inyima wokwivula Reu mihiga tsimia tsiviri na gyitano na gyine, na yivula avayai na vakana.
20Na Reu ya hindira mihiga makumi gavaka na gyiviri, na yivula Serugu: 21na Reu ya hindira inyima wokwivula Serugu mihiga tsimia tsiviri na gyitano na gyiviri, na yivula avayai na vakana.
22Na Serugu ya hindira mihiga makumi gavaka, na yivula Nahoro: 23na Serugu ya hindira inyima wokwivula Nahoro mihiga tsimia tsiviri, na yivula avayai na vakana.
24Na Nahoro ya hindira mihiga amakumi gaviri na gyitano na gyine, na yivula Tera: 25na Nahoro ya hindira mihiga mia ne likumi na gyitano na gyine, na yivula avayai na vakana.
26Na Tera ya hindira mihiga makumi gatano na gaviri, na yivula Abram, Nahoro, na Harani.
27Yivi ni visukululwi vya Tera. Tera yivula Abram, Nahoro, na Harani; na Harani yivula Loti. 28Na Harani ya kudza imbiri wa dada wewe Tera mu kivala kya yivulwa mu, mu Uru kya Vakalidei. 29Kunangwa Abram na Nahoro va vugula avakali vavo: lieta lya mukali wa Abram lya li Sarai; na lieta lya mukali wa Nahoro lya li Milika, mkana wa Harani, wa li dada wa Milika na wa Isika. 30Na Sarai ya li mugumba; si ya li nomwana. 31Na Tera ya vugula Abram mwana wewe, na Loti mwana wa Harani, mwana wa mwana wewe, na Sarai navizala wewe, mukali wa Abram mwana wewe; na va tsia vosi halala kutwula mu kivala kya Uru kya Vakalidei, kutsia mu kivala kya Kanani; na va duka Harani, ni va menya yo. 32Na madiku ga Tera ga li mihiga tsimia tsiviri na gyitano: na Tera ya kudzera mu Harani.
Currently Selected:
Litanga 11: MBE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 1967