Litanga 10
10
1Yivi ni visukululwi vya avana va Nuhu, vya Shem, Ham, na Jafethu: na avana avayai vivulwa kuvo inyima wa madzi manene. 2Avayai va Jafethu ni yava: Gomeri, na Magoga, na Madai, na Javan, na Tubali, na Mesheki, na Tirasi. 3Na avana va Gomeri ni yava: Ashikenazu, na Rifathu, na Togarima. 4Na avana va Javan, Elisha, na Tarshishi, na Kitim, na Dodanim. 5Visulu vyetsihiri vya gavanywa ku yavo mu vivala vyavo, sa mulala kuli ululimi lwilwe, na kuli bwiko, na ku tsihiri tsyavo.
6Na vayai va Ham ni yava, Kush, na Miziraim, na Putu, na Kanani. 7Na avana va Kush: Seba, na Havila, na Sabita, na Raama, na Sabiteka; na avana va Raama: Sheba, na Dedan. 8Na Kush yivula Nimrodi: ya tanga kuva wetsingulu mu lirova. 9Ya li wetsingulu kuhima imbiri wa Yahova: kigira yaga ga volwa, Kuli Nimrodi muhimi wetsingulu imbiri wa Yahova. 10Na litanga lyobwami bwibwe lya li Babeli, na Ereku, na Akada, na Kaline, mu kivala kya Shinaru. 11Ya twula ku kivala yikyo ya tsia Asuria, na yombaka Nineve, na Rehobothiru, na Kalah, 12na Resen hagati ha Nineve na Kalah (nalyo li veye lidala linene). 13Na Miziraim yivula Ludim, na Anamim, na Lehabim, na Nafituhim, 14na Pathirusim, na Kasiluhim (Avafilisti va twula kuvo), na Kafitorim.
15Na Kanani yivula Sidone mwana wewe wokutanga, na Hethu, 16na Mujebusi, na Muamori, na Mugirigashi, 17na Muhivi, na Muariki, na Musini, 18na Muarviditi, na Muzemari, na Muhamathu: na inyima aviko va Kanani va salanywa. 19Na lwako lwa Mukanani lwa twula Sidone, kutsia luvega lwa Gerari, kuduka Gaza; kandi kutsiia ku luvega lwa Sodoma na Gomora na Adima, na Zeboim, kuduka Lasha. 20Yava na avana va Ham ku bwiko bwavo, noku tsinimi tsyavo, mu vivala vyavo, nomu tsihiri tsyavo.
21Noku Shem, ise wa vana vosi va Eberi, amwavo munene wa Jafethu, ku uyu kandi avana vivulwa. 22Avayai va Shem: Elam, na Ashuru, na Aripakishadi, na Ludi, ns Aram. 23Na avana va Aram: Uzu na Hulu, na Getheru, na Masha. 24Na Aripakishadi yivula Shela, na Shela yivula Eberi. 25Na Eberi yivula avana avayai vaviri: lieta lya mulala ya langwa Pelegu; kigira mmadiku gege lirova lya gavanywa; na lieta lyamwavo wewe lya li Jokitan. 26Na Jokitan yivula Alimodadi na Shelefu, na Hazarimavethu, na Jera, 27na Hadoram na Uzali, na Dikila, 28na Obali, na Abimaeli, na Sheba, 29na Ofiru, na Havila, na Jobabu: yava vosi va li avana va Jokitan. 30Na limenya lyavo lya li Mesha, ha u tsia ku luvega lwa Sefari, kigulu kya ivugwe. 31Yava na avana va Shem, ku bwiko bwavo, noku tsinimi tsyavo, mu vivala vyavyo, nomu tsihiri tsyavo.
32Yava nobwiko bwa avana va Nuhu, ku visukululwi vyavyo, mu tsihiri tsyavo: noku yitsi tsihiri tsyavukanywa mu lirova inyima wa madzi manene.
Currently Selected:
Litanga 10: MBE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 1967