Kutwula 21
21
1Kunangwa likalaga lya u la vika imbiri wavo, ni yili. 2Nu u va nu u gula mutugwa u veye Muhebraina, a la ku tumekira mihiga gyitano na mulala: na mu muhiga gwegyitano na gyiviri a la twula ku ive muboholole bugira kutunga mitungu. 3Na a va ni ya duka ku ive mwene vutswa, a la twula mwene vutswa: na a va ni ya serererwa, mukali a la tsia halala naye. 4Munene wewe na a va na a mu ha mukali, naye a mwivulira avana avayai, kinga avakana mukali na avana veve va la va miyandu gyomunene wewe, na mundu uyu a la tsia yeng'ine. 5Navutswa mutugwa uyu na a va na a vola havulavu, Inze nyanza munene wange, na mukali wange, na avana vange: si nyenya kutwula mbe mboholole: 6hene yaho munene wewe a la mu le'a imbiri wa Nyasaye, na a la mu leta ha muliango, kinga himbi na liliva lyomuliango; na munene wewe a la hudula gutu gwigwe nolugera; naye a la mu tumekira madiku gosi.
7Mundu na a gulidza mwana wewe mukana kuva mutugwa, si a la twula kuli vatugwa vekisatsa. 8Na a va na a vula kuyanzidza munene wewe wa mu kwa, hene y aho a la bugirira a bohololwe: si a veye nomunwa kumugulidza ku avandu vekivala kindi, kigira u mu koleye ubugadi. 9Na a va na a mu serera ku mwana wewe, a la mu kolera kuli miima gya a kolera avana avakana veve. 10Na a va na a vugula mukali wundi; si a la mu gehidzira vyokulia v ivye, na tsingubo tsitsye, na lukali lwilwe. 11Naye na a va na a vula kumukolera vindu yivi vibaka, hene yaho a la twula kutsia bugira kutunga kindu.
12Uyu u duya mundu kuduka a kudze, ligali a liitwa. 13Na mundu na a va na a ta goneka, navutswa Nyasaye a mu vika mu mukono gwigwe; hene yaho nda ku mannya ha a nyala kwirukira. 14Na mundu na a va na a tsia ku wakye nelisaavira kumwiita nobugeeri bwobugadi; u la mu twulidza ha ubwali bwange, a kudze.
15Uyu u duyanga dada wewe, kinga mama wewe, ligali a liitwa.
16Uyu wibanga mundu, nokumu gulidza, kinga na a nyoleka mu mukono gwigwe, ligali a liitwa.
17Uyu u laamanga dada wewe kinga mama wewe, ligali a liitwa.
18Kandi avandu ni va lwana, na mulala na a duya wundi na ligina, kinga nekusi, naye na a vula kukudza, navutswa na a gona ku kitali kikye; 19na a vuka kandi nokugenda kudira ku impimbo yeye, hene yaho uyu wa mu duya a la lekwa: navutswa a la tunga kigira tsinyinga tsitsye tsya gota, na a la mu lwalidza kuduka a hone ligali.
20Mundu na a kuya mutugwa wewe, kinga mutugwa mukana wewe, nempimbo, na a kudzira mu mukono gwigwe: ligali a la vanzwa. 21Navutswa, na a gona lidiku lilala kinga gaviri, a la vula kuvanzwa: kigira a veye miyandu gyigye.
22Avandu vaviri ni va kupana, ni va saliridza mukali u veye inda, kuduka kwononya livereka lilye, navutswa ubudamano ni bu vula kumedeka; ligali a la tungidzwa kuli musatsa womukali a la vika kuye; naye a la tunga kuli avakalagi va vola kuye. 23Navutswa ubudamano ni bu va ho kukira, hene yaho a la haana livanmwoyo kutungira livamwoyo, 24imoni u vanze imoni, lino u vanze lino, mukono u vanze mukono, kirenge u vanze kirenge, 25lisamba u vanze lisamba, lugoma u vanze lugoma, ubukinduki u vanze ubukinduki.
26Mundu na a kuya imoni yomutugwa wewe, kinga imoni yomukana mutugwa wewe, nokugigotidza; a la mu boholola kigira imoni yeye. 27Na a va na a kuya mutugwa wewe, lino ni li kulika, kinga lino lyomutugwa mukana wewe; a la mu boholola kigira lino lilye.
28Ing'ombe ni i va ni i tumita mundu musatsa kinga mukali kuduka a kudze, ligali ing'ombe i liitwa na magina, na inyama yayo i ta libwa mba; navutswa mwene ing'ombe a la lekwa. 29Navutswaing'ombe zana ni gu va mwima gwayo kutumita avandu kutwula kale, na mwene wa mannywa inkuva yiyi, naye u vuli kugigalira, navutswa ni yiita musatsa kinga mukali; ing'ombe zana i liitwa namagina, kandi mwene yo a liitua. 30Na a va na a tungidzwa kigira livamwoyo lilye, a la tunga vyosi vya a vanzwa. 31Ni i va ni i tumita muyai, kinga ni i tumita mukana, likalaga li la kolwa kuli yilyo. 32Ing'ombe ni i tumita mutugwa muyai, kinga mutugwa mukana, a la ha munene wewe tsishekeli tsyefetha amakumi gavaka, na ing'ombe i liitwa namagina.
33Kandi mundu na a kunula ubogo, kinga na a yava ubogo, naye na a vula kubukunika, ma ing'ombe kinga isukiri, ni vi gwa mubwo, 34mwene wobogo a la tunga; a la ha mwene mutugu if etha, na mutugu gu kudzi gu la va gwigwe.
35Ing'ombe yomundu mulala ni i saliridza ing'ombe yowundi, ni i kudza, va la gulidza ing'ombe i tigaye mwoyo, nokugavula tsishilingi tsyayo; na ing'ombe i kudzi va la gavula kandi. 36Naho ni i manyakana ing'ombe kutwula kale gu veve mwima gwayo kutumita, na mwene a vulanga kugigalira; ligali a la leta ing'ombe kutungira ing'ombe, na i kudzi i la va yeye.
Currently Selected:
Kutwula 21: MBE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 1967