ZAKARIA 11
11
Hadadabu ni angka parkuaso na kejam
1O ale Libanon ungkap ma angka pintumi!
Anso dipangan api angka bona ni arami
2Tangis ma ho ale hayu ara, madung rumpak hayu Ares,#11:2 HAYU ARES: Gambaran ni angka bangso na gogo, sanga angka raja ni halahi do na nidok ni hayu na diayat on.
madung disegohon angka hayu na togos.
Tangis ma hamu angka hayu tarbantin,
madung sego harangan golap.
3Mangandungi ma angka pamimpin di hasusaanna;
ma pola mago hajagaronna.
Bege bo parngaur ni singa di harangan,
angke inganan ni halahi sapanjang Batang aek Jordan,
ma pola abis marsursaran.
Parmahan na dua
4Didok Tuhan Debata ma tu au, “Parmahani#11:4 PARMAHANI: Manggambarkon angka raja do i sanga pamimpin, jana biri-biri i ma manggambarkon rayat sanga siihutkon ia. ma biri-biri na giot sisambolon i.” 5Dimatehon angka nampunasa ma angka biri-biri i marroha-roha, jana nada hona uhum halahi. Digadisi halahi ma juhut ni biri-birina i jana didok halahi ma, ‘Nipuji ma da Tuhan! Saonnari madung mamora hita!’ Salangkan angka parmahan i sandiri nada maribo ni roha mida angka biri-biri na niparmahanna i.
6“Nada ra be Au maribo ni roha mida sanga ise pe di luat on. Au sandiri pasahatkon sude halak na di luat on tu angka na markuaso. Luntahon ni halahi ma luat on, jana nada rampasonKu i sian kuaso ni halahi.”
7Diupai angka toke biri-biri do au laho marmahan angka biri-biri na giot sambolon. Adong do dua tungkotku; sada hugoari “Habasaon” jana na sada nari hugoari “Ihot-ihot”. Dung i hupungka ma manjago dohot pauli-ulihon biri-biri i. 8Jadi huabiskon ma parmahan na tolu i di bagasan sabulan, harana goyak do rohangku tu angka biri-biri i jana halahi pe goyak do rohana tu au. 9Dung i hudok ma tu punguan ni biri-biri i, “Nada ra be au marmahani hamu. Na giot mate, padiar ma marmatean, jana na giot marmara, padiar ma marmara tusi. Jadi na deba nari i padiar ma marsimatean.” 10Jadi hubuat ma tungkot na hugoari i. “Ihot-ihot” jana huponggolkon ma i laho mambotalkon parjanjian na nibaen ni Tuhan dohot sandok bangso. 11Laing di na sadari i, dibotalkon ma antong parjanjian i. Dipamanat-manat angka parjagal i ma au, jana mamoto ma halahi na manghobari do hape Tuhan markite-hite sandok pangalahongki. 12Hudok ma tu halahi, “Muda satuju do hamu lehen hamu ma upangku; muda nada satuju hamu, padiar ma songon i.” Jadi dilehen halahi ma tu au tolupulu hepeng perak songon upangku.
13Tapi didok Tuhan ma tu au, “Lehen ma i tu angka panopa!” Na denggan argana dipikiri hamu di Au. Dung i hubuat ma sitolu pulu hepeng perak i jana hulehen tu angka panopa na di bagas ni Tuhan. 14Dung i huponggolkon ma tungkotku na paduahon, i ma na hugoari “Ihot-ihot”, jadi gabe matapor ma hasadaon ni Juda dohot Israel.
15Dung i didok Tuhan ma tu au, “Paula-ula ma ho mangulahi songon parmahan, tapi anggo sanoli on songon parmahan na jungkat do. 16Angke giot tugaskononKu ma sada parmahan laho manjago punguan ni biri-biringKu, tapi nada urupannia biri-biri na di bagasan parmaraan godang; nada jalahannia biri-biri na lilu nada ubatannia muse biri-biri na mabugang, jana nada lehenonnia muse mangan biri-biri na malua sian parmaraan. Mur ia sandiri do mamangani juhut ni biri-biri na ummokmokna i jana diumpati ia sisilon ni pahan-pahanan i. 17Hona bura ma parmahan na so hasaya i. Ditadingkon ia do punguan ni biri-birinia. Paujungon ni porang ma kuasonia. Gabe gale ma tanganna i jana mapitung ma matana siamun i.”
Currently Selected:
ZAKARIA 11: LAIAKB
Highlight
Share
Copy
Want to have your highlights saved across all your devices? Sign up or sign in
Indonesian Bible Society