Mat 4
4
Yesu naayohebwa Sitaani
(Mar 1:12-13; Luk 4:1-13)
1 #
Baheb 2:18; 4:15. Nubwo Yesu yatwarwa Mwoyo omu irungu okwohebwa Sitaani. 2Obu yamazire ebiro makumi ana nyamusana n'ekiro atarukulya kantu, enjara yamuruma. 3Aho omwohi yamwizira yamwohya ati: “Obu oraaba oli Mwana wa Ruhanga, ragira amabaale ganu gafooke byokulya.” 4#Bir 8:3.Yesu yamugarukamu ati: “Kikahandiikwa kiti:
‘Omuntu taba mwomeezi habw'ebyokulya byonka,
baitu aba mwomeezi habw'ekigambo kyona
ekiruga omu kanwa ka Ruhanga.’ ”
5Aho Sitaani yamutwara omu rubuga orurukwera, yamuta ha kasu k'Enju ya Ruhanga, 6#Zab 91:11,12.yamugambira ati: “Obu oraaba oli Mwana wa Ruhanga, wesimbe hansi; habwokuba kikahandiikwa kiti:
‘Alikukwasa bamalaika be’,
kandi kiti:
‘Bakukwatirre omu mikono yabo,
oleke kuteera ekigere kyawe ha ibaale’.”
7 #
Bir 6:16. Yesu yamugarukamu ati: “Kandi kikahandiikwa kiti: ‘Otalyohya MUKAMA Ruhanga waawe’.” 8Sitaani yayongera yamutwara ha rusozi oruraihire muno, yamwoleka obukama bwona obw'omu nsi n'ekitiinisa kyabwo. 9Yamugambira ati: “Binu byona ndaabikuha kakuba oteeza amaju okandamya.” 10#Bir 6:13.Yesu yamugarukamu ati: “Rugaho Sitaani! Habwokuba kikahandiikwa kiti: ‘Oramyege MUKAMA Ruhanga waawe, kandi nuwe oheerezeege wenka’.” 11Nubwo Sitaani yamurugaho, bamalaika baija baamuheereza.
Yesu naatandika omulimo gwe omu Galiraaya
(Mar 1:14-15; Luk 4:14-15)
12 #
Mat 14:3; Mar 6:17; Luk 3:19,20. Yesu obu yahuliire Yohaana nkooku akwasirwe, yarugayo yagaruka Galiraaya. 13#Yoh 2:12.Obu yarugire Nazareeti, akagenda yaikara Kafaranaumu, orubuga oruli ha musa gw'enyanja, omu nsi ya Zebbuluuni na Nafutaali. 14Nukwo ekyagambirwe omurangi Isaaya kihikirre kiti:
15 #
Is 9:1,2. “Ensi ya Zebbuluuni n'eya Nafutaali,
ha bukiizi bw'enyanja, nseeri ya Yorudaani,
omu Galiraaya y'Abanyamahanga,
16abantu abakaba bali omu mwirima, bakajwerwa
omusana mwingi,
nabo abaikaraga omunsi y'ekiituuru ky'okufa
emamba ekabasarra.”
17 #
Mat 3:2. Kuruga omu kasumi ako, Yesu yatandika kwegesa naagamba ati: “Mwegarukemu, habwokuba obukama bw'omu iguru bwiriire haihi.”
Yesu naayeta abeegesebwa ab'okubanza bbana
(Mar 1:16-20; Luk 5:1-11)
18Yesu obu akaba naaraba ha musa gw'enyanja ya Galiraaya, yarora nyineemu babiri, Simooni arukwetwa Petero n'owanyina Andereya, nibanaga akatimba omu nyanja; habwokuba bakaba bali basohi. 19Yabagambira ati: “Mumpondere, ndibafoora basohi b'abantu.” 20Ahonaaho baasiga obutimba bwabo baamuhondera. 21Obu yagenzireho omumaiso kake, yarora banyineemu abandi babiri, Yakobbo na Yohaana, batabani ba Zebedaayo, bali omu bwato hamu na isebo Zebedaayo nibasumiikaniza obutimba bwabo. Nabo Yesu yabeeta. 22Ahonaaho baasiga obwato bwabo na isebo, baamuhondera.
Yesu naayegesa kandi naakiza abarwaire
(Luk 6:17-19)
23 #
Mat 9:35; Mar 1:39. Yesu akagendagenda omu Galiraaya yoona, naayegesa omu masorrokaniro gaabo, naarangirra Amakuru Amarungi ag'obukama bwa Ruhanga, kandi naakiza buli ndwara n'obusaasi bwona obw'abantu. 24Yaranganwa omu Siriya yoona, baamuleetera abarwaire boona abakaba bakwasirwe endwara n'obusaasi obutali bumu, abakwasirwe emyoyo emibi, abagu b'ensimbo, n'abazingamire; yabakiza. 25Ebitebe by'abantu baingi bakamuhondera nibaruga Galiraaya, n'omu Mbuga Ikumi ezeeteraine, Yerusaalemu, Buyudaaya, na nseeri ya Yorudaani.
Currently Selected:
Mat 4: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.