Sakalia 12
12
E osoi loa Selusalemi,
kae saofaki loa a Suta
1Folafola kikite, folafola mamafa a le Eteleno ki Iselaele.
Koia e folafola ai le Eteleno, leia na folasi ia le atu lagi ti na fakatafito ia le kele,
Leia na fau ia le laumalie o le tagata iate ia.
2Ko leinei, e kau fakaliliu loa Selusalemi ko se ipu fakatupu ulu vale
Ki kakai fuli i ona tafatafa,
Ti felaaki foki kia Suta i le aso leia e takatakai ai loa Selusalemi.
3I le aso lena, e kau fakaliliu loa Selusalemi ko se fatu mamafa ki kakai fuli ;
Ko latou fuli ala e siki ia loa a ia e lavelavea loa ;
Ti e fakatasi loa a atu puleaga fuli o le malama nei kiate ia.
4I le aso lena, e pati le Eteleno,
E kau taai loa a osi fuli ki le ulu vale,
Ti mo latou ala e eke i osi ki le valea. Kae e kau fakamavaa loa oku mata ki le fale o Suta,
I le aso leia e kau tautea ai loa ki le kivi a osi fuli o kakai.
5E pati loa a pule o Suta i olatou loto : E maua loa le makeke o le kakai o Selusalemi
I le Eteleno o kau tau, lolatou Atua.
6I le aso lena, e kau fakaliliu loa a pule o Suta
Ke faipe se mata afi kaka i loto o se tuuga fafie,
Pe se taume ulaula i se tuuga penu ;
E lotou kai loa i le fetuu atamai mo le fetuu sema a kakai fuli ala e takatakai ia latou,
Ti e nofo loa Selusalemi i lona nofoaga, i Selusalemi.
7E uluaki saofaki loa e le Eteleno a falela o Suta,
O tupu ke aua na malaga ki aluga o Suta
Le kololia o le fale o Tavite,
Le kololia o le kakai o Selusalemi.
8I le aso lena, e puipui loa e le Eteleno le kakai o Selusalemi,
Ti ko leia e gaegae ia latou e fai loa pe Tavite i le aso lena ;
E fai loa le fale o Tavite pe le Atua,
Pe le aselo o le Eteleno i olatou mua.
9I le aso lena,
E kau maumaui loa a atu puleaga fuli
Ala e au loa o tau ki Selusalemi.
Fakasemala a Iselaele
10Ti e kau liligi loa ki le fale o Tavite ti mo le kakai o Selusalemi
Se laumalie o le alofa ti mo le tagi,
Ti e lotou tagaki loa olatou mata kiate au, leia na lotou sokai ki le tao.
E lotou tagi mamae loa kiate ia ofaipe le tagi ki se vosa fuatasi,
E lotou tagi mamae loa kiate ia ofaipe le tagi ki se vosa uluaki.
11I le aso lena, e lasi loa le tagi laulau i Selusalemi,
Ofaipe le tagi laulau kia Atatilimoni i le vaivailiua o Mekito.
12E tagi loa i le fenua katoa, i famili taki tasi :
Le famili o le fale o Tavite, kese tagata ti kese fafine ;
Le famili o le fale o Natane, kese tagata, ti kese fafine ;
13Le famili o le fale o Levi, kese tagata, ti kese fafine.
Le famili o Simei, kese tagata, ti kese fafine ;
14Mo famili fuli ake ala, le famili taki tasi,
Kese tagata, ti kese fafine.
Currently Selected:
Sakalia 12: FB2000
Highlight
Share
Copy
Want to have your highlights saved across all your devices? Sign up or sign in
© Société Biblique de Genève, 2000-2020