Mateo BƆ OLI MOA
BƆ OLI MOA
Mateo nzɛmba ne ka kyɛ Yesu ole Ngoadefoɛ ne bɔ Nyameɛ bɔle ye nwo anohoba ne. Ɔnate Yesu so yeɛ Nyameɛ mane ye anohoba bɔ ɔbɔle Yisraelfoɛ wɔ Apam Daa ne anu wale nu ɔ. Sɔ nzɛmba ye ɔtte Yudafoɛ ngome bɛ deɛ, na mmom ɔte ewiase amukoraa deɛ.
Mateo ahyehyɛ ye nzɛmba ne pɛpɛɛpɛ. Yesu aworɛ yeɛ oli moa ɔ. Na afei ɔka ye asubɔlɛ ne ye nzɔhwɛ nwo dwirɛ. Na ɔtoa so ka Yesu nzɛmbahanɛ, ye ngyerɛkyerɛ ne anwonyerɛ ahoroɔ bɔ ɔsale ye wɔ Galilea nwo dwirɛ. Afei ɔka Yesu ateetulɛ fi Galilea kɔ Yerusalem, ɔne bɔ osili Yesu dapɛn bɔ ɔpɛ ye bo aseɛ he aso ɔ, ye wue ne ye tingyelɛ nwo dwirɛ.
Mateo nzɛmba ne kyire kyɛ Yesu te kyerɛkyerɛniɛ titire bɔ ole tumi kyirekyire Nyameɛ mmeraa ne anu, na okyirekyire Nyameɛ ahennie nwo dwirɛ. Bahyehyɛ ye ngyerɛkyerɛ ne anu nnu:
1. Bokaa ne aso ngyerɛkyerɛ ne bɔ ɔfa nyameɛso Ahennie ne anu mma nwo, bɛ nnwumaa, bɛ mvasoɛ, ɔne b’ayieleɛ (Ti 5-7).
2. Foɛtulɛ bɔ ɔfa asuafoɛ buru ne nyɔ ne dwumadie nwo (Ti 10)
3. Anyandera bɔ ɔfa Nyameɛ ahennie ne nwo (Ti 13)
4. Ngyerɛkyerɛ bɔ ɔfa suaniɛyɛlɛ nwo (Ti 18)
5. Ewiase ayieleɛ ne nyameɛso Ahennie bɔ ɔba ne nwo ngyerɛkyerɛ (Ti 24-25)
Nu Dwirɛ
Aworɛ ndoatoasoɛ ne Yesu aworɛ 1.1—2.23
Asubɔlɛniɛ Yohane adwumayɔlɛ 3.1-12
Yesu asubɔlɛ ne ye nzɔhwɛ 3.13—4.11
Yesu dwaaso ngyerɛkyerɛ wɔ Galilea 4.12—18.35
Yesu fi Galilea hɔle Yerusalem 19.1—20.34
Yesu di ye dapɛn bɔ ɔpɛ ye bo wɔ Yerusalem ne ye mbɔtam 21.1—27.66
Yesu wue, ye tingyelɛ ne ye nwo aliyelɛ 28.1-20
Currently Selected:
Mateo BƆ OLI MOA: EBP
Highlight
Share
Copy
Want to have your highlights saved across all your devices? Sign up or sign in
Esahie Bible © Bible Society of Ghana, 2018.