Malaki 3
3
1Enda, dimi lambutuma dikendji diami. Ndi ayolongosola mbuka la ntundu kami.#3:1 Mat. 11:10; Mak. 1:2; Luk. 1:76; 7:27. Khumadiondjo latunyuyangaka, ayuya shashimuya lu etemwelo kandi. Nyendi, dikendji dia sheki yatunyulangaka ambuya, mbata Latuyalaka Kanga lulimbilimbi. 2Keli untu akona ayeya mbidjase lu lushi lʼeyelu kandi? Ndu akona ayemala lamʼayundene?#3:2 Eny. 6:17.
Ne dia ndi eko uku dja yʼombedishi a mbulu, ndu uku umandja wʼusudi wʼahondo, 3ndi ayudjase uku ondelodi, la ombedishi wa fesa. Ndi ayedia ana apami wa Lewi, ayalelola uku paunyi la fesa. Okone vo wayulambula Latuyalaka elambu wʼololo. 4Ku ulambu wa Juda la Jerusalema wayongenyangenya Latuyalaka uku lu nshi ya ntundu, lu deku diʼedjedja.
5Dimi layusukana lasuki la nyu lu elumbwelu. Dimi layusamanya dia ndjala omenyi lu dikambu dia akanga wʼaloka, dia akanga wa munanyi, dia atshibi wa lu kashi, dia wane watukimelaka afutu wʼasi ulimu, watusuyaka wadi waki edu la ana wa ditshiki, dia wane watukadimulaka sambu kʼololo uma le ongendangenda, ndu wahatumbukaka woma, mbata Latuyalaka Kanga lulimbilimbi.
Ekimwelu ka Etenyi ka Dikumi
6Ne dia dimi, Latuyalaka, hatukadimoka, diako mbahanyalanyema, nyu ana wa Jakoba! 7Uma lu nshi ya washenyu, nyu nyaketola uma lu adjangu ami, aha mbalama. Nyukaluli uya le mi, ku dimi layukalula uya le nyu, mbata Latuyalaka Kanga lulimbilimbi. Keli nyu mumbulaka nyati: Ukundi ayutukalula? 8Undi, untu mbeyaka mvua Unyashungu? Keli nyu nyatumvuaka. Ku nyu mumbulaka nyati: Lu na akatakuvi? Lu tenyi dia dikumi la elambu. 9Nyu nyakasuyama la mananu, ne dia nyu nyatumvuaka, nyu wudja one tshe. 10Nyela tenyi dia dikumi tshe lu luudu lʼeumbelu,#3:10 Lew. 27:30; Wal. 18:21-24; Euh. 12:6; 14:22-29; Neh. 13:12. dia mbu ya nde ndjala lu luudu lami. Nyumpimbi kakiane, mbata Latuyalaka Kanga lulimbilimbi, naka dimi halunyudihwela adidishi wa lʼulungu dia nyutshulwela otshoko, wuhu wahaweyi nkuka lu luudu. 11Dimi layuhangwela undeshi lu dikambu dianyu, ku ndi hulanya elua wa kete yanyu. Kuyanga elua wa vinyo yanyu hawolololo uma lu dikambo dianyu, mbata Latuyalaka Kanga lulimbilimbi. 12Wedja tshe wayunyeta vati: Amenyi olo, ne dia nyu nyayuyala kete yʼongeno-ngeno, mbata Latuyalaka Kanga lulimbilimbi.
Etshikitanelu kʼUntu Ololo la Untu a Kolo
13Aui anyu wakayala wulu le mi, mbata Latuyalaka. Keli nyu mumbulaka nyati: Kakona kakatakoteketela? 14Nyu nyakati nyati: Eko anyanya dia ntemola Unyashungu. Waho akona weko, wakatahumbi nama okende andi, ndu wakatahumbi nkendakenda la ntundu ka Latuyalaka Kanga lulimbilimbi? 15Kakiane, shu tambeta akanga wʼutaku shati: Amenyi olo; wane watutshaka kolo wambediama; wane watuhimbaka Unyashungu wambuhanda.
16Ku wane wakuki Latuyalaka woma, wakatanela; Latuyalaka akahukama, akuki. Ku buku diʼeuhwelu diakafundama la ntundu kandi lu dikambu dia wane wakuki Latuyalaka woma, ndu waketawo lukumbu landi. 17Vo wayuyala wami, mbata Latuyalaka Kanga lulimbilimbi, wami hita lu lushi lamumolongosola. Dimi layuwaumba uku atumbaka untu onʼandi lukambela ulimu. 18Ku nyu nyayukalula ntu, nyayuyutshikitanya untu ololo la untu a kolo, one latotemolaka Unyashungu la one lahatotemolaka.
Currently Selected:
Malaki 3: TLL
Highlight
Share
Copy
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991