Luk 16
16
1Miyi yemenūwi punora ōvun nūrie isen, memokū, Sī neteme nōete, ĭm nivūo isen worefinte; mūmūnūwi pugi, mūmōkū iyi yemnaseviugi ōvun se isen. 2Miyi yemovrugi memtagkeli, memokū, Sie imo ya orĭgi ugi kĭk? ovo yaū netiyi ugi ōvun se mori; popowo kotūantendōwi nivūo.
3Miyi nivūo yemesepen tarū, Ya amsugi? Narisah sorūg umagkū osatevoko yaū. Yaū tawi faneteme worokoli nemap, ĭm ya umnarumprum woresenĭgi wokon. 4Ya umagkili sie ya onumpi, ma irora wontōri yaū ūnisog ōvun nimo isenda, pol sugkū osatevokoyaū. 5Miyi yemovrokonda sū dūtūtampenĭgi iran narisah isen, memtagkeli iyi mampūm memokū, kĭk otūtampenĭgi iran narisah sorūg, deve? 6Miyi yemenūwi, memokū, Kas vilik ugi oiel wun hunder. Miyi yōmenūwi pugi, memokū, Vī imo netiyi sorum, metesep moretevetūi, metĭyi, mokū fĭfti. 7Penūri yemtagkeli sī mōmū, memokū, Kotūtampenĭgi, deve? Miyi yemenūwi memokū, Kas horogo ugi whit, wun hunder, Miyi yōmenūwi pugi memokū, Vī imo netiyi sorum metĭyi, mokū eti.
8Narisah mori yemevietivesep nivūo sempiri, memokū iyi yemumpi nōĭntanwi; ĭt irora mori ūmnesorugi siemesū nĭmsĭn imo nomūrep, nōĭntan mōmū ra palsi isenda ra ōvun netnime nilara. 9Im ya umanūwi pugkūm, memagkū, Wumpi rapmime nisekomi ugi netevote sempiri, ma irora, pol sugkū amwisū, wontōrokūm dal ūnisog silebōkeves mori wantendōwi uvūm nevisū.
10Sī neteme tanepo ugi vilik, tanepo sugkū ugi tamas; miyi sī sempiri ugi vilik, sempiri sugkū ugi tamas. 11Im kĭmi, nagkū kūtūtanepo ugi netevote sempiri, mē ampugkūm mori itnesog? 12Im nagkū kūtūtanepo ugi isen neteme sī, mē ampugkūm soremi?
13Tawi sī lĭvsaū faneteme worotorugat iranda dūrū ōvun narisah, popowo iyi onakan pugi sī, menelintugi sī; kū iyi osari iran sī, magesi sat sī, Kimi tawi faneteme worotorugat iran Nobu im noete.
14Movun Faresi mori dūmūrakīugi muni, dūmūrīgi imosū omwisū, mūmagipī iran. 15Miyi yemenūwi punora, memokū, Kĭmi kūmasepen numpi kimi tanepo ūnimĭnda oveteme, kō, Nōbū umagkilisū ūnōwami; ĭt imosū oveteme ūmagkū aremi wokon, nelĭlūo sat ūnĭpmi isen Nōbū. 16Ovun nempasiwugisū ra ovun Netiyi isen Moses mōvun Profet, dūmūtavsokonda palsisū mefeli Yōane; mō marugi imo nempugon ūmuntorenūwi lō isen Nōbū mūmagkū Nam navosavos: mōveteme ūmnesemperitan mūmagkū wampe ūnisog.
17Im mōmū ĭtemelepon pokōp ĭm nemap worevia ra sī nĭpmi leter marugi ōvun selnivi.
18Sī kū sī umesatevugi retepon isen mumnetovrugi sī mōmū, umuntampalaū; miyi sī umnetovrugi iyi mori osatevugi marugi asūon, umuntampalaū.
19Sī neteme nōete mori yemesepenevīugi ōvun nemas nemvi, ĭm lĭnen aremī memsumpeli nevag aremī dansū. 20Im sī neteme narumkor, nin isen Lasarus dūmūriuki mūtipe ra nugūn nimo isen, ĭm sikat noveli iran; 21miyi yemakīugi woreni nevlugkon nevag mori yumol marugi nevlok isen neteme nōete. Mōvun kūri dūmūvelum mūmasepi ōvun noveli iran.
22Neteme narumkor yimas, mōvun agelō dūmūriukevēevē iyi, mūmūtipe ra nemĭndugon isen Ebraham. Miyi neteme nōete, yimas mūmūtenemi; 23ĭm ra Hēdes, ūnisog skomulep, iyi yemelasah, memokesi Ebraham ĭsūt ĭm Lasarus ra nemindugon isen. 24Miyi yemovrugisah memenūwi, memokū, Nate, Ebraham, togesoveli irag, im tamūli Lasarus ma iyi ontīokugi navlūtni dugurugon isen ra nū moyū nelūameg, popōwo ya umesokomulep ra imo selūamen nom. 25Kō Ebraham yemenūwi, memokū Netūg, entemi, kempīsū siemesū aremi sorum ra nomūrep sorum, im Lasarus sugkū, siemesū ūr; ĭm marima iyi umurapīsū aremī, ĭm kĭk emesokomulep. 26Im imo mōmū, sī nuforiwo tamas, mūnam indōwi, ilebōteven kĭmi ĭm kam, ma sugkū irora mori ūmagkū worevelah marugi nūrū igko pugkūm, tawi faneteme, mirora yūi ūtūmampelum igko pugkam.
27Miyi yōmenūwi, memokū, Nate, ya umnesenug kĭk, nagkū sugkū, tamūli iyi ra nimo isen itemen sorūg, popōwo ravūgsīeme sĭklīm; 28worenūavsokondasū, ma sugkū irora ūtūwampelum ūnisog imo nūrū sokomulep. 29Ebraham yōmenūwi pugi, memokū, Isenda ōvun netiyi isen Mōses, movun profet; aremi irora ūmampandugora.
30Kō, iyi yōmenūwi, memokū, Ei, nate Ebraham, nagkū sī ampe punora marugi nemas irora wampīeves nowanda. 31Miyi yōmenūwi pugi, memokū, Nagkū irora ūtūmampandugora, Moses movun profet, irora ūtūontavnirĭgi nagkū sī amsorasah marugi nemás.
Currently Selected:
Luk 16: ERGNT79
Highlight
Share
Copy
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.