ZEKALIYA 7
7
Kulitwamina kulya cakulyonga navacihanjikila
1Jino casolokele hamwaka wamwangana Ndaliu wamuciwana, lizu lyaYehova lyejile kuli Zekaliya halikumbi lyakakweji wamucitanu navawana lyamuciwana, haKixileve.
2Jino vaze vakuMbetele valingile hivanatumu lyehi Xaleze naLengeme-meleke namalunga vakwavo Hakumulembelela Yehova avatale nalikoji,
3nakuhanjika kuli vapilixitu vakuzuvo yaYehova wamayongomena, nakuli vapolofweto ngwavo, Tulile #Vamya. 2, 25.8, 9. hakakweji wamucitanu nakulihandununako nganomu tunalingi myaka yayivulu eyi tahi?
4Kaha lizu lyaYehova wamayongomena lyejile kuli ami ngwenyi,
5Vambulile vatu vamulifuci vosena navapilixitu nawa ngwove, Omu mwalitwaminyinyinenga kulya nomu mwapihilililenga #Yele. 41.1-3.hakakweji wamucitanu nayou wamucitanu navavali hamyaka makumi atanu naavali eyi, kulitwamina kulya mwalitwaminyinenga kulya nakungulemesAmi numba?
6Kahomu namulya nomu namunwa, mweji kulililangenu vavene nakulinwinangenu vavene nyi?
7Nyi mukanenga kwivwilila mazu aze avilikilenga Yehova muli vapolofweto vakulivanga, omu mwatwaminenga vatu muYelusalema, nomu lyatwaminenga kanawa, namembo analijingilika nawa, nomu kwatwaminenga vatu kusulo nakucikulo?
Ufunge unejila hakulikanga
8Kaha lizu lyaYehova lyejile kuli Zekaliya ngwenyi,
9Yehova wamayongomena nambe ngwenyi, Yulenunga ciyulo camucano, lingenunga mutu himutu mwalikoji mwakeke kuli ndumbwenyi.
10Vatuliwe jamapwevo navava vazeneka masevo navaka-kuzuzumana navaka-kuhutwa kanda muvalisa nacikelako. Kanda mukajina mutu umwe kupihisa ndumbwenyi mumicima yenuko.
11Oloze #Yele. 5.3; 7.26; 17.23.vakanyine kutengeleka matwitwi avo, vehwile vifwiji vyavo, valingixile matwitwi avo kupwa amalemu, kucina navevwako.
12Micima yavo vayilingixile kupwa nge ndayamonde kucina navevwilila jiximbi namazu aze atumine Yehova wamayongomena muli Xipilitu yenyi muli vapolofweto vaze vakulivanga. Xikaho kwejile #Miji. 2, 36.16.ndombo yakuli Yehova wamayongomena yayinene.
13Xikaho cinasoloka, nganomu avasanyikilenga kaha vakanyinenga kumwivwilila, ngoco #Vixi. 1.24-28; Isa. 1.15.munavangusanyikanga, kaha nangukananga kuvevwilila. Mukiko mwanambe Yehova wamayongomena.
14Oloze nangukavapekumwina nacijimbilanganga muli vaka-mafuci vosena vaze vanazenekanga kutacikiza. Ngoco lifuci lyapwilenga lyahwilici munyima yavo, nou ahicilemo wauci, nou akindulukilemo wauci. Mwomwo lifuci lyakwivwisa cipepa valilingixile kupwa lyahwilici, xikaho.
Currently Selected:
ZEKALIYA 7: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.