ZEKALIYA 4
4
Citumbikilo camanongo namilive
1Jino kangelo uze ahanjikile nayami ejile ceka, angutonesele nge mwamutu navatonesa mutulo twenyi.
2Angwihwile ngwenyi, Unamono ika? Ngwamukumbulwile ngwami, Ngunamono, kaha kumana, kuli #Kulo. 25.31, 37.citumbikilo camanongo, cosena caulu lika, nacitasu caco helu lyaco, namanongo aco atanu naavali aliho. Kuli miyengo yitanu nayivali yakuya kumanongo atanu naavali aze ali helu lyaco.
3Kucikiko kuli nawa #v. 11; Kuso. 11.4.milive yivali, umwe kuluhaci lwacitasu lwakucilyo, ukwavo kuluhaci lwaco lwakucimoswe.
4Ngwahanjikile nakumwihula kangelo uze ahanjikile nayami ngwami, Ove mwata wami, eyi yika?
5Kaha kangelo uze ahanjikile nayami angukumbulwile ngwenyi, Kawatacikijile muyapweyiko tahi? Ngwami, E mwane, ove mwata wami.
6Kaha angukumbulwile ngwenyi, Mukiko mwaya lizu lyaYehova nahanjika kuli #Hangai 1.1; 2.4.Zeluvavele ngwenyi, Kexi haungazuleko, cipwe hatwima, xina kuvanga #Miji. 2, 32.7, 8.muli Xipilitu yami. Mukiko mwanambe Yehova wamayongomena.
7Ngwenyi, Ove pili yayinene, yoveya? Kumeso aZeluvavele naukalinga kupwa ucana. Kaha mwakalovola lilolwa lyahelu nakuliuya ngwavo, Uselewa, halikiko hapwenga uselewa!
8Kaha lizu lyaYehova lyejile kuli ami ngwenyi,
9Mavoko aZeluvavele #4.9; Ezela 3.8-10; 5.16.anale lyehi cihela cazuvo yino. Mavoko enyi #Ezela 6.14, 15.nawakayimanyisa nawa. Kaha namukatacikizomu nangutumu Yehova wamayongomena kuli enu.
10Mwomwo iyaze nalumbilisa likumbi lyavyuma vyavindende? Mwomwo #3.9.awa atanu naavali Mwakawahilila, nawakamona wanda wakwesekela wakuzezalala mulivoko lyaZeluvavele. Awa akiko meso aYehova, awa eji kuhitangananga kumavu kwosena.
11Jino ngwahanjikile nakumwihula ngwami, Eyi milive yivali yili kuluhaci lwacitumbikilo camanongo lwakucilyo nakuluhaci lwaco lwakucimoswe, yikiko yika?
12Ngwahanjikile nakumwihula kamucivali ngwami, Eyi mitango yamilive yivali, eyi yili kumiyengo yaulu yivali, eyi yili nakuhingununa maji aulu muyikiko, yikiko yika?
13Angukumbulwile ngwenyi, Kawatacikijile muyapweyiko tahi? Ngwamukumbulwile ngwami, E mwane, ove mwata wami.
14Kaha angulwezele ngwenyi, Ava vakivo vaze vanawavisa vavali, vaze vanemana hakamwihi naMwata wahamavu hosena.
Currently Selected:
ZEKALIYA 4: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.