ZEKALIYA 2
2
Ava vatundula navavasanyika
1Jino ngwandwile meso ami nakutala, kaha kumana, kwapwile lunga apwile nawanda wakusetekesa mulivoko lyenyi.
2Ngwamwihwile ngwami, Nauyahi? Angukumbulwile ngwenyi, Nanguya #Kuso. 21.15-17.nakweseka Yelusalema, ngukamone mwaya kutohwa calyo nomu mwaya kusuhwa calyo.
3Kaha kumana, kangelo uze ahanjikile nayami alovokele, kaha kwalovokele kangelo weka nakumuhumangana,
4amwambile ngwenyi, Lahako, ukahanjike kuli mwanalungou ngwove, Navakatwamanga muYelusalema nge mumembo akuzeneka jikembwe hakuvula cavatu navimuna vaze navakapwangamo.
5Yehova ngwenyi, Mwomwo Ami nangukapwanga ngukembwe yakakahya kulikiko jingulwixi ndo, nangukapwanga nguupahu mulikiko.
6Ivwenu! Ivwenu! Cinenu kulifuci lyakunote! Mukiko mwanambe Yehova. Ngwenyi, Mwomwo ngunamimwange lyehi kwosena nge jipeho jahelu jiwana. Mukiko mwanambe Yehova.
7Ove Zeyone, ove watwama namwanaMbavilone hamwe, Uyovole.
8Mwomwo Yehova wamayongomena nambe ngwenyi, Hakukava #Isa. 60.7-9.muupahu nangutumu kuli vaka-mafuci vaze vakupukwile, mwomwou mwakwata hali ove nakwate hakatutu kahaliso lyenyi, xikaho.
9Mwomwo tala, nangukahungisa livoko lyami hali vakivo, kaha navakapwa vakupukula kuli vaze vavazacilenga. Kaha namukatacikizomu nangutumu Yehova wamayongomena kuli enu.
10Ove mwanaZeyone, twako jingunda, wahilila, mwomwo tala, nguli nakwiza, kaha nangutwamanga muli ove. Mukiko mwanambe Yehova.
11Kaha #Mika 4.2.vaka-mafuci amavulu navakalipanjika naYehova halikumbi lize, navakapwanga vatu jami. Nangukatwamanga muli ove, kaha naukatacikizomu nangutumu Yehova wamayongomena kuli ove.
12Yehova mwakaswana Yuta, hicazano cenyi mulifuci lyajila, kaha mwakasakula ceka Yelusalema.
13Enu mukweci mijimba muvosena, holenu kumeso aYehova, mwomwo natono lyehi muutwamo wenyi wajila, xikaho.
Currently Selected:
ZEKALIYA 2: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.