ZEKALIYA 14
14
Yelusalema navaka-mafuci eka
1Tala, kuli nakwiza likumbi lyaYehova, omu navakalipangila vyuma vyove vyakupukula muli ove.
2Mwomwo nangukavakungulwila vaka-mafuci osena kuYelusalema kujita. Limbo navakalitambula, vyamujizuvo navakavipupapupa, mapwevo navakavapikasana, cimbwa calimbo nacikalovokamo nakuya nakuvatundula, kaha vatu vaze navakasalaho kavexi kukavatetako kwimboko.
3Jino Yehova himwakalovoka nakulwa jita navaka-mafuci vaze, nganomu alwilile halikumbi lyajita.
4Mahinji enyi nawakemana likumbi lize hapili yaMilive, eyi yili kulutwe lwaYelusalema kutala kumusamuko, kaha pili yaMilive hinayikapulika mukaci kayo, kutala kumututuko nakumulauko, nakukapwa cinema cacinene cikuma. Cimbwa capili kana nacikazamukila kunote, kaha cimbwa cayo cikwavo nacikazamukila kusulo.
5Namukacinyina mucinema cajipili jami, mwomwo cinema cajipili naukaheta nakuAzele. Namukacina, nganomu mwacinyine uze mundenda hamakumbi amwangana wavaYuta Ujiya. Kaha #Samu 96.13; Mateu 16.27; 25.31.Kalunga kami Yehova mwakeza, navaka-kujila vosena nawa nove hamwe.
6Nacikasoloka halikumbi lize, #Isa. 13.10; Yowe. 2.30, 31.kahexi kukapwa musanako, vika-kumunyika navikafuvalala.
7Oloze nalikapwa likumbi limwe vanatacikiza kuli Yehova, kexi musanako, kexi ufukuko. Oloze nacikasoloka, hacingoloxi nahakapwa musana.
8Kaha nacikasoloka halikumbi lize, muYelusalema #Ezeke. 47.1-12; Yowe. 3.18; Kuso. 22.1, 2. namukalovokanga meya akuyoya, cimbwa cawo nacikayanga kucijiva cakumusamuko, cimbwa cawo nacikayanga kukalungalwiji wakumulauko. Nacikapwanga ngoco nahamwaka waliyena nahamwaka wacixika.
9Yehova nawakapwanga #Isa. 2.2-4.Mwangana wahamavu hosena. Halikumbi lize Yehova nawakapwanga umwe kaha, nalijina lyenyi nawa limwe kaha.
10Lifuci lyosena nalikalumuka kupwa nge #14.10:Cinema caYotau naCijiva caMungwa.Alava, kufumisa kuNgeva nakutwala kuLimone kusulo, kuYelusalema kunote. Nalikazezuka helu nakutwamanga kwalyo, kufumisa kucikolo caMbenjamine nakuhetesa kuma kwacikolo cakulivanga, mbwe nakucikolo camumbango, nakufumisa kukapoxi kaHananele nakuhetesa kuvikamwino vyamwangana.
11Namukatwamanga vatu, kamwexi kukapwa ceka kutengulwila kukunongako, oloze Yelusalema nalikatwamanga nakufwelela.
12Kahou ukiko musongo uze mwakavazakula Yehova vatu veka naveka vosena vaze vanalu jita naYelusalema. Nyama yavo nayikanowa ximbu vanemana hamahinji avo, meso avo nawakanowa muvimango vyawo, kaha malimi avo nawakanowa mutunwa twavo.
13Nacikasoloka halikumbi lize, muli vakivo namukapwa pindangano yakuli Yehova yayinene, kaha navakalilinjilila mutu himutu halivoko lyamukwavo, livoko lyenyi mwakalikajila livoko lyamukwavo.
14VaYuta nawa navakalwa jita kuYelusalema, kaha vikumba vyavakamafuci osena jingulwixi navakavikungulwilako, naulu napalata nakuvwala, vyavivulu cikuma.
15Mukiko munaukapwa musongo watuvalu, nawou wavamulu, nawou wavangamela, nawou wavimbulu, nawou watunyama vosena vaze navakapwa kuvilombo vize nge musongo uze.
16Kaha nacikasoloka, vexovo navakasalaho kuli vaka-mafuci vosena vaze navakeza kuYelusalema, navakakandwojoka hamwaka hamwaka nakulifukula kuli Mwangana, ou Yehova wamayongomena, nakulinga #Levi 23.34-44.ciwanyino cavisakila.
17Kaha nacikasoloka, kuvisaka vyahamavu vyosena, vexovo navakakana kukanduka kuYelusalema nakulifukula kuli Yehova wamayongomena, kuli vakivo kakwexi kukapwa vulako.
18Kaci nge vaka-cisaka caEjipitu navakakana kukandukako, nge kavexi kukezako, kaha nakuli vakivo nawa kayexi kukapwakoko. Nakukapwa musongo uze mwakavazakula Yehova vaka-mafuci vaze navakakana kukanduka nakulinga ciwanyino cavisakila.
19Eci cikiko nacikapwa kuzangamisa Ejipitu nakuzangamisa vakamafuci vosena vaze navakakana kukanduka nakulinga ciwanyino cavisakila.
20Halikumbi lize hajingezo jatuvalu nahakapwa mazu ngwavo, #Kulo. 28.36-38.VAJILILA YEHOVA, kaha jindeho jamuzuvo yaYehova najikapwanga nge vitasu vyakulutwe lwalijiko lyakulumbila.
21Jindeho jamuYelusalema naYuta josena #Koli. 1, 10.31.najikamujililanga Yehova wamayongomena, kaha vosena vaze navakavatwojola vimuna navakezeza nakutambwojolako nakutelejekamo. Kaha halikumbi lize muzuvo yaYehova wamayongomena kamwexi kukapwa ceka kaKananeko.
Currently Selected:
ZEKALIYA 14: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.