MAKO 10
10
Omu mwanangula Yesu hakuvuluka kutumbika mapwevo
(Mateu 19.1-12; Luka 16.18)
1Akatukile kuze, ahetele mulifuci lyaYuleya nalize lyamusali yaYotau. Kuli Ikiye kwalihomenene ceka mayongomena, kaha avanangwile ceka nge muze alingilenga.
2Kaha kuli Ikiye kwejile vaFwaliseu, Vamwihwile nakumweseka ngwavo, Coloka lunga kutumbika pwevo lyenyi tahi?
3Avakumbulwile ngwenyi, Mose amilwezele ngwenyika?
4Vakivo vamwambile ngwavo, #Luxi. 24.1-4.Mose etavile kumusonekela mukanda wakujiha ulo nakumutumbika.
5Oloze Yesu avambile ngwenyi, Hakukaluhwa camicima yenu, hakiko vene amisonekelele luximbi elu.
6Oloze #13.19; Petu. 2, 3.4.kufumisa kukuputuka kutanga vyuma ngwavo, #Kupu. 1.27; 5.2.Avatengele nalunga napwevo.
7Ngwavo, #Kupu. 2.24.Xikaho lunga mwaseza ise nanaye nakulipanjika napwevo lyenyi,
8kahava vavali hinavapwanga mujimba umwe kaha. Ngoco kavexi ceka vavaliko, oloze mujimba umwe kaha.
9Xikaho eci nanungu Kalunga, kanda vakacihandununa kuli mutuko.
10Kaha muzuvo tumbaji twenyi Vamwihwile ceka lizu kana.
11Avambile ngwenyi, #Mateu 5.32; Luka 16.18; Koli. 1, 7.10-11; Loma 7.2-3.Wose mwatumbika pwevo lyenyi, himwambata weka, kuli pwevo lyenyi navulumuna mulonga waujila.
12Kaha kaci nge ivene pwevo mwaseza lunga lyenyi himwasomboka kuli weka, nalingi ujila.
Yesu mwawahisa vana vavandende
(Mateu 19.13-15; Luka 18.15-17)
13Vapwile nakumutwalila vana vavandende mangana ngwavo, avanangike mavoko enyi. Oloze tumbaji twenyi vavakanyixile.
14Oloze Yesu hakucimona evwile kupihya cikuma, kaha avambile ngwenyi, Vetavilenu vana vavandende vezenga kuli Ami. Kanda muvakanyisako, mwomwo #Mateu 6.3.wangana waKalunga unapu wavava vangana, xikaho.
15Camwenemwene nangumilweza ngwami, #Mateu 18.3.Wose mwakana kwitavila wangana waKalunga nge mwana wamundende, kexi kwiza kukengilamoko.
16Kaha #9.36.avasacile kumavoko enyi, avakiswile nakuvanangika mavoko enyi.
Cilolo camwanalunga muka-luheto
(Mateu 19.16-30; Luka 18.18-30)
17Omu apwile nakulovoka nakuholokela mujila, kuli Ikiye kwalahilile mutu, amufukaminyine, amwihwile ngwenyi, #Luka 10.25.Ove muka-kunangula wamwenemwene, nangulinga muka mangana ngukaswane kuyoya cahaya myaka yosena?
18Yesu amwihwile ngwenyi, Ikaze unanguvulukila ngwove, nguwamwenemwene? Naumwe pimbi apwa wamwenemwene, kuvanga Umwe kaha, Ivene Kalunga.
19Jiximbi unajitacikiza, omu ngwavo, #Kulo. 20.12-16; Luxi. 5.16-20.Kanda ukajiha mutuko, ngwavo, Kanda Ukalinga ujilako, ngwavo, Kanda ukevako, ngwavo, Kanda ukambulula unjiho wakwongako, ngwavo, Kanda ukalyapula mukwenuko, ngwavo, Vumbikanga iso nanoko.
20Amwambile ngwenyi, Ove mukakunangula, vyosenevi ngwavilama lyehi kufumisa kuunyike wami.
21Yesu hakumutala amuzangile, kaha amwambile ngwenyi, Kuli ove kucinasale cuma cimwe kaha. Yako ukalanjise vyexovyo uli navyo, #Vili. 2.45; 4.34-35.ukavipangile kuli vaka-kuhutwa, kaha naukatwamanga #Mateu 6.20; Luka 12.33.naluheto mwilu. Kaha twaya ungukavangizenga.
22Oloze ikiye hakwivwa lizu eli kumeso enyi kwahombele zwe, kaha ayile nakunyengetela, mwomwo apwile naluheto lwalunene, xikaho.
23Yesu avatalile vosena ce ndo, kaha himwamba kuli tumbaji twenyi ngwenyi, Omwo cavakaluhwilava vali naluheto kwingila muwangana waKalunga!
24Tumbaji twenyi valihomokelele kumazu enyi. Oloze Yesu himwahanjika ceka nakuvamba ngwenyi, Enu vana vami, #10.24:Mokomoko ngwenyi, Omwo cakaluhwila kwingila muwangana waKalunga!omwo cavakaluhwila vaze veji kufwelelanga luheto kwingila muwangana waKalunga!
25Kuli ngamela kuhita muliso lyandongo cacaxi, oloze kuli mukaluheto kwingila muwangana waKalunga cacikalu.
26Vakivo valihomokelele cakuhambakana, Vamwihwile ngwavo, Nyi iyaze mwakahasa kulilwila?
27Yesu avatalile, avambile ngwenyi, Kuli vatu kacahasako, oloze kexi kuli Kalungako, mwomwo kuli Kalunga vyuma vyosena vinahase.
28Petulu aputukile kumwamba ngwenyi, Tala, #1.16-20.etu tunaseze vyuma vyosena, tunakukavangiza.
29Yesu avambile ngwenyi, Camwenemwene nangumilweza ngwami, Kakwexi mutu umwe naseze zuvo yenyi, cipwe vandumbwenyi vamalunga, cipwe ava vamapwevo, cipwe naye, cipwe ise, cipwe vana venyi, cipwe mawande enyi, hali Ami nahamujimbu wamwaza,
30 #
Mateu 6.33. kakwexi umwe mwakazeneka kutambwilaho likulukaji likulukaji hamyaka yino, namazuvo, navandumbwenyi vamalunga navava vamapwevo, navanaye, navana, namawande, nakumuyanjisa nawa hamwe, kaha kumyaka nayikezaho mwakatambula kuyoya cahaya myaka yosena.
31Oloze #Mateu 19.30.kuli vavavulu vanapu vaka-kulivanga navakakuminyina, kaha vaka-kukuminyina navakalivanga.
Kufwa cenyi Yesu mwacivuluka ceka kamucitatu
(Mateu 20.17-19; Luka 18.31-34)
32Jino vapwile mujila nakukanduka kuYelusalema. Yesu avatwaminyinyinengako, kaha valikomokelelenga, kaha vaze vamukavilenga vevwile woma. Avakungulwile ceka vaze likumi navavali, aputukile kuvalweza vyuma vize vyasakile kumuwana,
33ngwenyi, Talenu, tuli nakukanduka kuYelusalema, #8.31; 9.12; 9.30.kaha Mwanamutu navakamuhana kuli vapilixitu vavalemu nakuli vaka-kusoneka, navakamuhana mulonga ngwavo, afwe. Navakamuhana kuli vakamafuci eka,
34kaha navakamuhenda #14.65; 15.19.navakamufwijila maleji navakamuveta vikote navakamujiha. Kahomu namukahita makumbi atatu, himwakasanguka ceka.
Omu navalomba vaYakova naYowano
(Mateu 20.20-28)
35Jino Yakova naYowano, ava vana vaZevete, vapandamine kuli Ikiye, vamwambile ngwavo, Ove muka-kunangula, tunasake ngwetu, utulingile cose cuma natukulomba.
36Avehwile ngwenyi, Munasake ngwenu, ngumilingile ika?
37Vakivo vamwambile ngwavo, Twitavile #Mateu 19.28; Luka 22.30.tukatwamenga kuupahu wove, ou kulivoko lyove lyacilyo, ou kulivoko lyove lyacimoswe.
38Oloze Yesu avambile ngwenyi, Cuma munalombo kamwacitacikijileko. Namuhasa kunwa #Mateu 20.20; Yowa. 18.11.mulupasa luze nangukanwAmi tahi? cipwe kumimbapacisa #Luka 12.50.mukumbapacisa cize navakangumbapacisAmi tahi?
39Vakivo vamwambile ngwavo, Natuhasa. Yesu avambile ngwenyi, #Vili. 12.12; Kuso. 1.9.Mulupasa luze nangukanwAmi namukanwamo, kaha kumbapacisa cize navakangumbapacisAmi navakamimbapacisa vene.
40Oloze kutwama kulivoko lyami lyacilyo, cipwe kulivoko lyami lyacimoswe, kacexi cayAmi kucihanako, oloze #Mateu 13.11.capwa cavaze vanavatalilaco.
41Kaha vakwavo likumi hakucivwa vaputukile kwivwa kupihya naYakova naYowano.
42 #
Luka 22.25-27. Yesu avasanyikile veze kuli Ikiye, avambile ngwenyi, Munatacikiza ngwenu, vaze vanetavila kuyula vaka-mafuci veji kulilingisanga kupwa vakaka javo, kaha vakwavo vavalemu veji kuvonononanga.
43Oloze kacexi ngoco muli enuko, oloze #9.35; Mateu 20.26.wexowo mwasaka ngwenyi, apwenga wamulemu muli enu, apwenga muka-kumizacila,
44kaha Wexowo mwasaka ngwenyi, apwenga wakulivanga muli enu, apwenga ndungo yavosena.
45Mwomwo naMwanamutu nawa kejile #Mateu 20.28.mangana ngwenyi, vamuzacilenga milimoko, oloze mangana avazacile milimo, #Cimo. 1, 2.5-6.ece mwono wenyi hindando yakusokola vavavulu.
Navamutonesa kapuputa MbalaCimeu
(Mateu 20.29-34; Luka 18.35-43)
46Kaha hinavaheta kuYeliko. Ikiye hakufuma muYeliko natumbaji twenyi naliyongomena lyalinene, kujila kwatwaminenga mwanaCimeu, ou MbalaCimeu, ikiye apwile kapuputa muka-kulombalomba.
47Omu evwile ngwavo, Ou you Yesu wakuNazaleta, aputukile kutambakana nakwamba ngwenyi, Ove Yesu, Ove mwanaNdavici, acinguteteleko mwane.
48Kaha vavavulu vamukanjile mangana ngwavo, ahole kulu. Oloze Ikiye ahambakanyinenyi kutambakana cikuma ngwenyi, Ove mwanaNdavici, acinguteteleko mwane.
49Yesu emanyine, avambile ngwenyi, Musanyikenu. Kaha hinavamusanyika uze kapuputa, nakumwamba ngwavo, #Mateu 9.2.Likolezeze, katuka, ali nakukusanyika.
50Ikiye ambilile lihina lyenyi, akatukile lumbuxi, ejile kuli Yesu.
51Yesu ahanjikile kuli ikiye, amwihwile ngwenyi, Unasake ngwove, ngukulingile ika? Uze kapuputa amwambile ngwenyi, Ove #10.51:Nge ngwenyi, Ove Muka-kunangula. Tala Yowa. 20.16.Laponyi, ngutone kumeso ami mwane.
52Yesu amwambile ngwenyi, Yakonga kwove, 7 #Mateu 9.22.kufwelela cove cinakuhindula. Linwomu vene atonene, kaha amukavilenga Yesu mujila.
Currently Selected:
MAKO 10: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.