MIKA 2
2
Mama lelo hali ava veji kuyanjisanga vaka-kuhutwa
1Mama lelo hali ava veji kutakanga kuhenga nakuzata kupihya hatuhela twavo! Nge kunaci lyehi hinavacilinga, mwomwo cili mungolo jamavoko avo, xikaho.
2Veji kwivwanga lwiso lwamawande nakuwapupa, najizuvo nawa nakujitambula. Kaha navalisa lunga nacikela navava vakuzuvo yenyi nawa, namutu nauswana wenyi nawa.
3Xikaho Yehova nambe ngwenyi, Ivwenu, cisakeci nguli nakucitakila lupi, kukiko namukahona kufumisa jixingo jenu, kaha kamwexi kukatambuka nakulizezula heluko, mwomwo unapu mwaka waupi, xikaho.
4Halikumbi lize navakata ciximo hali enu nakwimba lungungu ngwavo, Vanatwenyeka lyehi cakutwenyeka, ngwavo, Cazano cavakwetu vatu ali nakucalumuna mweka, ngwavo, Omu ali nakungufumisaco! ngwavo, Ali nakupangila mawande etu kuli vaka-kulikanga.
5Xikaho kawexi kukapwa namutu wakwasa wanda wakwesekesa hakatacikijilo muliuka lyaYehovako.
6Veji kutufulanga upolofweto ngwavo, Kanda mutufula upolofwetoko. Kavexi kutufula upolofweto kuli avako. Mazu akuvazondesa kawexi kukavafumako.
7Enu vakuzuvo yaYakova, kumana, vacambenga? Xipilitu yaYehova #Isa. 50.2; 59.1.nahihi numba? Evi vikiko vilinga vyenyi numba? Mazu ami eji kuwahisangou wakutambuka mwakusungama nyi?
8Oloze makumbi ano vatu jami vanakatuka nge mwamuka-kole. Ava navalihicila cakuzeneka woma nge mwavava vanalumuka kujita, mweji kuvazulanga vikuto hamahinavo.
9Mapwevo vavatu jami mweji kuvahanganga mujizuvo javo jakwivwisa kuwaha, vana vavo vavandende mweji kuvatambulanga upahu wami haya myaka yosena.
10 #
Levi 18.25, 28, 29. Katukenu muyenga, mwomwo hano kahexi hakunokako, mwomwo hakupihya cakunongesa nakunonga cakutenuka.
11Kaci nge mutu mwonga hakukava peho namatangiso ngwenyi, Nangukutufwila upolofweto wavinyo nawala wausasu, kaha mwapwanga muka-kutufula upolofweto wavatu ava.
12Enu vaYakova, nangukamikungulula cakumikungulula muvosena, vaIsalele ava navakasalaho nangukavahomesa cakuvahomesa. Nangukavahaka hamwe nge mwamikoko vakuMbozola, nge mwautanga mukaci kaulilo wavo, navakazungumuka hakuvula cavatu.
13Muka-kulinjinjimika nakanduka lyehi kumeso avo, vanalinjinjimikamo lyehi nakuhicila kucikolo, vanalovokamo, kaha mwangana wavo nahici kumeso avo, naYehova nawa kulutwe lwavo.
Currently Selected:
MIKA 2: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.