MATEU 9
9
Yesu mwahindula muka-kalepa
(Mako 2.1-12; Luka 5.17-26)
1Kahengilile muwato, azaukile ahetele ceka kwimbo lyenyivene.
2Kaha kumana, vamutwalilile muka-kalepa, asavalile hakahela. Yesu hakumona kufwelela cavo, amwambile uze muka-kalepa ngwenyi, Ove mwanami, #v. 22; 14.27; Mako 6.50; 10.49; Yowa. 16.33; Vili. 23.11.likolezeze, #Luka 7.48.milonga yove yaxili vanakukonekelayo lyehi.
3Kaha kumana, kuli vaka-kusoneka kwapwile vamwe valyambile mumicima yavo ngwavo, Ou mutu kana ali nakusaula Kalunga.
4Oloze Yesu #12.25; Luka 6.8; 9.47.atacikijile vixinganyeka vyavo, avehwile ngwenyi, Ikaze muli nakuxinganyekela mwamupi mumicima yenu?
5Cacaxi cilihize? cakwamba ngwami, Milonga yove yaxili vanakukonekelayo, nyi cakwamba ngwami, Katuka utambuke?
6Oloze mangana mutacikize ngwenu, Mwanamutu ali nangolo jakukonekela milonga yaxili hano hamavu (kaha jino himwamwamba uze mukakalepa ngwenyi), Katuka, mbata kahela kove, yakonga kuzuvo yove.
7Kaha akatukile, afumineko nakuya kuzuvo yenyi.
8Oloze mayongomena hakucimona vevwile woma, kaha vamutohwesele Kalunga, Uze ahanyine ngolo jipwahaze kuli vatu.
Yesu mwasanyika Mateu
(Mako 2.13-17; Luka 5.27-32)
9Yesu hakupalika nakufuma kuze amwene mutu natwame kwakutambwila milambu, lijina lyenyi apwile ikiye Mateu. Amwambile ngwenyi, NgukavangizengAmi! Kaha akatukile, amukavangijile.
10 #
Luka 15.1-2; 7.34. Kaha casolokele, omu apwile hanasendavala kumesa muzuvo, kumana, kwejile vaka-kukonga milambu navaka-xili vavavulu, vasendavalile naYesu natumbaji twenyi hamwe.
11VaFwaliseu hakucimona vavehwile tumbaji twenyi ngwavo, Ou muka-kuminangula ali nakulila ikaze navaka-kukonga milambu navakaxili hamwe?
12Oloze Ikiye hakucivwa avambile ngwenyi, Vavakangule kavexi kusaka cimbukeko, kuvanga vaka-kuviza kaha.
13Oloze yenu mukalinangule mwaya manganawa ngwavo, #Hoze. 6.6; Mateu 12.7.Ngunazange vatetelenga vakwavo, cazangile vanguvatwilenga vimunako. Mwomwo #Cimo. 1, 1.15.kangwejile nakusanyika vaka-kwolokako, kuvanga vaka-xili kaha.
Navehula kulitwamina kulya
(Mako 2.18-22; Luka 5.33-39)
14Kaha tumbaji twaYowano hinaveza kuli Ikiye nakumwihula ngwavo, #Luka 18.12.Etu navaFwaliseu tweji kulitwaminanga kulya kakavulu, oloze tumbaji twove kavexi kulitwamina kulyako, mwomwo ikaze?
15Yesu avakumbulwile ngwenyi, Masepa jamwenyamwenga navahasa kulixona ximbu vacili namwenyamwenga numba? Oloze nakukeza makumbi eka omu navakamufumisa mwenyamwenga kuli vakivo. Haze vene numba vakalitwamine kulya.
16Mutu naumwe pimbi mwatongela mbanji yalihina lyalihya kucikovelo camwaka. Mwomwo eli lyakumbanjikamo kaci nalipula cize cikovelo, kaha nalitohwesa mbelo.
17Kaha nawa, vatu nawa kavexi kulongela vinyo vyavihya mujituku javilambu jamwakako. Mokomoko jituku najikatuvika, vinyo navikamwangala, kaha jituku najikalyenyeka. Oloze veji kutongelanga vinyo vyavihya mujituku jajihya, kaha navalama vyosena vivali.
Mwanamukulwane, napwevo uze asalikile livoko lyenyi kulihina lyaYesu
(Mako 5.21-43; Luka 8.40-56)
18Ximbu apwile nakuhanjika vyumevi kuli vakivo, kumana, kwejile mukulwane #8.2; 15.25; 18.26; 20.20; Yowa. 9.38.nakulifukula kuli Ikiye, amwambile ngwenyi, Mwanami wapwevo nafu oholili vene. Oloze twaya umunangike livoko lyove, kaha mwayoya.
19Yesu akatukile, amukavile, natumbaji twenyi hamwe.
20Kaha kumana, kwapwile pwevo apwilenga namusongo #Kula. 15.38; Luxi. 22.12.wakuhicisa manyinga myaka likumi nayivali, ejile munyima yenyi, #14.36; Mako 3.10.asalikile livoko lyenyi #Kula. 15.38; Luxi. 22.12.kuzombo jalihina lyenyi.
21Mwomwo alyambilenga mumucima wenyi ngwenyi, Kaci nge nangusalika kaha livoko lyami kulihina lyenyi, kaha nanguhinduka.
22Oloze Yesu hakwalumuka nakumumona amwambile ngwenyi, Ove mwanami, likolezeze! #v. 29; 15.28; Mako 5.34; 10.52; Luka 7.50; 17.19.Kufwelela cove #9.22:Mokomoko ngwenyi, Cinakulwili.cinakuhindula. Kaha kufuma kulwola luze vene uze pwevo apwilenga walambwe.
23Omu engilile Yesu muzuvo yayauze mukulwane, hakumona vakakwimba jipanda navatu vavavulu vapwile nakuzungumuka,
24avambile ngwenyi, Ehukenu, mwomwou mwanapwevo kafwileko, nasavala tulo kaha. Kaha vamungumukile wo!
25Oloze omu alingile hanavalovolamo lyehi vaze vatu vavavulu, engililemo amukwacile kulivoko lyenyi, kaha uze mwanapwevo ahindukile.
26Kaha puho yacuma kana yafumakanyine namulifuci lize mwosena.
Yesu mwatonesa tupuputa vavali
27 #
20.29-34. Omu apwile Yesu nakufuma kuze, kwapwile tupuputa vavali vamukavile nakutambakana ngwavo, #12.23; 15.22; 20.3-31; 21.9, 15; 22.42; Mako 10.47-48; 12.35; Luka 18.38-39; 20.14-15.Ove MwanaNdavici, acituteteleko mwane.
28Omu alingile hanengila lyehi muzuvo, vaze tupuputa vejile kuli Ikiye. Yesu avehwile ngwenyi, Munetava ngwenu, ngunahase kulinga cuma kana tahi? Vamukumbulwile ngwavo, Eyo, Mwata.
29Kaha himwasalika livoko lyenyi hameso avo nakuvamba ngwenyi, Cipwenga kuli enu nge kutesa nomu munafwelela.
30Kaha meso avo atonene. Yesu #8.4.avakanjile nangolo ngwenyi, Nyingililenunga, kanda mutu acitacikizako.
31Oloze vakivo valovokele, vamutwalile puho mulifuci lize mwosena.
Kamama mwahanjika
32Vakivo hakulovoka, kumana, #12.22, 24.vatu vamutwalilile kamama, mukandemone.
33Yesu hakumulovola uze ndemone, uze kamama ahanjikile. #Mako 2.12.Kaha mayongomena valikomokelele, valyambile ngwavo, Kumyaka yosena kanda vamone lyehi cuma cipwaha ngana muli vaIsalele.
34Oloze #12.24; Mako 3.22; Luka 11.15; Yowa. 7.20-21.vaFwaliseu vambilenga ngwavo, Muli mwangana wavandemone, mukiko vene eji kuvalowelanga vandemone.
Jimbuto jinavulu nakwaha
35 #
4.23; Mako 6.6. Yesu atambwojokelenga mumembo osena, nawawa amanene nawawa amandende, nakunangula vatu #9.35:Tala 4.23.mujisunangonga javo, nakwambulula mujimbu wamwaza wawangana, nakuhindula vatu kumisongo yavo yosena nakukuviza cavo cosena.
36Oloze #14.14; 15.32; Mako 6.34.hakumona mayongomena, avevwilile keke, mwomwo vapwile nakuyanda nakulimwanga #Kula. 27.17; Zeka. 10.2.nge mikoko vakuzeneka kafunga, xikaho.
37Kaha himwamba kuli tumbaji twenyi ngwenyi, #Luka 10.2; Yowa. 4.35.Camwenemwene jimbuto jinavulu nakwaha, oloze vaka-kuzata vanapu vavandende.
38Xikaho mulombenu Mwenyawande mangana atume vaka-kuzata vayenga vamwahilenga.
Currently Selected:
MATEU 9: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.