MATEU 4
4
Navamweseka Yesu
(Mako 1.12-13; Luka 4.1-13)
1 #
Hepe. 2.18; 4.15. Haze vene vamutwalile Yesu mupambo kuli Xipilitu, mangana vakamweseke kuli liyavolo.
2Omu alingile #Kulo. 34.28; Vamya. 1, 19.8.hanatwame lyehi nazala makumbi makumi awana namusana naufuku, hakukuminyina evwile zala.
3Kaha #Teso. 1, 3.5.muka-kweseka ejile kuli Ikiye, amwambile ngwenyi, Kaci nge uMwanaKalunga, amba malolwawa ngwove, alumuke kupwa jimbolo.
4Oloze Yesu amukumbulwile ngwenyi, Vasoneka ngwavo, #Luxi. 8.3.Mutu kexi kuyoyela hambolo kahako, Oloze hamazu akulovoka mukanwa kaKalunga osena.
5Liyavolo himwamutwala #27.53; Nehe. 11.1; Kuso. 21.10.kunganda yajila, himwamwimika helu lyatembele,
6hikumwamba ngwenyi, Kaci nge uMwanaKalunga, Umbile hamavu, mwomwo vasoneka ngwavo,
#
Samu 91.11-12. Mwahana vangelo jenyi luximbi lwakukuvulukove,
Kaha nawa ngwavo,
Navakuzundulanga namavoko avo,
Kucina pamo nauhukana lihinji lyove kulilolwa.
7Yesu amukumbulwile ngwenyi, Vasoneka ceka ngwavo, #Luxi. 6.16.Kanda ukamweseka Yehova Kalunga koveko.
8Ceka nawa, liyavolo himwamutwala kupili yakunyunga cikuma, himwamulweza mawangana ahamavu osena naupahu wawo.
9Amwambile ngwenyi, Nge naungufukamina nakulifukula kuli ami, nangukuhana vyosenevi.
10Yesu himwamwamba ngwenyi, Ove Satana, fumako, mwomwo vasoneka ngwavo, #Luxi. 6.13; Mako 8.33.Mulemesenga Yehova Kalunga kove, muzacilenga Ikiye kaha.
11Liyavolo himwamuseza, kaha kumana, #26.53; Luka 22.43.kwejile vangelo #4.11:MuuHelase ngwavo, Nakumuzacila.nakumukafwako.
Yesu mwaputuka milimo yenyi
(Mako 1.14-15; Luka 4.14-15)
12Jino Yesu hakwivwa ngwavo, #14.3.Yowano vanamukase lyehi, afumine kuze ayile kuNgalileya.
13Kaha hakufuma kuNazaleta, #Yowa. 2.12; Mako 1.21.ejile nakutwama kuKapelenau, kuze kwakamwihi nacijiva, kulifuci lyaZevulune naNafwatale,
14mangana muze vahanjikile muli kapolofweto Isaya mulumbunuke ngwavo,
15 #
Isa. 9.1-2. Lifuci lyaZevulune nalifuci lyaNafwatale,
Mujila yacijiva, musali yaYotau, MuNgalileya yavaka-mafuci,
16Vatu vaze vatwaminenga mumilima
Vanamono musana wauvulu,
Vaze vatwaminenga mulifuci lyakufwa namumuvwimbimbi waco, Musana unavatutukila.
17 #
Mako 1.14-15. Kufumisa haze, Yesu aputukile kwambulula mazu ngwenyi, #3.2; 10.7. Pihililenu nakwalumuka, mwomwo wangana wamelu uli kwakamwihi, xikaho.
Yesu mwasanyika vaka-kuta vaixi vawana
(Mako 1.16-20; Luka 5.1-11)
18Hakutambuka kwakamwihi naCijiva cakuNgalileya amwene malunga vavali mujimo lyavo, ou Ximona vavuluka nawa ngwavo, Petulu, ou ndumbwenyi Andelei, vapwile nakufuta lyoji mucijiva, mwomwo vapwilenga vaka-kuta Vaixi, xikaho.
19Avambile ngwenyi, Ngukavangizenunga, kaha nangumilingisa kupwa muvaka-kuta vatu.
20Kaha linwomu vene vasezele moji avo, vamukavangijile.
21Hakufuma kuze nakuswenya kulutwe, amwene veka vavali nawa mujimo lyavo, ou Yakova yaZevete, ou ndumbwenyi Yowano, vapwile nasevo Zevete hamwe muwato, vapwile nakuhongela moji avo. Avasanyikile.
22Kaha linwomu vene yasezele wato nasevo, vamukavangijile.
Yesu mwawahisa mayongomena avatu
(Luka 6.17-19)
23 # 4.23: Jisunangonga japwile vikungulwilo vyakutangila vaYuleya. Yesu atambwojokelenga kuNgalileya kwosena nakunangula vatu #Mako 1.39; Luka 4.15, 44; Mateu 9.35; Mako 3.7-8.mujisunangonga javo, nakwambulula mujimbu wamwaza wawangana, nakuhindula vatu kumisongo yosena nakukuviza cosena.
24Puho yenyi yafumakanyine nakuSulya kwosena, kaha vamutwalililenga vexovo vapwile nakuviza, vaze vapwile namisongo yeka nayeka nakuyanjiwa mweka namweka, navaka-vandemone navaka-cikonya navaka-kalepa, kaha avahindwile.
25Kaha kwamukavile mayongomena amanene akufuma kuNgalileya nakuNdekapole nakuYelusalema nakuYuleya nakusali yaYotau.
Currently Selected:
MATEU 4: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.