MATEU 22
22
Ciximo caciwanyino cacifupawenga
1Kaha Yesu ahanjikile nakuvatela ceka Viximo vikwavo ngwenyi,
2 #
Luka 14.16-24. Wangana wamelu vanaufwanyisa nge mwangana umwe atelekesele cifupawenga camwanenyi walunga.
3 #
21.34. Atumine vandungo jenyi nakuvasanyika vaze asanyikile lyehi ngwenyi, veze kucifupawenga. Oloze vakanyinenga kwavo kwiza.
4 #
21.36. Ceka nawa atumine vandungo jenyi veka, avambile ngwenyi, Vambulilenu vaze ngunasanyika ngwenu, Ivwenu, kulya cami ngunacilongesa lyehi. Vangombe jami navimuna jami vavandende vakununa vanavajihi lyehi. Vyosena vanayilongesa lyehi. Twayenu kucifupawenga.
5Oloze vakivo vacihombwanyixile, vayile kwavo, umwe kumawande enyi, mukwavo kujindando jenyi,
6kaha vakwavo vavakwacile vandungo jenyi, vavasawile, vavajihile.
7Jino uze mwangana akwacile matoto, atumine majitenyi, avanongesele vaze vaka-kujiha vatu, ocele limbo lyavo.
8Numba himwamba kuli vandungo jenyi ngwenyi, Cifupawenga vanacilongesa lyehi, oloze vaze ngwasanyikanga kayapwile vakutela kucilyako.
9Xikaho yenunga jino kumakanyiko amakuku, kaha vexovo namukawana vasanyikenu veze kucifupawenga.
10Vaze vandungo valovokele vayile kumakuku, vakungulwile vosena vaze vawanyine, nava vavapi nava vamwenemwene. Kaha kucifupawenga kwazalile navangeji.
11Oloze uze mwangana hakwingilamo nakuvatala vangeji amwenemo mutu azenekele kuvwala cikovelo cakuvwalila kucifupawenga.
12Kaha himwamwihula ngwenyi, #20.13; 26.50.Ove mukwetu, ngacilihi unengila muno nakuzeneka cikovelo cakuvwalila kucifupawenga? Kaha ikiye kamwene mwakutwalilako.
13Mwangana himwamba kuli vakakumuzacila ngwenyi, Mukasenu nakumavoko nakumahinji mumumbile #8.12.kumilima yakuweluka. Kwakuze vene kunavakapwanga nakulila nakulingenjunga kumazo.
14Mwomwo vanasanyika vavavulu, oloze vanasakula vavandende.
Kumulambwila Kesale
(Mako 12.13-17; Luka 20.20-26)
15Haze vene vaFwaliseu vayile nakukwata punga vamone mwakumutela kumazu enyi.
16Kaha vamutuminyine tumbaji twavo navaka-Helote hamwe, vamwambile ngwavo, Ove mukakunangula, tunatacikiza ngwetu, Ove umuka-mucano, ngwetu, weji kunangulanga mwaya jila yaKalunga mwamucano, ngwetu, kawazakama cipwe mutu umweko, mwomwo kavamona vatu mweka namwekako.
17Xikaho tulweze, unaxinganyeka muka? Coloketu kumuhana Kesale milambu tahi? nyi ciku?
18Oloze Yesu atacikijile kuhuka cavo, avehwile ngwenyi, Enu vakakulyonga, muli nakungwesekela ikaze?
19Ngulwezenu lumbongo lwamulambu. Vamunehelele #22.19:Tala 18.28.ndenali.
20Ikiye himwavehula ngwenyi, Ou mutwe weya, nawa mazu vasonekaho eya?
21Vamukumbulwile ngwavo, VyaKesale. Kaha avambile ngwenyi, Xikaho #Loma 13.7.vyuma vyaKesale muhanenuvyo Kesale, kaha vyuma vyaKalunga muhanenuvyo Kalunga.
22Vakivo hakucivwa valikomokelele, vamusezele, vafumine kuze.
Navehula vyahakusanguka cavafu
(Mako 12.18-27; Luka 20.27-40)
23Halikumbi lize kuli Ikiye kwejile vaSatuse, #Vili. 4.1-2; 23.6-10.vaze veji kwambanga ngwavo, Kusanguka cavafu cauciko. Kaha vamwihwile
24ngwavo, Ove muka-kunangula, Mose ambile ngwenyi, #Luxi. 25.5.Kaci nge lunga mwafwa cakuzeneka kusema mwana, kaha ndumbwenyi akamuxise uze pwevo lyenyi akamusemene uze ndumbwenyi vana.
25Jino kuli etu kwapwile malunga vatanu navavali mujimo lyavo. Uze watete ambacile pwevo, afwile, kaha mwomwo kapwile namwanako, xikaho amusezele pwevo lyenyi kuli ndumbwenyi.
26Ngoco lika nauze wamucivali nawa, nauze wamucitatu, kuhetesa nakuli ou wamucitanu navavali.
27Kukuminyina kuli vosena nauze pwevo nawa afwile.
28Xikahoze hakusanguka cavafu, kuli vaze vatanu navavali mwakapwa pwevo lyaumwe ulihi? Mwomwo vosena vamumbacile lika.
29Oloze Yesu avakumbulwile ngwenyi, Munahungumuka, mwomwo Mazu-vasoneka kamwawatacikizako, cipwe ngolo jaKalunga.
30Mwomwo hakusanguka cavafu kavexi kukambata ceka mapwevoko, cipwe kuvahangisa, oloze navakapwanga nge vangelo mwilu.
31Oloze hakuvuluka kusanguka cavafu, kamwatangileko omu ahanjikile Kalunga kuli enu tahi? ngwenyi,
32 #
Kulo. 3.6. Ami yami Kalunga kaApalahama, nguKalunga kaIsaka, nguKalunga kaYakova. Kalunga kexi Kalunga kavafuko, oloze wavava vavatonyi.
33Kaha mayongomena hakucivwa #7.28.alihomokelelenga kukunangula cenyi.
Luximbi lwalunene
(Mako 12.28-34)
34 #
Luka 10.25-28. Oloze vaFwaliseu hakwivwa gwavo, navaholesa lyehi vaSatuse, valikungulwilile hamwe.
35Kaha minavo umwe, apwile #Luka 7.30; 11.45; 14.3.muka-jiximbi, amwihwile nakumweseka ngwenyi,
36Ove muka-kunangula, luximbi luka lwapwa lwalulemu kujiximbi?
37Amwambile ngwenyi, Elu vene ngwavo, #Luxi. 6.5.Muzangenga Yehova Kalunga kove namucima wove wosena, namwono wove wosena, namanganove osena.
38Elu lukiko luximbi lwalulemu lwatete.
39Kaha lwamucivali lwakulifwana lukiko vene elu ngwavo, #19.19; Levi 19.18; Ngale. 5.14; Loma 13.9; Yako. 2.8.Zanganga mukwenu nganomu walizangilove lyavene.
40 #
7.12. Kujiximbi jivali eji kukiko kunakolela Jiximbi josena namazu avapolofweto osena.
Yesu mwavehula vyamwanaNdavici
(Mako 12.35-37; Luka 20.41-44)
41Jino ximbu vapwile vaFwaliseu vanalikungulwila hamwe, Yesu avehwile
42ngwenyi, Enu munaxinganyeka ngacilihi naKulixitu? Ikiye mwaneya? Vamwambile ngwavo, Ikiye #9.27.mwanaNdavici.
43Avehwile ngwenyi, Nyi ngacilihize vanamuvuluka kuli Ndavici muli Xipilitu ngwenyi, Mwata? ngwenyi,
44 #
Samu 110.1; Vili. 2.34-35; Hepe. 1.13. Yehova ambile kuli Mwata wami ngwenyi,
Twamanga kulivoko lyami lyacilyo,
#
Koli. 1, 15.25; Hepe. 10.13. Palanga nomu nangukavahaka vaka-kole jove muxi yamahinji ove.
45Hamono Ndavici namuvuluka ngwenyi, Mwata, kaha napu mwanenyi ngacilihi?
46Mutu naumwe pimbi ahaxile kumukumbulula cipwe lizu limwe. Kaha #Mako 12.34; Luka 14.6; 20.40.kufuma kulikumbi lize naumwe pimbi ahasukile kumwihula ceka lizu.
Currently Selected:
MATEU 22: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.