MATEU 17
17
Yesu mwalyalumuna mweka
(Mako 9.2-13; Luka 9.28-36)
1Omu mwahicile makumbi atanu nalimwe, #26.37; Mako 5.37; 13.3.Yesu ayile naPetulu naYakova nandumbwenyi Yowano, akandukile navo hapili yakunyunga kwauka wavo.
2Kaha #Loma 12.2; Koli. 2, 3.18.alyalumwine mweka kumeso avo. Kumeso enyi kwamunyikile nge likumbi, kaha kuvwala cenyi calumukile nakutoma zwalala nge musana.
3Kaha kumana, kuli vakivo kwasolokele Mose naElija, vapwile nakuhanjika nenyi.
4Petulu ahanjikile nakumwamba Yesu ngwenyi, Ove Mwata, cinawahe kuli etu kutwamanga kuno. Kaci nge nausaka, kaha nangutunga visakila vitatu kuno, cimwe cayove, cimwe caMose, cimwe caElija.
5Ximbu apwile acili nakuhanjika, kumana, kwavazengaminyine livwi litoma to, kaha kumana, #3.17; Yowa. 12.28; Petu. 2, 1.17-18.mulivwi kana mwafumine lizu lyakwamba ngwenyi, #Samu 2.7.Ou you Mwanami, Ou ngwazanga, #Isa. 42.1.Ou ngweji kwivwilanga kuwaha, mwivwililenunga Ikiye.
6Tumbaji twenyi hakwivwa ngoco, Valimbilile cameso-hamavu, vevwile woma mateli.
7Yesu apandamine kuli vakivo, avasalikile livoko lyenyi, avambile ngwenyi, Katukenu, #14.27.kanda mwivwa womako.
8Vakivo hakwandula meso avo kavamwene mutu wekako, xina Ivene Yesu kaha lwi.
9Omu vapwile nakuxikumuka hapili, Yesu avakanjile ngwenyi, Oco vanamimwenesanyi, #8.14; 16.20; Mako 3.12; 5.43; 7.36.kanda mukacambulula kuli mutuko, kuvanga Mwanamutu nasanguka lyehi kuvafu.
10Tumbaji twenyi Vamwihwile ngwavo, Nyi ikaze veji kwambilanga vaka-kusoneka? ngwavo, Kuvanga #11.14.Elija nalivange kwiza.
11Yesu avakumbulwile ngwenyi, Camwenemwene Elija mwakeza, kaha mwakahaka ceka vyuma vyosena mutuhela twavyo.
12Oloze nangumilweza ngwami, Elija neza lyehi, oloze kavamutacikijileko, kaha vanamulingi mwexomwo vasakilile. #16.21; 17.22; 20.17; 26.2; Luka 17.25.Mukiko vene mumweza kuyanda naMwanamutu nawa kuli vakivo.
13Kaha tumbaji twenyi hinacivalumbunukila ngwavo, Natuvulukila muka-kumbapacisa vatu Yowano.
Yesu mwahindula mukweze ali naxipilitu wamupi
(Mako 9.14-29; Luka 9.37-43)
14Vakivo hakuheta kuliyongomena, kuli Ikiye kwejile mutu nakumufukamina nakumwamba ngwenyi,
15Ove Mwata, acimuteteleko mwanami walunga, mwomwo ali namusongo wacikonya, eji kuyandanga cikuma. Mwomwo eji kulimbwojokelanga namukakahya namumeya.
16Kaha ngwamunehanga kuli tumbaji twove, oloze kavahaxile kumuhindulako.
17Yesu avakumbulwile ngwenyi, Enu vaka-tanga yakuzeneka kufwelela, vaka-kuhingika! Nangutwamanga nenu palanga nakumwaka uka? Nangumiyanjilanga palanga nakumwaka uka? Ngunehelenuyo kuno.
18Yesu amuhanjikilile, kaha uze ndemone amulovokele, kaha uze mukweze ahindukile kufuma kulwola luze.
19Tumbaji twenyi hinavapandama kuli Yesu kwauka wavo nakumwihula ngwavo, Ikaze twahonenangetu kumulovola?
20Ikiye avambile ngwenyi, Mwomwo kufwelela cenu cacindende, xikaho. Mwomwo Camwenemwene nangumilweza ngwami, #21.21-22; Luka 17.6; Mako 11.22-23; Koli. 1, 13.2; Mako 9.23.Nge mukweci kufwelela cakweseka #13.31.nge mbuto yamusetale yimwe, kaci namwamba #Koli. 1, 13.2.kupili yino ngwenu, Tutulukila kuze! kaha nayitutuluka, kaha kaci kamwexi kukahona cuma cipwe cimweko.
21Oloze ava vangana kavexi kulovoka nacuma cekako, kuvanga nakulomba kaha, nakulitwamina kulya.
Yesu mwavuluka ceka kufwa cenyi
(Mako 9.30-32; Luka 9.43-45)
22Ximbu vatwamine kuNgalileya, Yesu avambile ngwenyi, Navakamuhana Mwanamutu mumavoko avatu,
23 #
16.21; 17.9. navakamujiha, kaha halikumbi lyamucitatu hinavakamusangula ceka kuli Kalunga. Kaha vanyengetelele cikuma.
Kufweta mulambu wakutembele
24Omu vahetele kuKapelenau, vakakutambuloco #Kulo. 30.13; 38.26.cimbwa #17.24:Xekele yimwe yapwile kafwe maxilingi avali nasikisi natiki.caxekele vejile kuli Petulu, vamwihwile ngwavo, Oco cimbwa caxekele mukakuminangula kexi kucihanako tahi?
25Avambile ngwenyi, Ciku, eji kuhananga. Ikiye hakwingila muzuvo, Yesu alivangile kumwihula ngwenyi, Ove Ximona, unaxinganyeka muka? Vamyangana vahamavu veji kutambulanga mitelo namilambu kuli veya? Kuli vana vavo tahi, nyi kuli vatu veka?
26Petulu hakumwamba ngwenyi, Kuli vatu veka, Yesu himwamwamba ngwenyi, Xikaho vana valihehwa.
27 #
Koli. 1, 8.13. Oloze kucina natuvafutwisa, yako kucijiva ukalove, ukanone ixi wakulivanga kukwata, kaha hakupandumuna mukanwa kenyi nauwanamo Xekele. Yimbate uvahane hali etu nayove.
Currently Selected:
MATEU 17: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.