MATEU 15
15
Vyuma vika-kupihisa vatu
(Mako 7.1-23)
1Haze vene kuli Yesu kwejile vaFwaliseu navaka-kusoneka vakuYelusalema, kaha Vamwihwile ngwavo,
2Ikaze veji kuzombokelanga tumbaji twove oco vatuselelele vakulwane kulama? womwo #Luka 11.38.kavexi kusana kumavoko avo hakulyako.
3Oloze Ikiye avakumbulwile ngwenyi, Nenu nawa, ikaze mweji kuzombokelanga Jiximbi jaKalunga hakukavovyo vamisela kulama?
4Mwomwo Kalunga ambile ngwenyi, #Kulo. 20.12; Luxi. 5.16.Vumbikanga iso nanoko. Kaha nawa ngwenyi, #Kulo. 21.17; Levi 20.9.Ou mwavuluka ise mwamupi cipwe naye, akafwe cakufwa.
5Olojenu mweji kwambanga ngwenu, Wose mwamba kuli ise cipwe kuli naye ngwenyi, Oco ngwahasanga kukukafwa naco ngunacihane lyehi wana kuli Kalunga,
6ngwenu, kanda akamuvumbika iseko. Ngoco mazu aKalunga munawazeyesa lyehi nacumoco mweji kulamanga.
7Enu vaka-kulyonga! Isaya ahanjikile kanawa naupolofweto nakumivulukenu ngwenyi,
8 #
Isa. 29.13. Vatu ava veji kunguvumbikanga namivumbo yavo kaha,
Oloze micima yavo yili kwakusuku nayAmi.
9Oloze veji kungulemesanga tuhu camokomoko,
Mwomwo kunangula cavo veji kunangulanga jiximbi javatu kaha, xikaho.
10Kaha lize liyongomena alisanyikile lize kuli Ikiye, avambile ngwenyi, Ivwililenu, mangana kana amilumbunukile kanawa.
11Kacexi eci nacingila mukanwa cikiko nacijilulula mutuko, xineci kaha nacilovoka mukanwa, cikiko nacimujilulula mutu.
12Haze vene tumbaji twenyi vapandamine kuli Ikiye, vamwihwile ngwavo, Unatacikiza tahi? vaFwaliseu vakufutukilanga hakwivwa cihande kana.
13Oloze avakumbulwile ngwenyi, #Isa. 60.21; Yowa. 15.2; Koli. 1, 3.9.Jexojo jimbuto vanazeneka kutumba kuli Tata wamwilu navakajivunyamo.
14Vecenu, vanapu vatwamina vatupuputa. #Luka 6.39; Mateu 23.16, 24; Loma 2.19.Oloze nge kapuputa mwatwaminyinako mukwavo kapuputa, kaha vosena vavali navakalindumukila muwina.
15Petulu ahanjikile nakumwamba ngwenyi, Tulumbunwine ciximo kana.
16Yesu ambile ngwenyi, Kumana, nayenu nawa noholyapwa munahono kumona mwalumbunukila mangana?
17Kacamilumbunukilileko tahi? Cexoco nacingila mukanwa nacingila mujimo, kaha hikucimbila.
18Oloze ovyo nayilovoka mukanwa vyeji kufumanga mumucima, kaha vikiko vene navijilulula mutu.
19 #
Ngale. 5.19-21; Koli. 1, 6.9-10. Mwomwo mumucima wamutu mukiko vene mweji kufumanga vixinganyeka vyavipi, nakujiha vatu, namakoji, namaujila, nakwiva, naunjiho wakwonga, natusautu.
20Vikiko vene vyapwa vyuma vyakujilulula mutu, oloze kulya namavoko akuzeneka kusana kacexi kujilulula mutuko.
Kufwelela capwevo muka-Kanane
(Mako 7.24-30)
21Yesu afumine kuze, ayile kulifuci lyaTule naXitone.
22Kaha kumana, kwapwile pwevo muka-Kanane afumine kulifuci lize, atambakanyinenga ngwenyi, Ove Mwata, Ove #9.27.mwanaNdavici, acinguteteleko mwane! mwanami wapwevo vali nakumuyanjisa cikuma kuli ndemone.
23Oloze Ikiye kamukumbulwile nalizu limweko. Kaha tumbaji twenyi vapandamine kuli Ikiye, vamulembelelele ngwavo, Muhange, mwomwo ali nakututambakana cikuma munyima yetu!
24Oloze avakumbulwile ngwenyi, Kavangutumine kuya kuli vekako, kuvanga kuli #10.6, 23.mikoko vakujimbala vakuzuvo yaIsalele kaha.
25Oloze uze pwevo ejile, #8.2; 20.20; Yowa. 9.38.alifukwile kuli Ikiye, amwambile ngwenyi, Ove Mwata, acingukafweko mwane.
26Oloze Ikiye amukumbulwile ngwenyi, Kacawahile kutambula kulya cavana nakucimbila kuli vatuwako.
27Uze pwevo amwambile ngwenyi, Mwomwo vene Mwata, oloze cipwe vatuwa veji kulyanga kuwangululu wakuulumuka kumesa yavakaka javo.
28Haze vene Yesu amukumbulwile ngwenyi, Ove pwevo, #9.22, 28; Mako 10.52; Luka 7.50; 17.19.kufwelela cove cacinene. Vacilinge kuli ove nganomu unazangila. Kaha mwanenyi wapwevo ahindukile kufuma kulwola luze.
Yesu mwahindula vatu vavavulu
29 #
Mako 7.31-37. Yesu afumine kuze, ayile kwakamwihi nacijiva cakuNgalileya. Akandukile hapili atwamineho.
30Kuli Ikiye kwayile mayongomena amanene nakutwala vaka-kumbilikita natupuputa natumama navitonji naveka vavavulu nawa. Kaha vavatumbikile kumahinji aYesu. Avahindwile,
31ngoco lize liyongomena lyalikomokelele hakumona tumama vali nakuhanjika, navitonji valambwe, navaka-kumbilikita vali nakutambuka, natupuputa vali nakumona, kaha vamutohwesele Kalunga kaIsalele.
Yesu mwalisa vatu makombakaji awana
(Mako 8.1-10)
32 #
Mateu 14.13-21. Jino Yesu avasanyikile tumbaji twenyi veze kuli Ikiye, avambile ngwenyi, #9.36.Liyongomena ngunavevwila keke, mwomwo vanaximbula lyehi makumbi atatu nayAmi, kaha kavexi navyakulyako. Kangute kuvasuula vayenga nazala yavo, kucina pamo navafwafwa vizava mujila.
33Tumbaji twenyi Vamwihwile ngwavo, Kuno kupambo natuwanyina kulihi jimbolo jajivulu jakwikucisa liyongomena lyalinene lipwaha ngana?
34Yesu avehwile ngwenyi, Muli najimbolo jingahi? Vakivo vamwambile ngwavo, Jitanu najivali, navaixi vamwe vavandende nawa.
35Kaha lize liyongomena alilwezele ngwenyi, lisendavale hamavu.
36Jize jimbolo jitanu najivali ajitambwile, navaze vaixi nawa, kahomu alingile hanasakwilila lyehi, avipuzwile, avihanyinenga kuli tumbaji twenyi, kaha tumbaji twenyi vavihanyinehanyinenga kumayongomena.
37Vosena valile, vekucile. Kaha vihanda vize vasezeleho vavikungulwile, mitonga yitanu nayivali yato.
38Vaze valile vapwile malunga lika makombakaji awana, namapwevo navanyike nawa.
39Awasuwile aze mayongomena, engilile muwato, ahetele kulifuci lyaMangatane.
Currently Selected:
MATEU 15: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.