MATEU 12
12
Tumbaji twaYesu navaheta tumitwe twatiliku hasambata
(Mako 2.23-28; Luka 6.1-5)
1Hamwaka uze Yesu ahicile mumawande atiliku hasambata. Tumbaji twenyi vevwile zala, kaha #Luxi. 23.25.vaputukile kuhela tumitwe nakulya.
2Oloze vaFwaliseu hakucimona vamwambile ngwavo, Tala, tumbaji twove vali nakulingeci cacijila kulinga hasambata.
3Oloze Ikiye avambile ngwenyi, Kanda mucitange #Samwe. 1, 21.1-6.muze alingile Ndavici tahi? haze evwile zala, navaze nawa apwile navo,
4nomu engilile muzuvo yaKalunga, nomu alile jize jimbolo jakutumbika kumeso aKalunga, jize capwile cijila kulya kuli ikiye nakuli vaze apwile navo, #Levi 24.9.kuvanga kuli vapilixitu kaha.
5Nyi kamwatangile kuJiximbiko tahi? omu #Kula. 28.9-10. veji kujilululanga sambata kuli vapilixitu mutembele halikumbi lyasambata cakuzeneka cuma cakuvahanyina mulonga.
6Oloze nangumilweza ngwami, #v. 41-42; Luka 11.31-32.Hano hali Ou ahambakana tembele.
7Oloze kaci mwatacikizanga mwaya mazu awa ngwavo, #9.13; Hoze. 6.6.Ngunazange vatetelenga vakwavo, cazangile vanguvatwilenga vimunako, kaci kamwavahanyine mulonga ava vazeneka cuma cakuvahanyina mulongako.
8Mwomwo #Yowa. 5.1-18; 7.19-24; 9.1-41.Mwanamutu Ikiye Mwata wasambata.
Mutu ukweci livoko lyakusoseka
(Mako 3.1-6; Luka 6.6-11)
9Kaha afumine kuze, ayile nakwingila #12.9:Tala 4.23.musunangonga yavo.
10Kaha kumana, mwapwile mutu wakusoseka livoko. Vamwihwile Yesu ngwavo, Coloka kuhindula mutu hasambata tahi? mangana ngwavo, vamuhane mulonga.
11Avehwile ngwenyi, #Luka 14.5. Muli enu muli mutu muka ukweci mukoko wenyi umwe, kaci nge ou mukoko kana mwaholokela muwina halikumbi lyasambata, kumana, mwakana kumukwata nakumufumisamo numba?
12Kaha #10.31.mutu omwo ahambakanyina mukoko naulemu! Xikaho coloka vene kulinga mwamwaza hasambata.
13Numba himwamwamba uze mutu ngwenyi, Olola livoko lyove. Alyolwele, kaha lyalumukile ceka kupwa lyalambwe nge likwavo.
14Oloze vaFwaliseu valovokele, #26.4; Mako 14.1; Yowa. 7.30; 8.59; 10.39; 11.53.vamutwamine punga mangana ngwavo, vamone mwakumunongesela.
Ngambou vasakula
15 #
Mako 3.7-12; Luka 6.17-19. Yesu hakucitacikiza afumine kuze. Kwamukavile vatu vavavulu, kaha avahindwile vosena.
16Avakanjile ngwenyi, Kanda mukangusolola kuli vatuko,
17mangana muze vahanjikile muli kapolofweto Isaya mulumbunuke ngwavo,
18 #
Isa. 42.1-4. Tala ngamba yami, ou ngwa sakula,
#
3.17; 17.5. Wami ngwazanga, ou weji kwivwilanga mwono wami kuwaha.
#
Luka 4.18; Yowa. 3.34. Nangumuhaka Xipilitu yami,
Kaha mwakavambulila vakamafuci ciyulo.
19Kexi kukakokojolako, cipwe kuhanjika nalizu lyakukanguka,
Cipwe lizu lyenyi mutu naumwe pimbi mwakalivwa kujijila.
20Lihongo lyakufunyuka kexi kukalihokolako,
Wanda uli nakulovola wixi kexi kukaujimako,
Kutwala nomu mwakasolola ciyulo nakuvahasa vaka-kole.
21Kaha #Loma 15.12.halijina lyenyi hakiko vene navakawanyina vaka-mafuci kutalilila.
Zuvo yakuliliandununa kayexi kuhasa kwimanako
(Mako 3.19-30; Luka 11.14-23)
22Hahaze vene vamutwalilile #9.32-33.muka-ndemone, wakapuputa naumama. Amuhindwile, ngoco uze kamama ahanjikile, amwene.
23Mayongomenosena vafwile cixima, valyambilenga ngwavo, Kwiji, you vene #9.27.mwanaNdavici tahi?
24 #
9.34; 10.25; Yowa. 7.20; 8.52; 10.20. Oloze vaFwaliseu hakucivwa vambile ngwavo, Ou kexi nakuvalovola vandemone nangolo jekako, kuvanga muli mwangana wavandemone Mbelezembule kaha.
25Ikiye #9.4.atacikijile vixinganyeka vyavo, avambile ngwenyi, Wose wangana wakulihandununa navaulingisa kupwa wahwilici, kaha lyose limbo cipwe zuvo yakulihandununa kayexi kwimanako.
26Kaci nge Satana ali nakumulovola Satana, nalihandununa, kaha wangana wenyi nawimana ngacilihi?
27Oloze kaci nge Ami ngweji kuvalovolanga vandemone muli Mbelezembule, kaha vana venu veji kuvalovolanga muliya? Xikaho vakivo navapwa vaka-kumipayisa.
28Oloze nge Ami ngweji kuvalovolanga vandemone muli Xipilitu yaKalunga, kaha wangana waKalunga unamiwane vene.
29Nyi mutu mwahasa ngacilihi kwingila muzuvo yacindume nakupukula vikumba vyenyi? kuvanga xina alivange kumukasou cindume, numbanyi himwapukwojola vyamuzuvo yenyi.
30 #
Luka 11.23; Mako 9.40; Luka 9.50. Ou nakane kupwa kuli Ami ali nayAmi nakole, kahou nakane kukungulwila nayAmi hamwe ali nakumwanga.
31 #
Mako 3.28-30; Luka 12.10. Xikaho nangumilweza ngwami, Milonga yaxili yosena nakusaula cosenoco navamusaula Kalunga navakavakonekelavyo vatu. Oloze kumusaula Xipilitu kavexi kukacikonekelako.
32Kaha wose mwahanjika lizu lyakumufulilila Mwanamutu navakamukonekelalyo. Oloze wose mwamufulilila Xipilitu wajila kavexi kukamukonekelacoko, cipwe hamyaka yino, cipwe kumyaka nayikezaho.
33 #
Luka 6.43-45; Mateu 7.16-20; Yako. 3.11-12; Mateu 15.18. Cipwe mutondo muuwahise uwahe namihako yawo nawa, cipwe mutondo muupihise upihye namihako yawo nawa, mwomwo mutondo navautacikijila kumihako yawo, xikaho.
34 #
3.7; 23.33. Enu tanga yavambandajila, enu munapu muvapi namuhasa ngacilihi kuhanjika vyuma vyamwenemwene? Mwomwo #15.18; Luka 6.45.kanwa keji kuhanjikangevi vinavulu mumucima, xikaho.
35Mutu wamwenemwene, kuluheto lwenyi lwamwenemwene mwalovolako vyamwenemwene, kaha mutu wamupi, kuluheto lwenyi lwalupi mwalovolako vyavipi.
36Nangumilweza ngwami, Mazu amokomoko osenawa navahanjika vatu navakawalumbununa halikumbi Nakusopesa vatu.
37Mwomwo hamazu ove hakiko vene navakakusambixila, hamazu ove hakiko vene navakakupayixila.
Vaka-tanga yayipi navasaka cinjikizo
(Luka 11.29-32)
38Haze vene vaka-kusoneka vamwe navaFwaliseu vamukumbulwile ngwavo, Ove muka-kunangula, #16.1; Mako 8.11-12; Luka 11.16; Yowa. 2.18; 6.30; Koli. 1, 1.22.tunasake ngwetu, tumone cinjikizo kuli Ove.
39Oloze Ikiye avakumbulwile ngwenyi, #16.4.Vaka-tanga yayipi yaujila veji kusakanga cinjikizo, oloze kavexi kukavalweza cinjikizo cekako, xinoco cinjikizo kana cakapolofweto Yona kaha.
40Mwomwo #Yona 1.17.nge muze apwile Yona makumbi atatu, namusana naufuku, mujimo lyayauze ixi wamunene, mukiko nawa mumwakapwa Mwanamutu #16.21.makumbi atatu, namusana naufuku, mukaci kamavu.
41Halikumbi Nakusopesa vatu malunga vakuNyineve navakemana navaka-tanga yino hamwe Hakuvapayisa, mwomwo #Yona 3.5.vakivo vapihililile nakwalumuka hakwambulula caYona. Kaha talenu, #v. 6.hano hali Ou amuhambakana Yona.
42Halikumbi Nakusopesa vatu #Vamya. 1, 10.1; Miji. 2, 9.1.uze mwangana wapwevo wakusulo mwakakatuka navaka-tanga yino hamwe nakuvapayisa, mwomwo ikiye afumine kujisongo jamavu, ejile nakwivwilila mangana aSolomone. Kaha talenu, #v. 6.hano hali Ou amuhambakana Solomone.
Xipilitu wamupi mwakinduluka ceka
(Luka 11.24-26)
43Oloze Xipilitu wamupi hakulovoka muli mutu, mwatambatamba muze mwazeneka meya nakutonda kwakunokela, kaha kexi kuwanakoko.
44Kaha himwalyamba ngwenyi, Nangukinduluka ceka muzuvo yami ngwalovokanga. Hakwiza, mwawana mwamokomoko, mwakukomba mwakwala.
45Kaha himwaya nakulisakila vaxipilitu veka vatanu navavali vakumuhambakana ikiye kupihya, kaha hinavengilamo nakutwamangamo. #Petu. 2, 2.20.Kahomu mwayou mutu mwakukuminyina hinamupihya kuhambakana mwenyi mwakulivanga. Mukiko vene munacikapwa kuli vaka-tanga yino.
Naye yaYesu navandumbwenyi
(Mako 3.31-35; Luka 8.19-21)
46Ximbu apwile acili nakuhanjika kumayongomena, kumana, #Yowa. 2.1-12; 19.25-27; 7.1-10; Mako 6.3; Koli. 1, 9.5; Ngale. 1.19.naye navandumbwenyi vemanyine kuweluka, vasakile ngwavo, vahanjike nenyi.
47Kaha kwapwile mutu amulwezele ngwenyi, Tala, noko navandumbwove vanemana haweluka, vanasake ngwavo, vahanjike nove.
48Oloze Ikiye amukumbulwile uze amulwezele ngwenyi, Mameya? Navandumbwami veya?
49Kaholwele livoko lyenyi nakuvenyika tumbaji twenyi, ngwenyi, Tala, vamama navandumbwami ava!
50Mwomwo #Yowa. 15.4.wose mwalinga mwaya mucima waTata ali mwilu, ikiye vene ndumbwami walunga, ikiye ndumbwami wapwevo, ikiye mama.
Currently Selected:
MATEU 12: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.