MALAKI 3
3
1Talenu, #Mateu 11.10, 14; Mako 1.2; Luka 7.27.nangukatuma muluwa wami, kaha mwakalongesa jila yami kumeso ami. Kaha kukasumuka, Mwata, Ou mweji kutondanga, mwakeza kutembele yenyi, muluwa waluxiko ou mweji kwivwilanga kuwaha, talenu, mwakeza. Mukiko mwanambe Yehova wamayongomena.
2Oloze #Isa. 33.14; Ezeke. 22.14.iyaze mwakahasa likumbi lyakwiza cenyi? kaha iyaze mwakemana omu mwakasoloka? mwomwo ikiye napu #Zeka. 13.9; Mateu 3.10-12; Koli. 1, 3.13-15.nge kakahya kamuka-kuheha, nge njapau yavaka-kutomesa mahina.
3Mwakatwama mwamuka-kuheha muka-kutomesa palata, mwakavatomesa vana vaLevi, mwakavaheha nge ulu napalata. Kaha navakamuhananga Yehova mawana mukwoloka.
4Ngoco wana waYuta naYelusalema naukamwivwisanga Yehova kuwaha nge hamakumbi akumyaka, nge hamyaka yakuxikulu.
5Nangukapandama kuli enu nakumisopesa. Nangukapwa ngucinjiho wakwanguhwisa kuli vaka-kupanda nakuli vaka-ujila nakuli vaka-kulixinga mwakwonga nakuli vaka-kulisa vangamba javo nacikela kujifweto javo nakulisa vatuliwe navava vazeneka masevo nacikela, ava veji kuhengesanga ciyulo cavaka-kuzuzumana nakukana kungwivwa woma. Mukiko mwanambe Yehova wamayongomena.
Kuhana vyakusokesa mumakumi
6Mwomwo Ami Yehova #Kula. 23.19; Yako. 1.17.kangwexi kwalumuka mwekako, xikaho enu vana vaYakova kamwalalileko.
7Kufumisa kumakumbi avakakuluka jenu Hiunapyapumuka kuvilika vyami, kamwavilamineko. Kindulukenu kuli Ami kaha nangukinduluka kuli enu. Mukiko mwanambe Yehova wamayongomena. Oloze namungwihula ngwenu, Mulihize natukindulukila?
8Mutu mwalyapula Kalunga numba? oloze mweji kungulyapulangAmi. Oloze namungwihula ngwenu, Mulihize tunakulyapwila? Muvize vyakusokesa mumakumi namumuwana akuzundula.
9Munapu muvakwangula cangu, mwomwo mweji kungulyapulangAmi, muyaci wosenou vene.
10Vyakusokesa mumakumi vingisenu vyosena muzuvo yakulamina vikumba, mangana muzuvo yami mupwenga vyakulya, mungwesekelemo (mukiko mwanambe Yehova wamayongomena), kutala numba nge kangwexi kumisokolwela jinjanena jamwilu nakumihingunwina kuwahisa nomu #Levi 26.3-5.namuhona mwakucitambwila.
11Kaha muka-kulya vyenu nangumuhanjikila hali enu, kexi kukenyeka vyakwima hamavu enuko, kaha mivinyo yenu kayexi kukapulikiza kuwandeko. Mukiko mwanambe Yehova wamayongomena.
12Vaka-mafuci osena navakamivulukanga ngwavo, Mwatokwa, mwomwo namukapwanga mulifuci lyakwivwisa kuwaha. Mukiko mwanambe Yehova wamayongomena.
Omu navakahandununa vakakwoloka navaka-kuhuka
13Mazu enu anakakama kuli Ami. Mukiko mwanambe Yehova. Oloze namungwihula ngwenu, Tunalihanjikisa hali Ove ngwetu ika?
14Munalyambe ngwenu, Kumuzacila Kalunga hikulixina, ngwenu, Omu tunalame oco atuhanyine kulama nomu tunatambuka nakuyengayenga kumeso aYehova wamayongomena muli nganyo yika?
15Kaha jino, vaka-kulipambula tweji kuvavulukanga ngwetu, Vatokwa. Camwenemwene, ava veji kulinganga mwakuhuka vanavatungu. Camwenemwene, ava navamweseka Kalunga hinavayovoka.
16Haze vene vaze vamwivwilenga Yehova woma valihanjikixilenga mutu namukwavo. Yehova atengelekele matwitwi enyi nakwivwako, kaha vasonekele #Isa. 4.3; Ndanye. 12.1.mukanda wakwanukilangaho kumeso enyi, hali vaze vamwivwilenga Yehova woma, vaze vaxinganyekelenga lijina lyenyi.
17Yehova wamayongomena nambe ngwenyi, Kaha navakapwanga vami, #Kulo. 19.5; Luxi. 7.6; Isa. 43.2; Petu. 1, 2.9.hiluheto lwami, halikumbi lize nguli nakulinga. Nangukayatetela nganomu eji kutetelanga mutu mwanenyi ou eji kumuzacilanga.
18Kaha namukakinduluka nakumonomu vanahandunuka mukakwoloka namuka-kuhuka, nou eji kumuzacilanga Kalunga nou eji kukananga kumuzacila.
Currently Selected:
MALAKI 3: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.