SEKHARAÏAH 9
9
Ka jingbishar halor ki jaid bynriew kiba marjan
1 #
Isa. 23:1-18; Ese. 26:1—28:26; Jol. 3:4-8; Amo. 1:9,10; Mat. 11:21,22; Luk. 10:13,14. #
Isa. 17:1-3; Jer. 49:23-27; Amo. 1:3-5. Ka jingkit ka ktien U Trai
halor ka ri u Hadrakh,
bad ka Damaskos kan long
ka jaka shong jong ka:
naba ka khmat u briew
bad ka jong ki jaid Israel baroh
ka peit sha U Trai:
2bad ka Hamath ruh
kaba marpud bad ka:
ka Tyros bad ka Sidon,
namar ba ka stad eh.
3Ka Tyros ka la tei ha ka,
ka kut baskhem,
bad ka la kynton ïa ka rupa
kum ka 'dewmet,
bad ïa ka ksiar nylla
kum ka ktieh ki lynti shnong.
4Ha khmih, U Trai un tait noh
ïa ka,
bad un shoh ïa ka bor jong ka
ha ka duriaw;
bad yn bam duh ïa ka
da ka ding.
5 #
Isa. 14:29-31; Jer. 47:1-7; Ese. 25:15-17; Jol. 3:4-8; Amo. 1:6-8; Seph. 2:4-7. “Ka Ashkelon kan ïohi ïa kata,
bad kan sheptieng;
ka Gasa ruh,
bad kan sngewsih sat;
bad ka Ekron,
naba yn pynlehrain
ïa ka jingkyrmen jong ka:
bad u syiem un ïap noh
na Gasa,
bad ka Ashkelon
kan long ka bymshong briew.
6Bad u khun klim
un shong ha Ashdod,
bad ngan ot noh
ïa ka jingsarong ki Philistia.
7Bad ngan shim noh
ïa ka snam jong u
na ka shyntur jong u,
bad ka jingijli jong u
napdeng ki bniat jong u;
bad u ruh, un long
ka bynta ba sah
ïa U Blei jong ngi:
bad un long
kum u nongïalam ha Judah,
bad ka Ekron
kum u nong Jebus.
8Bad ngan shong ap sawdong
la ka ïing
pyrshah ïa u paidïapom,
katba ym don u ban ïaid lyngba
lymne wan phai:
bad ym don u nongbanbeiñ
u ban ïaid
napdeng jong ki shuh:
naba nga la ïohi mynta
da la ki khmat.”
U Syiem ka Seïon un wan
9 #
Mat. 21:5; Ïoan. 12:15. “To leh kmen shikatdei,
ko ka khun Seïon;
to risa, ko ka khun Jerusalem:
ha khmih, u syiem jong pha
u wan ha pha:
u long u bahok,
bad uba don ka jingpynim;
uba leh rit, bad uba shong
halor u kadda,
halor u khun kadda
jong ka kadda keiñ.
10 #
Salm. 72:8. Bad ngan pynduh noh
ïa ka kali thma na Ephraim,
bad ïa u kulai na Jerusalem;
bad yn pynduh noh
ïa ka ryntieh ïaleh thma;
bad un kren ka jingïasuk
ha ki jaid bynriew:
bad ka jingsynshar jong u
kan long naduh ka duriaw
haduh ka duriaw,
bad naduh kata ka Wah
haduh ki bakut
ka khyndew.”
Ka jingkular U Blei ïa ka jingjop bad ka jingïada
11“Ma pha ruh,
namar kata ka snam ka jutang
jong pha,
nga la pyllait noh
ïa ki nongsah byndi jong pha
na kata ka 'liewlep
ka bymdon um.
12To phai noh sha kata
ka kut baskhem,
phi ki nongsah byndi
ba sah jingkyrmen:
wat ha kane ka sngi,
nga pynbna
ba ngan pynburia ha pha
ar shah.
13Naba nga la wiat ïa u Judah
ha nga,
bad nga la pyndap
ïa ka ryntieh
da u Ephraim;
bad ngan pynkhih
ïa ki khun shynrang jong pha,
ko Seïon,
pyrshah ïa ki khun jong pha,
ko Gris,
bad ngan pynlong ïa pha
kum ka waitlam
u rangbah bakhlaiñ.”
14Bad ïa U Trai yn ïohi
halor jong ki,
bad u khnam jong u
un mih noh kum ka leilieh:
bad U Trai U Blei
un put ïa ka turoi,
bad un leit bad ki lyer langthari
ka shathie.
15U Trai ki paid
un da ïa ki;
bad kin bam duh,
bad kin ïuh roit
ïa ki maw kawang;
bad kin dih, bad kin kynha
kum namar ka Waiñ:
te yn pyndap ïa ki
kum ïa ki khuri heh,
kum ki dong jong ka duwan.
16Bad U Trai U Blei
jong ki
un pynim ïa ki ha kata ka sngi
kum ka kynhun u paidbah
jong u:
naba kin long
kum ki maw pansngiat,
ba la kyntiew sha jrong
halor ka ri jong u.
17Naba katno ka khraw
ka jingbha jong u,
bad katno ka khraw
ka jingitynnad jong u!
u Kew un pynman
ïa ki samla shynrang,
bad ka Waiñ thymmai
ïa ki samla kynthei.
Currently Selected:
SEKHARAÏAH 9: KHB
Highlight
Share
Copy
Want to have your highlights saved across all your devices? Sign up or sign in
The Bible Society of India