MARIKO 14
14
Abasinjilili ba Abayahudi batuta okhwira Yesu
(Mat. 26:1-5; Luka 22:1-2; Yoh. 11:45-53)
1 #
Okhur. 12:1-27
Bulano tsiali nitsishili tsinyanga tsibili okhuula khunyanga yelisabo lia Pasaka nende eliemikaate echibulamwo limela. Abesaaliisi abakhulundu nende abahandichi bamalako bali nibakhabaanga shinga olwa batiila Yesu mabiswi nende okhumwiira. 2Okhuba baboola bari, “Shikhulamutiilakhwo olwa lisabo liba nililiho ta, shichila abandu bakhetsukhana bakhola indiri.”
Yesu abakhwa amafura nali Betsania
(Mat. 26:6-13; Yoh. 12:1-8)
3 #
Luka 7:37,38 Ne Yesu nali Betsania, niyekhaale nalitsanga munzu mwa Simoni, owali owobuchele, omukhasi undi yetsa nali nende eshimuka eshia amafura keshing'ari khandi akobukusi obweikulu. Nafunula eshimuka eshio, natsukhulula amafura ako khumurwe kwa Yesu. 4Nebutswa abandi khu bandu balimwo, basinyikha nibabuluula nibareebana abeene khu beene bari, “Eshichila amafura ako nikasasibwa butswa kario nishiina? 5Okhuba amafura ako kakhakusiibwe amapesa amanji akashila tsidinari ebikhumi bitaru, ne nikakabilwa abamanani.” Kho nibayiibila omukhasi oyo, nibaboola mbu shiyakhakholile ario tawe. 6Naye Yesu nababoolela ari, “Muleshe abe! Mumunyasinjia shichila shiina? Ye yakholeele omulimo omulayi okwolukoosi. 7#Okhuk. 15:11Shichila mubetsanga nende abamanani tsinyanga tsiosi, ne buli olwa mwenya lwosi, munyala okhubakholela amalayi. Nebutswa shimulabetsanga ninasi tsinyanga tsiosi tawe. 8Ye akholile kanyaliilwe, yekholeleele okhutsushilila nende okhubakha omubili kwanje amafura, khulwa okhukurechekha okhuyabilwa. 9Emuboolela toto mbu, buli aha Injiili yakhayaalungwe mushialo shiosi, aka akholile ako kakhaboolungwekhwo khulwa okhwitsulila omukhasi uno.”
Yuda afuchilila okhukhoba Yesu
(Mat. 26:14-16; Luka 22:3-6)
10Mana Yuda Isikarioti, owali mulala khubeechi ekhumi nababili, yatsia khu abesaaliisi akhulundu kho mbu, akhobe Yesu. 11Ne olwa bahulilakhwo, basaangaala, ne nibamusuubisia okhumuhelesia amapesa. Naye nachaaka okhukhaaba obwiyangu obulayi bwokhumuhaana mumakhono kabwe.
Yesu alia eshiokhulia shia Pasaka halala nende abeechibe
(Mat. 26:17-25; Luka 22:7-14,21-23; Yoh. 13:21-30)
12Mana khunyanga yambeli yelisabo liemikaate echibulamwo limela, olwa basinzanga eshimeeme shielikondi khulwa lisabo lia Pasaka, abeechi ba Yesu bamureeba bari, “Wenya mbu khutsie khukhukaasilie hena lisabo lia Pasaka?” 13Kho Yesu naruma babili abokhubeechibe, nababoolela ari, “Tsie mwitookho, ne mulabukaana nende omusaatsa undi niyetuushile isiongo yamaatsi khumurwekwe, mumulondekhwo. 14Ne, hosi hosi aha nayenjile, muboolele mwenenzu eyo muri, ‘Omwechesia areebanga mbu, eshisika shianje shiabacheni shili hena, eshia isie nende abeechi banje khulaliilamwo lisabo lia Pasaka?’ 15Naye omwene alamumanyia eshisika shieikulu eshikkongo eshialilwe obulayi khandi shimalile okhurechekhwa. Mukhukaasilie mubwenomwo.” 16Mana abeechi abo nibarula nibatsia mwitookho omwo, ne nibanyoola nikali shinga olwa Yesu yali nababooleele. Kho nibakaasia lisabo lia Pasaka.
17Ne bwela, Yesu niyetsa nende abeechi ekhumi nababili abo. 18#Tsits. 41:9Kho olwa bali nibekhale nibaliitsanga, Yesu yaboola ari, “Emuboolela toto mbu, mulala khwinywe oulitsanga ninasi alaakhoba.” 19Mana buli mulala nachaaka okhumureeba ari, “Ekhali sie noho?” 20Naye Yesu nabakalusia ari, “Nimulala khwinywe ekhumi nababili, outonganga omukaate ninasi mushikaye shilala. 21Okhuba Omwana womundu atsia okhufwa shinga olwa kahandikwa mbu yakhafwe. Nebutswa ali mushilaamo shiobubi, omundu oukhoba Omwana womundu! Bwakhabeele obulayi omundu oyo kata yalekha okhwibulwa.”
Lisabo elia Omwami
(Mat. 26:26-30; Luka 22:14-20; 1 Abakor. 11:23-25)
22Ne olwa bali nibaliitsanga, Yesu yabukula omukaate, ne nakusabila ikhabi, nakusonyola, ne nabahelesia abeechibe naboola ari, “Bukule muliekhwo, kuno nomubili kwanje.” 23Khandi nabukula eshikombe shieidivai, ne olwa yali namalile okhukhupa orio, yahelesia abeechibe, mana boosi nibanywa. 24#Okhur. 24:8; Yer. 31:31-34Kho nababoolela ari, “Kano namabanga kanje akeindakano imbia, akebeena khulwabandu abanji. 25Emuboolela toto mbu, shindakhanywekhwo khandi idivai ta, okhuula olwa ndakhachinywe obuyia mubwami bwa Nyasaye.” 26Ne olwa bali nibamalile okhwimba olwimbo, barula nibatsia khushikulu shia Miseituni.
Yesu arumbula mbu Petero yakhamwikaane
(Mat. 26:31-35; Luka 22:31-34; Yoh. 13:36-38)
27 #
Zak. 13:7
Mana Yesu naboolela abeechibe ari, “Inywe mwesi namunzilushe, shichila kahandikwa mbu, ‘Ndakhakhupe omwayi, ne amakondi kakhasalaane.’ 28#Mat. 28:16Nebutswa olwa ndakhabe nemalile okhulamusibwa okhurula mubafu, ndakharanjilile okhutsia Galilaya.” 29Naye Petero namuboolela ari, “Kata boosi nibakhwilukha, isie shindakhakhwilushe tawe.” 30Yesu namuboolela ari, “Ekhuboolela toto mbu, eshilo shino, olanzikaana akhandi khataru, itaywa niyilashialakula akhandi khabili tawe.” 31Naye Petero naboola natinyisia muno ari, “Kata nikaba mbu, okhuula khufwe ninawe, shinekhwikaanekhwo tawe.” Khandi abeechi bandi boosi nibaboola bario.
Yesu asaaya nali mumukunda kwa Getsisemane
(Mat. 26:36-46; Luka 22:39-46)
32Mana nibatsia habundu ahalangungwa mbu, Getsisemane. Mana Yesu naboolela abeechibe ari, “Mwikhalekhwo hano, nasi neshisaaya.” 33Mana olunyuma nabukula Petero, Yakobo nende Yohana, ne nachaaka okhubeyabeya nende okhunyakhana mumwoyokwe muno. 34Mana nababoolela ari, “Omwoyo kwanje kuli neshibeela eshinji. Shienya okhunzira, mutoonye hano, ne mube meeso.” 35Natsiakhwo hambeli hatiiti, niyekhupa hasi nasaaya naboola mbu, nikaba nikanyalikha, aleshe okhubirakhwo mushise shiamatinyu eshio tawe. 36Mana naboola ari, “Papa wanje, amakhuwa koosi kanyalikhanga khwiwe, umbiniekhwo eshikombe shiamatinyu shino. Nebutswa kalaba aka sie enzenya ta, habula aka iwe wenya.” 37Mana niyetsa nabanyoola nibakonanga tsindoolo, nareeba Petero ari, “Simoni, okonanga? Shionyaliilwe okhuba meeso kata khulwa isaa ndala yonyene ta? 38Mube meeso, nimusaaya, kho mbu muleshe okhwinjila mukhuteemwa. Omwoyo kwenyanga, nakwo omubili nomuteshele.” 39Khandi narulaho natsia nasaaya, ne nakalushila okhuboola amakhuwa malala tsana ako. 40Niyetsa khandi nabanyoola nibakonanga tsindoolo, shichila tsimoni tsiabwe tsiali nitsisitohe, ne nibakorwa elia bamukalusia. 41Khandi niyetsa olwakhataru, nabareeba ari, “Mushikonanga tsindoolo nimuhuluukha? Tsihelile! Eshise bulano shiakhoola. Lole, Omwana womundu ahaanilwe mubunyali bwabandu abonooni. 42Buushe, chende khutsie. Lole, omukhobi wanje amalile okhuula!”
Okhutiilwa khwa Yesu
(Mat. 26:47-56; Luka 22:47-53; Yoh. 18:3-12)
43Olwa Yesu yali nashiboolanga amakhuwa ako, Yuda, mulala khubeechi ekhumi nababili abo, niyetsa. Yali nende omukanda kwabetsinganga nende tsindabushi, abali nibarumilwe nende abesaaliisi abakhulundu, abahandichi bamalako nende abakofu. 44Ne Yuda, omukhobi wa Yesu yali nabamanyiye eshilolelo, nababooleele ari, “Owa ndalafumbeelela niye owatsana oyo, mumutiile mumuyile nali hasi wobulindi.” 45Nolwa Yuda yetsa, yasita aha Yesu yali bwangu naboola ari, “Omwami!” Ne namufumbeelela. 46Mana nibamukwakhwo ne nibamutiila. 47Nebutswa oundi khubali nibasinjiileho yatsomola olukangalwe, nakhalaka eshirwi shiomukhalabani womwisaaliisi omukhulundu. 48Naye Yesu nabareeba ari, “Mwitsile netsinganga nende tsindabushi okhundiila, shinga abatiila omunuuli? 49#Luka 19:47; 21:37Ndabelenje ninenywe halala muhekalu buli lwosi, ninzechesinjia ne shimwayandiilakhwo ta. Nebutswa bulano leshe Amahandiko koosibwe.” 50Mana abeechi boosi nibelukha nibamulekha. 51Ne omusiani undi omubuukha yalonda khu Yesu neyefwalile butswa ingubo yeikitani yonyene. Abelihe nibateema okhutiila omubuukha oyo, 52nebutswa niyelukha shichula, nalekha inguboye yeikitani eyo.
Yesu ayaasibwa mushiina shiabakofu ba Abayahudi
(Mat. 26:57-68; Luka 22:54-55,63-71; Yoh. 18:13-14,19-24)
53Mana abelihe nibayila Yesu womwisaaliisi omukhulundu, ewa abesaaliisi abakhulundu boosi nabakofu nende abahandichi bamalako bali nibakhung'anile. 54Petero yali namulondangakhwo nali ehalekhwo, niyola mukari mwolwanyi lwomwisaaliisi omukhulundu. Yali niyekhaale halala nende abalindi, niyooranga omulilo. 55Abesaaliisi abakhulundu nende abeshiina boosi nibakhaaba obuloli khu Yesu mbu bamwiire, habula shibanyoola tawe. 56Okhuba abandu abanji bakholela Yesu obuloli bwobubeeyi, khulwa okhumwinjilila, ne obuloli bwabwe shibwafuchilisania tawe. 57Khandi abandi khubo basinjila nibakhola obuloli bwobubeeyi khulwa okhumwinjilila nibaboola khuye bari, 58#Yoh. 2:19“Khwamuhuliile naboolanga ari, ‘Ndalalikulula Ihekalu yino eyoombakhwa nabandu, mana khulwa tsinyanga tsitaru ndalombakha eyindi, eyilombakhwa namakhono kabandu tawe.’ ” 59Kata kario obuloli bwabwe shibwafuchilisania tawe. 60Mana Omwisaaliisi omukhulundu nasinjila hakari kari wabwe nareeba Yesu ari, “Obula likhuwa liokhukalusia? Nobuloli shiina obwabandu bano bakholanga khwiwe khulwa okhukhwinjilila iwe itookho?” 61Nebutswa Yesu yaholeela butswa tsi, nalakalusiakhwo likhuwa liosi liosi tawe. Khandi Omwisaaliisi omukhulundu namureeba ari, “Niwe Kristo watsana, Omwana wa Nyasaye Mwene ikhabi?” 62#Dan. 7:13Yesu nakalusia ari, “Nisie. Khandi mwakhalole Omwana womundu niyekhaale khumukhono musaatsa kwa Nyasaye mwene bunyali ne niyetselanga khumaleesi komwikulu.” 63Mana omwisaaliisi omukhulundu oyo narandula tsingubotsie ne nareeba abakhalachi beshiina ari, “Eshichila nikhushienya abaloli bandi nishiina? 64#Abal. 24:16Inywe abeene muhulile amanyekoke khu Nyasaye. Mukhalaka murie?” Boosi nibamukhalachila eshiina mbu akwanile okhufwa. 65Mana abandi nibachaaka okhunyilikha khu Yesu amare, nibamufuunikha mumoni, nibamukhupa, nibaboola bari, “Lakulakhwo! Oukhukhupile niwiina?” Mana abelihe bandi nibamubukula nibamupaama tsikhofi.
Petero yekaana Yesu
(Mat. 26:69-75; Luka 22:56-62; Yoh. 18:15-18,25-27)
66Ne olwa Petero yali nashili mulwanyi emwalo walwo, Omukhaana undi mulala khubakhalabani bomwisaaliisi omukhulundu niyetsaho. 67Ne olwa yalola Petero niyooranga omulilo, yamuhenga ne namureeba ari, “Wesi wabeele nende Omunazareti oulangwa mbu Yesu?” 68Nebutswa Petero niyekaana naboola ari, “Shiemanyilekhwo akoboolanga ta khandi shiendikhwo nobumanyilisi khuko tawe.” Mana Petro narula natsia elwanyi mushiliibwa. 69Ne Omukhaana omukhalabani oyo namulola, nachaaka khandi okhuboolela abali basinjiileho ari, “Omundu uno, nimulala khubo.” 70Nebutswa khandi Petero yekaana. Ne olunyumakhwo khandi abali nibasinjiileho nibaboolela Petero bari, “Toto mwene oli mulala khubo. Okhuba oli Omugalilaya.” 71Naye Petero niyetsuba naboola ari, “Nditsuba mubwatoto mbu, emboolanga akahabwene! Nyasaye akhoya yambelesia eshinyasio nemba nemboolanga akobubeeyi! Shiemanyilekhwo omundu wa muboolangakhwo uno tawe!” 72Habwene nababwene itaywa niyikholiokha olwa khabili. Mana Petero niyetsulila shinga olwa Yesu yali namuboolele, ari “Itaywa niyilashiakholiokha akhandi khabili, nobe niunzikaanile akhandi kataru mbu, shiumanyile ta.” Mana nachaaka okhulila amasika.
Currently Selected:
MARIKO 14: OLUPR
Highlight
Share
Copy
Want to have your highlights saved across all your devices? Sign up or sign in