MATAYO 20
20
Abakholi abomumukunda okwa Emitsabibu
1“Obwami bwa Nyasaye buli buri nanwa; Yaliho omundu owarula mumabwibwi natsia okhuhandika abakhalabani abokhukhola emilimo mumukundakwe kwemitsabibu. 2Yalakana ninabo mbu alabarunga idinari ndala khunyanga, nikwo okwalinji omurungo kweinyanga ndala. Yabaruma okhukhola emilimo mumukundakwe kwemitsabibu. 3Yarula khandi natsia mushiiro ahambi saa tsitaru tsiomumabwibwi nalola abandu bandi nibasinjiile butswa nibalakholangakhwo emilimo chiosi chiosi tawe. 4Kho nababoolela ari, ‘Mutsie mwesi mukhole emilimo mumukunda kwanje kwemitsabibu, ne ndalamurunga inywe eshimukhoyela!’ Ne nibatsia. 5Mana ahambi isaa yakhasasaba nende eyashienda yakhola khandi ario. 6Ne ahambi khusaa yekhumi nandala khungoloobe, yarula khandi nanyoola abandu bandi nibasinjiile nabareeba ari, ‘Mbushiina nimusinjiile hano eshiteere shiosi nimulakholakhwo omulimo kwosi ta?’ 7Nibakalusia bari, ‘Abulaho oukhuhandiche ifwe okhukhola emilimo ta.’ Nababoolela ari, ‘Mutsie mwesi khandi mukhole emilimo mumukunda kwanje kwemitsabibu.’
8 #
Abal. 19:13; Okhuk. 24:15 “Olwa obwile bwola, omwene omukunda oyo, yaboolela omusinjilili wemilimochie ari, ‘Langa abakholi obahelesie omurungo kwabwe, okhuchaachila khubamaliliishe okhuhandikwa okhuula khubaranjiliile.’ 9Ne olwa abo abahandikwa ahambi khusaa yekhumi nandala yokhubwile betsa, buli shiamulala nanyoola idinari ndala, okwali omurungo kweinyanga ndala. 10Kho olwa abali nibaranjiliile okhuhandikwa betsa okhurungwa, bapaara mbu balarungwa tsidinari tsinyinji. Nebutswa boosi khandi bahebwa idinari ndala, okwali omurungo kweinyanga ndala. 11Babukula amapesa kabwe mana nibachaaka okhubuluulila omwene mukunda oyo, 12nibaboola bari, ‘Abandu bano abamalilishe okhuhandikwa bakholile emilimo khulwe isa ndala yonyene, nefu khwifwilile emilimo chieshiteere eshilamba nomubasu omululu, ne obarunjile omurungo okuhelana nende okwefwe!’ 13Naye nakalusia mulala khubo ari, ‘Owashianje, shiekhukholeele libi liosi ta. Shikhulakane ninawe mbu ndalakhurunga omurungo kweinyanga ndala? 14Bukula omurungokwo mana otsie. Ndenya okhuhelesia ouhandikwe olwokhumalilikha uno eshihelana nende eshiekhuhele. 15Shiendi nobulekhuule khumapesa kanje okhukhola shinga olwa enzenya? Noho okhalishilwe omukongo shichila endi omuhaani?’ ”
16 #
Mat. 19:30; Mrk. 10:31; Luka 13:30 Mana Yesu namaliila okhuboola ari, “Kho abo abamalilikha baliba abeimbeli, ne abeimbeli baliba abokhumalilikha.”
Yesu aboola olwakhataru khukokhufwakhwe
(Mrk. 10:32-34; Luka 18:31-34)
17Ne olwa Yesu yali natikulukhanga Yerusalemu, yabukula abeechi ekhumi nababili abo shibeka, naboola ninabo bonyene khunjila ari, 18“Lole, khutikulukhanga Yerusalemu; ne Omwana womundu alahaanwa khubesaaliisi abakhulundu nende abeechesia abamalako. Nabo balamukhalachila okhwiirwa, 19mana bamuhane mumakhono aka Abamahanga, abalamutseshelela nibamunywekha netsikhoba nende okhumubamba khumusalaba, ne olunyuma lwetsinyanga tsitaru, Nyasaye alamulamusia.”
Aka nyinamwana Yakobo nende Yohana yasaba
(Mrk. 10:35-45)
20Mana nyinamwana abaana ba Zebedayo niyetsa khu Yesu halala nabaanabe abasiani babili, nasikama imbeliwe namusaba obukhoonyi.
21Yesu namureeba ari, “Wenyanga shiina?”
Naye nakalusia ari, “Olachilisie mbu, abaana banje babili bano bekhale, mulala khumukhonokwo musaatsa, naye oundi khumukhonokwo mukhasi muburuchibwo.”
22Ne Yesu nakalusia abasiani abo ari, “Mukorirwe eshiamusabanga. Munyala okhunywakhwo khushikombe eshiamanyakhano eshiendi okhunywa?” Nibakalusia bari, “Khunyala.”
23Yesu nababoolela ari, “Toto, mulanywakhwo mushikombe shianje, nebutswa akokhwikhala khumukhono kwanje omusaatsa nende omukhasi shikali akanje okhuhaana ta, habula kabeene abo aba Papa wanje yakasilia.”
24Ne olwa abeechi ekhumi bandi abo bahulilakhwo amakhuwa ako, basinyishila abeechi babili abo. 25#Luka 22:25,26Kho Yesu nabalanga boosi halala nababoolela ari, “Mumanyile shinga abaruchi babandu bamahanga kandi barukanga abali hasi wabwe khandi shinga olwa abemilisi abo babarukanga obululu. 26#Mat. 23:11; Mrk. 9:35; Luka 22:26Ne shikalaba kario mwinywe tawe. Omundu wenya okhuba omukhongo mwinywe, okhuula abe omukhalabani wenywe. 27Naye owenya okhuba owambeli, okhuula abe omusumba wenywe. 28Nolwa Omwana womundu yesi khandi alayetsa okhukhalabanilwa ta, habula yetsa okhukhalabana, nende okhuhaana obulamubwe khulwa okhununula abanji ario.”
Yesu ahonia ababofu babili
(Mrk. 10:46-52; Luka 18:35-43)
29Ne olwa Yesu nende abeechibe bali nibarulanga Yeriko, omukanda omukhongo kwabandu kwamulondakhwo. 30Ne lola, ababofu babili, abali nibekhaale khundulo weinjila bahulila mbu, Yesu yali nabirangaho. Kho nibachaaka okhulanjilisia nibaboola bari, “Omwami! Omwana wa Daudi! Okhubeele tsimbabasi.”
31Abomukanda abo nibabakondeshela nibababoolela mbu baholeele tsi. Nebutswa nabo nibameeta okhulanjilisia bari, “Omwami! Omwana wa Daudi! Okhubeele tsimbabasi!”
32Yesu nasinjilaho, nabalanga ne nabareeba ari, “Nishiina eshia mwenyanga mbu emukholele inywe?”
33Nibamukalusia nibaboola bari, “Omwami, khwenya mbu okhutimbule tsimoni tsiefwe khunyalilwe okhulola!” 34Yesu nabalolela tsimbabasi, mana natiila khutsimoni tsiabwe. Ne habwene nahabwene nibachaaka okhulola, ne nibamulondakhwo.
Currently Selected:
MATAYO 20: OLUPR
Highlight
Share
Copy
Want to have your highlights saved across all your devices? Sign up or sign in