MALAKI 3
3
1 #
Mat. 11:10; Mrk. 1:2; Luka 1:76; 7:27 OMWAMI Nyasaye omwene mahe aboola ari, “Lole, erumanga omurumwa wanje imbeli okhungasilia injila, naye OMWAMI Nyasaye owa mukhaabanga aleetsa khuhekaluye metsukhana. Omurume owamulindililanga nobuha obunji aleetsa okhwilwatsa indakano yanje.”
2 #
Yoe. 2:11; Obufw. 6:17 Ali heena owakhesimilisilia induukho eyokhwitsakhwe? Kata ali heena ounyala okhusinjila olwa ololekha? Ali shinga omulilo kwomwiranyi asalulilanga ebibia, kata shinga isabuni eyomufuyi wetsingubo. 3Yakhetse okhukhalaka eshiina shinga omundu olwa asiiyanga nende okhulabia ifetsa. Alabalabia nende okhubasiiya obolwibulo lwa Lawi, shinga olwa itsahabu nende ifetsa bikholungwa okhuula olwa bamumalila OMWAMI Nyasaye omusango okumukhoyeele. 4Mana emisango chiabandu ba Yuda nende ba Yerusalemu chilamuchamisiia OMWAMI Nyasaye shinga chiabandu ba khale khandi shinga chiomumiyika chiabira.
5OMWAMI Nyasaye omwene mahe aboola ari, “Ndakhasite ahambi ninenywe okhumukhalachila eshiina. Shindakhashinde okhukondeshela abafumu, abalayi, ababoolanga obuloli bwobubeeyi, abebelanga abakholi babwe, abasandinjia abakhasi nende abaana ababisandu, nende abarende, khandi abo abalaritsanga isie ta.
Okhurungwa okhwa eshielikhumi
6 #
Sira 48:10
“Inywe aboluyia lwa Yakobo, isie endi OMWAMI Nyasaye, ne shiengalukhananga ta. Nishio eshichila nimushili okhutibila elala, 7kata nimuba nimwashiama okhurula khukandamulachilisia nimulakaloonda ta, okhurula mutsinyanga tsiabakuuka benywe. Nimuba nimungalushila, nasi ndalamukalushila. Nebutswa inywe mureebanga muri, ‘Khulakhukalushila khurie?’ 8Nasi emureeba mbu, Nobulayi omundu okhumwibila OMWAMI Nyasaye omwene mahe? Tawe! Khandi mureebanga mbu, ‘Khukhwibilanga khurie?’ Munzibilanga okhubirira mubihaanwa bienywe nende eshitonye shielikhumi shienywe. 9Muli mushilaamo shiobubii inywe nende lihanga lienywe liosi khulwa okhunzibila. 10#Abal. 27:30; Obub. 18:21-24; Okhuk. 12:6; 14:22-29; Neh. 13:12Reere eshitonye shienywe shielikhumi shiosi mushiachi shianje kho mbu, ebiokhulia bibe ebinji munzu mwanje. Muundeemekhwo munjila eyo, mana mulole nikaba mbu, ndalachweya okhumwikulila amatirisha komwikulu, nemusuundulila tsikhabi tsinyinji. 11Khulwenywe, ndalekalila tsisiche okhusasia ebirache biomukanda kwenywe. Nachio emitsabibu shichilalekha okhwama ebiamo tawe. Nolwa isie OMWAMI Nyasaye omwene mahe emboola. 12Abamahanga boosi balamulanga mbu, abeikhabi, okhuba eshialo shienywe shilaba eshialo shiokhwikhoyela. Nolwa isie OMWAMI Nyasaye omwene mahe emboola.”
13OMWAMI Nyasaye aboola ari, “Mwaboola amakhuwa amabi po khwisie. Ne mureeba mbu, ‘Khwaboola amakhuwa shiina amabi khwiwe?’ 14Inywe muboolile muri, ‘Okhukholela Nyasaye emilimo nokhwabutswa. Nibukhala shiina okhukhola aka OMWAMI Nyasaye omwene mahe aboola, noho okhuchenda nikhwibeeleelee khulwa okhuteema okhumumanyisia mbu khwonoonile. 15Aka ifwe khulolanga ngakano mbu, abayinga murwe nibo abali nobuyanzi. Abakholi bamabii, kata olwa bamuteema Nyasaye, shibanyoolanga eshinyasio ta, nebutswa bayindihalanga.’ ”
16Mana olwa abo abamuritsanga OMWAMI Nyasaye baboolelana halala, OMWAMI Nyasaye yabarechelesinjia nahulila akababoola. Mana eshitabu shiokhwitsulila abeenabo abariitsanga OMWAMI Nyasaye nibamuhelesia oluyali nishihandikwa imbeliwe.
17OMWAMI Nyasaye omwene mahe aboola ari, “Baakhabe abandu banje. Baakhabe omwandu kwanje omwene khunyanga eyo olwa ndakholile akelichoomo lianje. Ndakhababeelelele shinga olwa omwibusi abeeleelanga omwanawe oumukhalabanilanga. 18Ne habwenaho niho ahamwakhamanyileho obwahukhani buliho hakari womulunjishi nende omubii, abo abamukhalabanilanga nende abo abalamukhalabanilanga ta.”
Currently Selected:
MALAKI 3: OLUPR
Highlight
Share
Copy
Want to have your highlights saved across all your devices? Sign up or sign in