LUKA Okhumanyisia akalimwo
Okhumanyisia akalimwo
Injiili ya Luka yahandika yilolesinjia Yesu okhuba omuhonia, owabandu ba Isiraeli basuubisibwa, khandi omuhonia wabandu boosi. Luka yahandika mbu, Roho owa OMWAMI Nyasaye yalaanga Yesu mbu, ayaalile abamanani Injiili. Ne Injiili eyo, yali muno khulwa abandu abali nobutambi obwahukhaane obunji. Lichoomo likhulundu mu Injiili eya Luka yahandika yino, nobusaangaafu, ne okhushila muno, lili mumiliango chiambeli, echiboolanga khu akokhwitsa khwa Yesu, ne khandi lili mumiliango chiokhuhelelesia, olwa Yesu akulukha natsia mwikulu. Amakhuwa kokhutswana khwobusuubili bwa Kristo, olunyuma lwokhukulukhakhwe, kahandikwa nomuhandichi mulala mwene tsana uno mushitabu eshia, Ebikhole ebia Abarume.
Eshitonye shiakhabili nende shia khasasaba (Henga mubulondokhani obwa Akalimwo), bilimwo amakhuwa amanji akanyoolekhanga mu Injiili yino yonyene. Amakhuwa tsana ngakano mbu, olwimbo lwabamalaika nende okhucheniha khwabaayi olwa Yesu yali niyebuulwe, okhunyoolekha khwa Yesu muhekalu nashili omusiani omutiiti nende tsinjelo tsibili, olwa Omusamaria omulayi nende lwomusiani owakora. Lichoomo likhulundu mu Injiili yino yoosi lili khu, akokhusaaya, aka Roho Omutakatifu, akomulimo kwabakhasi mubukhalabani bwa Yesu, nende khu aka Nyasaye okhuleshela abandu obwonooni.
Akalimwo mubwimbichiti
Okhumanyisia akalimwo 1:1-4
Okhwibulwa nende okhukhula khwa Yohana omubatiisi nende okhwa Yesu 1:5–2:52
Obukhalabani bwa Yohana omubatiisi 3:1-20
Okhubatiisibwa nende Okhuteemwa khwa Yesu 3:21–4:13
Obukhalabani bwa Yesu mu Galilaya 4:14–9:50
Obukhalabani bwa Yesu okhurula Galilaya okhuula Yerusalemu 9:51–19:27
Obukhalabani bwa Yesu khwichumalie liokhumalilikha mu Yerusalemu, nende mumataala kali ahambi khulio 19:28–23:56
Okhulamukha, okhulolekha nende okhukulukha okhwa Omwami Yesu 24:1-53
Currently Selected:
LUKA Okhumanyisia akalimwo: OLUPR
Highlight
Share
Copy
Want to have your highlights saved across all your devices? Sign up or sign in